Umuco Nyarwanda- Byose ku umuco Nyarwanda , ibisigo, imigani, urwenya, video

Umuco Nyarwanda

2011-11-16T14:19:00.000-08:00

Ibimenyetso 5 Bigaragaza ko Umukobwa Akureshya

2011-07-20T08:45:00.000-07:00

Umukobwa burya nawe arabenguka. Dore ibimenyetso bitanu bizakwereka ko yakubengutse

1. Agerageza kugusetsa no kugusekera

Umukobwa wagukunze ntiyifuza kukubona ubabaye n’umunsi n’umwe, bityo bigatuma yumva yakubwira amagambo agushimisha rimwe na rimwe akabikora kugira ngo akubone useka.

2. Agusaba ko musohokana

Mushobora kuba mwari inshuti zisanzwe, mukorana , mwigana se cyangwa hari ibindi bintu bibahuza , nyuma ukumva atangiye kujya agusaba ko mwasohoka mwenyine .

3. Ibimenyetso by’umubiri

Nubona umukubwa yinjiye ahantu uri akakwicira ijisho atavuze, akagukubita agashyi, akagukora mu mugongo ujye umenya ko hari ikintu kidasanzwe arimo kukwereka.

4. Azakubwira ko Akunda Imico Yawe

Umukobwa nakubwira ko yikundira imico yawe azaba akubwiye ko agukunda. Nibwo buryo bwe bwo kuvuga ko agukunda

5. Akugira Inama z'Ubuzima

Nuganira n’umukobwa wakubengutse uzajya wumva arimo kukugira inama z’ubuzima, akwereka icyo wakora kikakugirira akamaro n’icyo utagomba gukora. Ibi kandi ntabwo azabikora yabifatiye umwanya munini ahubwo azabikubwira igihe mu

Ubushakashatsi:Urukundo Rukomoka mu Bwonko

2011-06-21T02:19:00.000-07:00

Ubushakashatsi bwakoze n'impuguke zo muri kaminuza ya Syracuse muri Leta Zunze Ubumwe z'Amerika zavumbuye ko urukundo rudaturuka ku mutima nk’uko bisanzwe bivugwa ahubwo ko ruva mu bice bimwe byo mu bwonko.

Ubushakashatsi bwakozwe n’itsinda ry’abahanga ryari riyobowe na Stephanie Ortigue bwagaragaje ko iyo umuntu akunze hari ibice bigera kuri 12 byo mu bwonko biba birimo gukora. Ibi bice ngo bisohora imisemburo ituma umuntu yishimira cyane uwo akunda. Iyi misemburo ngo ihita igira ingaruka ku myitwarire y’umuntu nk’uko abakoze ubu bushakashatsi bakomeza babivuga.

Ubu bushakashatsi kandi bwanagaragaje ko umuntu ashobora gukunda mu gihe gito cyane kingana na kimwe cya gatanu cy’isegonda gusa.

Abajijwe niba urukundo ruva mu mutwe cyangwa mu bwonko, umushakashatsi Ortigue yasubije ati:

“Icyo ni ikibazo gikomeye, ariko navuga ko [urukundo] ruva mu mutwe n’ubwo umutima nawo ubifitemo uruhare. Urukundo burya ni ikintu kigoye gusobanura kuko ari uruhererekane rw’ibintu biva mu bwonko bikagera mu mutima ndetse n’ibiva mu mutima bikagera mu bwonko”.

Akomeza agira ati: “Hari ibimenyetso bimwe, cyane amarangamutima, dukeka ko bikomoka mu mutima nyamara biba byavuye mu bwonko”.

Aba bashakashatsi kandi bavumbuye ko iyo umuntu yatwawe n’urukundo ngo aba ameze nk’umuntu wanyoye ikiyobyabwenge cya ‘Cocaine’.

Iri tsinda rivuga ko buri bwoko bw’urukundo rufite igice cy’ubwonko cyihariye ruvamo. Nk’urugero batanga, ngo urukundo umubyeyi akunda umwana ntiruva hamwe n’urukundo rw’umusore n’inkumi cyangwa urw’abakirisitu bakunda Imana.

Ikinyamakuru ‘Journal of sey-xual Medecine’ cyanditse iby’ubu bushakashatsi cyemeza ko ubu bushakashatsi bufite agaciro kanini cyane mu bijyanye n’ibyubuvuzi bw’ubwonko, indwara zo mu mutwe ndetse n’ihungabana. Ibi ngo bishobora kuzorohereza abaganga n’abahanga mu by’imibanire n’imitekerereze (Pshychologues) kuko bemeza ko ibibazo mu ngo byinshi byaba biterwa n’ihungabana rikomoka ku rukundo.

Ku bw’iki kinyamakuru, ngo bifashishije ubu bushakashatsi abavuzi bazajya babanza kureba igice cy’ubwonko cyateye urukundo kugira ngo bavure neza abarwayi bafite ibibazo batewe narwo.

“Niba umuntu yabashije kumenya impamvu umuntu akunda n’ikimutera kubabara, bizoroha kumuha umuti”, ibi ni ibivugwa na Stephanie Ortigue.

Impamvu 5 Zituma Umugabo Wawe Aguca Inyuma

2011-06-21T01:44:00.000-07:00

1. Umugabo atangira kumva urugo rwe rutamuhaza

Igihe kiragera umwanya munini w’umugore akawumara yita ku bana, bityo umugabo agatangira kwitabwaho gake gashoboka bigatuma yumva hari icyo abura, akumva rwa rukundo yahabwaga rwaragabanutse ndetse agatangira kumva atishimiye kuba mu rugo rwe.

2. Umugore aba atakiyitaho

Iyo umugore amaze igihe kinini ashatse ageraho akagabanya uburyo yiyitagaho, ni ukuvuga ko agabanya ibyo yisigaga, umusatsi ntabe akiwitaho nk’ibisanzwe n’ibindi yakoraga mbere akiri inkumi akabigabanya cyangwa akabihagarika burundu. Ibi rero bituma umugabo abonako umugore we ashaje ndetse anasa nabi bigatangira gutuma atangira gukururwa n’abakobwa bakiri bato kandi basa neza.

3. Umugabo arashaka guhindura cyangwa kuvanga

Iyo umugabo atangiye kurambirwa gukorera imibonano mu rugo aba atangiye no kumva arambiwe no kuyikorana n’umuntu umwe akumva yahindura cyangwa akavanga. Ikindi kandi akenshi abagore ntibaba bazi guhindurira abagabo babo iyo bari gukora imibonano mpuzabitsina.

4. Ashobora kuba atarigeze kunda umugore we

Ibi biterwa ahanini n’uko hari abantu bashakana badakundana ahubwo bagahitamo kureba inyungu zabo ku giti cyabo cyangwa inyungu z’imiryango y’abo. Iyo rero bamaze kubana hari igihe umugabo atangira kumva umugore babana atari we bari bakwiye kubana bigatuma atangira kujya hanze kuko hari gihe aba yumva batahita batandukana ako kanya agahitamo kujya amuca inyuma ngo yishimishe.

5. Ingeso

Hari igihe umugabo aba nta kintu yabuze iwe mu rugo, ibintu byose bihari, umugore amufata neza yemwe no mu mibonano mpuzabitsina bigenda neza ariko ugasanga rimwe na rimwe atanyurwa n’ibyo umugore amukorera ahubwo ugasanga afite umutima wo kumuca inyuma no gushaka guheheta mu bandi bagore. Iyi ni ingeso aba yisanganiwe muri we.

Nakwitwara Nte Nyuma Yo Gutandukana n'Umukunzi Wanjye

2011-06-21T01:36:00.000-07:00

Abantu benshi bamaze guhura n’ikibazo cyo gutandukana cyangwa kwangwa n’uwari umukunzi bakabura uko babyitwaramo.

Iyo ukunda umuntu uba wumva ari uwawe ku buryo utajya ubasha no gutekereza ko mushobora gutandukana ntimwongere kuba hamwe.

Dore uko wakwitwara uramutse wanzwe n’uwo wari warihebeye.

1. Ganiriza Inshuti Zawe Ibyakubayeho: Reka kubihisha inshuti; menya ko niba ari ikibazo wagize ntawe bitabaho, ikindi kandi umenye ko atari icyaha wakoze.

2 Wicika Intege:Gumana n’inshuti n’umuryango wawe, wibatera umugongo kuko mbere y’uko uhura n’uwo muntu uguhemukiye wari ubafite.

3. Reka Kumva ko Ijuru Rikuguye Hejuru: Reka kumva ko niba ufite ibibazo ugomba kwiyibagirwa. Gukunda ni byiza kandi no kwangwa birababaza, ariko rero wikumva ko ijuru ryakuguyeho ngo we kwiyitaho. Niba wakundaga kwisiga bikomeze, niba ukunda kujya mu bitaramo ntihazagire ikibikubuza; niba wajyaga uryoherwa no gusohoka ukinywera kamwe n’inshuti zawe n’ubundi ubikomeze kuko ubuzima bwo bugomba gukomeza. Abakobwa bo bakunda kwambara bakajya kwireba mu ndorerwamo ko baberewe. Bikomeze rwose kandi ntiwibagirwe ko n’ubwo uwo muntu atakigukunda, utabura abandi bakureba kandi bakagushima.

4.Wihisha Agahinda Kawe- Wikibuza Kurira: Niba wumva ubabaye ukaba wifuza kurira ntihazagire ukubuza rwose. Kurira ni byiza kuko bigufasha kuruhura umutima, ukumva akababaro karashize.

5. Ni Ayahe Masomo Wabikuramo: Ese mu rukundo rwanyu n’ubwo rushize ni iki rwakwigishije? Ushobora no kuboneramo isomo ryagufasha kutazongera na rimwe kugwa muri izo ngorane ubutaha.

6. Wikwirengagiza akababaro kawe: Hari abantu benshi bishuka ko kwirengagiza ikibazo barimo ari byo bibafasha kumera neza. Nyamara uko ucyirengagiza niko noneho cyanga kikakuremerera. Niba ubabaye wibihisha, gusa wirinde kubikabya, ariko kandi ntukanihagarareho cyane bityo bizagufasha kubikira vuba usubire mu buzima bwawe busanzwe.

7. Tekereza noneho ku nyungu zawe nyuma yo gutandukana nawe: Wenda ahari birashoboka ko wari wararetse gusohokana n’inshuti zawe, kuki se utazigarukira? Wenda ahari birashoboka ko wari usigaye ubura umwanya wo gukora ibyo wari usanzwe ukunda, kuki se noneho utabikora ko wawubonye. Tekereza n’ibindi byose byagushimishaga wari wararetse kubera uwo ukunda, maze usubire uryoherwe n’ubuzima nka kera.

8. Igihe kirakiza: Nureba ukabona ibibazo byakubanye ingutu, jya wifatira umwanya ubyihorere amaherezo igihe kizagufasha kuruhuka uwo mutwaro.

9. Fata umwanya wo gutuza: Utekereze neza ibyo ubuzima bwawe.

Impamvu 6 Zituma Abantu Bifuza Gushinga Urugo

2011-06-21T00:52:00.000-07:00

Gushaka ni kimwe mu bintu byerekana urukundo ruba ruri hagati y’umugabo n’umugore cyangwa se umusore n’inkumi maze rukajya ku mugaragaro abantu bakabimenya. Mu masezerano y’ urukundo buri wese yemerera undi ko bazabana mu byiza no mu bibi, mu bukire no mu bukene, barwaye cyangwa se ari bazima. Abenshi banongeraho ko bazabana kugeza bapfuye. Ibi ubibonye cyangwa ubyumvise ushobora kugira ngo biroroshye, ariko ntabwo ari ibintu byoroshye kugirango abantu bazabashe kubana mu mahoro no mu munezero w’urugo kugeza bapfuye kuko harimo nabo binanira bagatandukana kandi bari babyiyemeje.

Dore zimwe mu mpamvu zituma abantu bashaka umugabo cyangwa umugore.

1. Gukunda no gushaka gukundwa

Abantu bakundana iyo batarabana cyangwa se batarashakana ntibishimira uburyo baba banyemo kuko bataba babana iminsi yose. Ikindi kandi banafata umwanya wo gutekereza uko abandi bababona; ibi rero bimarwa no kubana kuko ari bwo buri wese yumva akunzwe ndetse akanabyiyumvamo nta n’ikindi yikanga .

2.Gushaka umuketakano no kwitabwaho bihagije

Iyo umuntu ashatse aba yumva afite umutekano uhagije mu buryo bitandukanye. Abagore cyane cyane iyo barongowe baba bumva bacitse ibibazo byinshi kuko kenshi na kenshi iyo bakiri ingaragu bahura n’ibibazo byinshi bishingiye ku miterere yabo. Urugero: bashobora gukorerwa ihohoterwa rishingiye ku gitsina cyangwa se bakumva ubuzima bwa gikobwa butabashimishije.

Izo mbogamizi zose rero zigatuma bakoresha uko bashoboye kugira ngo bashake maze babone umutekano.

Abagabo nabo baba bumva bashaka abantu babitaho bababaza amakuru, mbega babakorera ibyo bashaka byose. Ikindi kandi iyo umugabo abona hari umuntu umwereka ko amwitayeho. Ibi biramushimisha cyane.

3. Gushaka umutuzo n’umunezero

Umunezero n’umutuzo nabyo biri mu bintu bituma abantu bashaka kuko baba bumva bizatuma bishimira ubuzima.

4. Gushaka kugira umuryango

Iyo umuntu ataragira umuryango, ni ukuvuga umugore/umugabo uzwi mu mategeko n’abana, usanga yumva atubashywe kabone n’iyo yaba afite amafaranga menshi, akuze se cyangwa afite umwana ariko mu buryo butazwi. Buri gihe abayumva hari ikintu kibura akagerageza gushaka uburyo yakuzuza ibyo yumva akeneye byose birimo no kubahwa nk’umubyeyi cyangwa se umuntu ufite urugo.

5. Kwikura mu bwigunge

Abantu benshi iyo batarashaka baba bumva hari ukuntu baba mu bwigunge. Nk’iyo umuntu akora yava ku kazi akabura umuntu umwakira cyangwa n’umwakiriye ntamwakire nk’uko abyifuza ngo ahita yumva yigunze maze akumva yifuje kubana n’umuntu umukunda kandi umuhora hafi.

6.Kugabanya inshingano

Hari gihe umuntu yireba maze ngo agasanga afite ibintu byinshi agomba gukora, muri make afite inshingano nyinshi kandi agomba kuzuza. Iyo bimeze bityo rero atangira kubona ko atari ngombwa ko ibyo bintu byose yabyikorera ku mutwe we wenyine maze agahitamo gushaka umuntu uzajya umufasha akamutiza imbaraga yaba mu bitekerezo cyangwa bukungu

Ibibazo by'Amafaranga n'Urukundo

2011-06-21T00:41:00.000-07:00

Amafaranga ni kimwe mu bintu bijya bibangamira imibanire y’abantu bakundana. Turebere hamwe uburyo wakwitwara kugira ngo ibibazo by'amafaranga bitabangamira urukundo rwanyu.

1. Mugomba gukora urutonde rw’ibintu bitwara amafaranga

Niba ari umuryango w’umugore, umugabo n’abana bagomba kwicara bakareba ibikenewe mu gihe runaka. Ese abana bakeneye iki? Mu rugo se ni iki kibura? Ikiba gisigaye ni ukugabanya amafaranga bitewe n’ibikemewe cyane kurusha ibindi, aho kuyakoresha uko biboneye.

Iyo abantu benshi bahembwe usanga iyo baguze ibiryo mu rugo bumva bihagije; ubundi ntibarebe ibyo abana bakeneye n’ibindi bikenewe.Iyo ibyo birangiye asigaye bayokoresha uko bishakiye, ukwezi kukazajya gushira nta kintu basigaranye,maze umwiryane n’ubwumvikane buke bigatangira.

Ibi bishatse kuvuga ko ahanini umuryango ukoresha nabi amafaranga usanga nta mahoro awurangwamo, kuko baba bari mu buzima bubakomereye buri umwe yifuza ikintu kandi atari bupfe kukibona. Mu muryango nk’uwo abana ntibaba bavuga, kimwe n’ababyeyi babo, aho buri wese aba ashinja mugenzi we gukoresha amafaranga nabi.

2. Niba ugiye kugura ikintu, banza urebe ko ari cyo gikenewe koko.

Ikintu gikunda kumara amafaranga y’abantu, ni uko usanga bayakoresha mu bintu bidakenewe kandi hari ibikenewe cyane byagombaga gukorwa. Iki kibazo gikunda kugaragara ku bagore cyane, kuko ari bo bakunda kugura ibintu batabanje kureba niba babikeneye koko. Umugore ashora kugura ibintu bibiri bisa kuko yabikunze kandi wenda atari na byo bikenewe, amafaranga akaba yanamushirana ataragura iby’ibanze.

Igikomere cy'Urukundo: Wagikira Ute?

2011-05-06T01:21:00.000-07:00

Urukundo ni rwiza, rugufasha kubaho neza, rukaguha umunezero, rukaguha ishema mu bandi,… ariko rimwe na rimwe rukagutera agahinda iyo uwo wakundaga, wihariye, wasaga n’aho wubakiyeho isi yawe agutengushye, akakwanga, akigendera.

Gutandukana kw’abakundana bishobora guterwa n’impamvu nyinshi. Ushobora kubigiramo uruhare cyangwa bikakugwirira, ariko ikigaragara kenshi ni uko iyo utandukanye n’umuntu wowe ukimukunda bikubabaza kandi bikakugiraho ingaruka, rimwe na rimwe bikanagusigira igikomere ku mutima.

Ese mu rukundo ni iki gituma umuntu akomereka mu mutima cyane?

Hari ibintu byinshi bishobora gutuma umuntu akomereka mu mutima ku buryo bishobora no gutuma umuntu ahita ava mu byo gukundana burundu. Bimwe muri ibyo bintu birimo nko kuba uwo mwakundanaga agusezereye kandi wowe wari ukiyumvamo urukundo cyangwa igihe wari ufite umuntu wimariyemo wabimubwira ugasanga we ntibimurimo ndetse aho kugirango anakumve neza, ahubwo ‘akaguca amazi’ (akagupinga), akakugira umusazi kandi nyamara ibyakubayeho ntawe bitabaho. Ikindi kijya kiboneka ni nk’iyo mu bucuti busanzwe (friendship), umwe ababaje undi akaba yamuvuga nk’amagambo yo kumusebya, kumubeshyera, kumutwarira umukunzi, n’ibindi bintu byose bishobora gutuma icyizere yari agufitiye agitakaza.

Wabyitwaramo ute bikugendekeye bityo?

Abantu benshi bazakubwira bati ihangane, humura bizashira, amaherezo bizagenda neza, uzabona undi ndetse unamuruta,…ariko iyo byakugezeho uba wumva nta n’undi muntu n’umwe ku isi wari wagira ikibazo nk’icyo ufite muri ako kanya.

Aha hari ibintu ushobora gukora kugira ngo ugabanye umubabaro:

1. Gerageza kubyisohoramo:

-Shaka inshuti cyangwa umuvandimwe wisanzuraho maze ugerageze kubimuganirizaho

Ibi birimo no kuba wamuririra ku rutugu, ukarira bihagije rwose. Ibi bizagufasha kuruhuka no kurenga icyo kuri wowe wumvaga gisa n’aho ari isi yakwituye hejuru. Mu gihe ubona bigukomereye cyane, ushobora no kuba wajya kureba umuntu utanga inama (psychologue cyangwa umujyanama mu by’ihungabana), ukabimuganiriza nawe akakugira inama.

-Ntukagire ubwoba bwo kurira kandi iyo ugiye kurira si ngombwa ko uhamagara abantu. Jya ufata umwanya utekereze ku byakubayeho, nubishaka rwose ufate umusego wawe uwuririreho, haba ku mwanywa cyangwa nijoro ndetse ntugatinye no kubikora igihe ugiye koga.

2. Gerageza kwiyumva no kwiyakira

Ibuka ibintu byiza ufite kuko ntabwo ugizwe n’ibibi gusa. Iki ni ikintu gikomeye cyane kuko rimwe na rimwe abantu bakomeretse ku mutima batekereza ko ari amakosa yabo, bakumva ko nta gihe na kimwe bari bakora ikintu cyiza mu buzima bwabo. Ibi twabifata nko kwihohotera kandi ni bibi cyane kuko bikugiraho ingaruka mbi kandi nyinshi. Gerageza kwibuka ibintu byiza ujya ukora cyangwa n’ibyaba byarakubayeho, uzirikane amahirwe wahawe n’ubuzima, icyo inshuti zawe zigukundira,… Niba wowe udashoboye kubyiyibutsa, ushobora no kwegera inshuti yawe wisanzuyeho ikabigufasha.

3. Gerageza kwiyibuka no kwiyitaho

Umutima ukomeretse ushobora kugutera ‘stress’ cyane ariko ntukemere ko utuma n’umubiri wose ubigwamo. Sinzira bihagije, urye neza, ukore imyitozo ngororangingo kugira ngo ugabanye ‘stress’ mu mutwe wawe. Niba usanzwe ukunda gusa neza no kwambara neza n’ubundi komeza ubikore.

4. Jya ukomeza ukore ibintu n’ubundi wari usanzwe ukunda

Niba ukunda kujya kureba filime, n’ubundi jya ubikomeza. Niba hari igitaramo kandi ukunda ikirori ntukagitangwemo kuko bizagufasha kwibagirwa bya bibazo ufite.

5. Gerageza guhora ufite utuntu urimo gukora

Si ukuvuga ko ugomba kwiyibagiza ibyakubayeho, ariko nibura gerageza gushaka utuntu tugufatira umwanya. Iki ni igihe cyiza cyo kujya mu bikorwa bitandukanye nko guhaha, gukora isuku mu cyumba cyawe, kujya gusura inshuti, gutegura imishinga yawe uteganya,n’ibindi bintu byagufasha kubona icyo uba uhugiyeho kurusha guheranwa n’agahinda uterwa n’ibyakubayeho.

6. Ihe umwanya uhagije wo gukira

Hari abantu bihutisha ibyababayeho bagashaka guhita basubira mu buzima bwabo busanzwe batihaye umwanya uhagije. Niba ukomeretse umutima, ni ngombwa ko wiha umwanya uhagije, wo kubitekerezaho, ugashaka uko ubisohokamo ariko atari ako kanya. Kugira ngo igikomere cyo ku mutima gikire vuba cyangwa gitinde bizaterwa n’uburemere bw’icyatumye ukomereka, bitewe n’uburyo ufata icyo kibazo wagize n’uko ucyitwaramo wowe ubwawe. Ku bantu bafite umutima woroshye bikunze kubatwara igihe kirekire kugira ngo babyikuremo (aba bishobora gufata kuva ku byumweru bitatu no kugera ku mezi) ariko ku bantu bafite umutima wihangana kandi bakabifatira umwanya bashobora kumara iminsi ibiri yonyine bakaba bakize.

Hariho abantu bumva nta kintu na kimwe kizongera kubashimisha mu buzima bwabo bwose, bagahitamo kwiyahuza ibiyobyabwenge n’inzoga nyinshi, abandi kubera agahinda baba biyumvamo bagahitamo kwibabaza ubwabo ntibiyiteho cyangwa se ugasanga bababaza abandi bahuye cyangwa bari kumwe.

Si byiza kurakarira n’abataragize uruhare mu kibazo cyawe, ahubwo jya ugerageza kumva ko ibyakubayeho ari ibintu bisanzwe kandi ko nta n’uwo bitabaho, wumve ko kuba byarakubayeho abo bandi nta ruhare babifitemo kandi ntubafate nk’abanzi bawe. Ntugahite urahira ko nta wundi muntu uzongera kwizera no guha umutima wawe kuko buri gihe ubuzima buba bwiteguye kuguha amahirwe ya kabiri.

Uburyo 10 bwo Kwereka Umukunzi wawe ko Umukunda kuri St Valentin Udakoresheje Amafaranga

2011-05-06T01:14:00.000-07:00

Dore uburyo 10 wabwira umukunzi ko umukunda kandi nta faranga na rimwe utanze cyangwa se utanze make. Igihe bibaye ngombwa ko umwereka ko umukunda ariko washiriwe!

1. Indirimbo

Shaka indirimbo uzi ko uwo ukunda akunda kumva maze uyimwoherereze, haba kuri CD, kaseti (tape) cyangwa kuri e-mail, niba mutari kumwe. Niba ahari uyishyiremo muyumvane cyangwa se munayiririmbane.

2. Indabyo zo mu busitani

Niba wari ufite impungenge z’ uko utazabona ubushobozi bwo kugurira umukunzi wawe amaroza kuko wenda ahenze cyane, burya nta muntu wavuze ko ugomba gutanga amaroza. Ushobora no gutanga izindi ndabyo wakura nko mu busitani bw’ aho uba cyangwa se ukanazigura kuko hari izihendutse cyane kuko burya indabyo zisanzwe nazo zishimisha nk’izo umuntu aba yaguze. Si ngombwa kandi ko uzohereza ku ya 14 Gashyantare kuko atari itegeko; uzibonye na mbere ho gato cyangwa nyuma nabyo ni byiza.

3. Ikorere ubwawe impano aho kuzigura

Ibintu nka Chocola, gateaux n’ ibindi bigurwa abantu bakunda gutanga nk’impano kuri Sait Valentin usanga bihenze, nyamara kubyikorera bishoboka. Ushobora rero gusoma uko ibi bintu bikorwa ubundi ukagura ibikoresho ukabyikorera utanze amafaranga make cyane. Ibi kandi ngo bishimisha uwo ukunda cyane kuko abona ko wafashe umwanya wawe ukamukorera impano uko ubishoboye. Ibi ariko si ibintu ukora imburagihe ahubwo ni byiza ko ubitangira hakiri kare kuko uba utabimenyereye kugira ngo hato utavaho ubyica.

4.Impano isanzwe nayo igaragaza urukundo

Uretse ibyo amatangazo avuga mu rwego rwo gukurura abaguzi, burya za diamand cyangwa se ibindi bintu bihenze nta bwo ari byo bituma uwo ukunda akwihebera. Fata amafaranga ufite ubundi umugurire nk’ udukomo, amaherena, cyangwa se impeta iri ku giciro ushoboye. Burya nabyo biramushimisha cyane.

4. Saint Valentin ushobora kuyizihiza umunsi uwo ariwo wose

Uretse ko hafi isi yose iwizihiza ku ya 14 Gashyantare, nta tegeko ririho ritegeka kwizihiza umunsi w’abakundana kuri uwo munsi. Bitewe n’ ubushobozi ndetse n’ umwanya, ushobora kwizihiza uyu munsi icyumweru mbere cyangwa se icyumweru nyuma y’iyi tariki.

Uwitwa Reader Witold yavuze ko we n’ umufasha we bizihiza uyu munsi ku ya 21 Gashyantare kuko aribwo babasha kubona ahantu heza ho gusohokera kandi n’ impano nk’ indabo zikaba zidahenze cyane nk’ uko biba bimeze ku munsi wa Saint Valentin nyirizina.

6. Gutanga amafaranga menshi ku tuntu duto bishobora gutuma wicuza

Impano y’ umunsi wa Saint Valentin igomba kuba koko ari impano ureba ukabona ko uyiguhaye akubwira ati: “Nkwitayeho kurusha bose”. Ushobora kumutunguza iyi mpano ari ku kazi, wambaye imyenda yawe myiza; ibi bizamushimisha cyane. Fata ifoto yanyu mwembi mukunda ubundi uyikoreshe ku buryo igaragara neza ubundi uyishyire nko muri cadre (frame) ubundi uyimuhe. Ibi bizamushimisha cyane. Hari abishima cyane ubahaye ikintu gito kandi gisanzwe nk’ umugati wa sandwich.

7. Urukundo rwanyu ntabwo ruzapfa, shaka rero akantu kazahoraho mu gihe mukiriho

Niba ufashe umwanya wawe ugashushanya ikarita uko ubishoboye n’ intoki zawe, bizashimisha cyane uwo ukunda kurusha uko wajya mu isoko ukagura carte postal maze ukandikaho interuro nke. Niba ufite amabara nayo uyakoreshe kugira ngo agashushanyo kawe karusheho kugaragara neza.

8. Mwigumire mu rugo mwirebere filime

Benshi barasohoka, namwe mushobora kuba mwarasohotse inshuro zitari nke. Niba uyu munsi mudafite ubushobozi bwo kuba mwasohoka ntabwo ijuru riguye. Kubera akazi ntabwo ukunda kumarana igihe n’ umukunzi wawe. Uyu munsi rero kora ikidasanzwe ubundi wirirwane n’ uwo ukunda wenda munirebere filime mwembi.

9. Ihitiremo akandi kantu mwakora

Burya nta gikorwa cy’ urukundo cyaruta gushaka ikintu gishya mwakora mwembi kandi nta mafaranga mutanze. Urugero, ushobora kureba ahantu habereye ibirori kwinjira ari ubuntu ubundi muhagere. Nabyo birashimisha.

10. Gusomana ku buryo budasanzwe no guhoberana nabyo biba bikenewe kuri uyu munsi

Ushobora gusoma umukunzi wawe mu buryo bwinshi butandukanye kandi uteri usanzwe ukoresha mu gihe wabaga uri kumusoma. Urugero: niba wamusomaga ku munwa gusa uhindure umusome no ku ntoki cyangwa ahandi hose ushaka ku mubiri we kandi n’umuhobera ubikore ku buryo abyumva ntibibe bya bindi byo kumuhobera usa n’umwikiza. Guhobera umuntu ntibigurwa mu iduka kandi ntibinasaba ingufu nyinshi, muhobere ku buryo azahora abikwishyuza ati “mpobera nkuko wampobeye kuri saint valentin”. Nuba uri kumuhobera uzanibuke kandi kumubwira amagambo meza y’urukundo, ya yandi amuryohera mu matwi akumva wakomeza ukayamubwira.

Uburyo 6 Wakwitwaramo Usohokanye n'Umukunzi Ubwa Mbere

2011-05-06T01:07:00.000-07:00

Abantu benshi, basohokana n’abantu, banabafiteho agatekerezo, ariko akenshi bikarangira nta n’umwe muri bo umenye uko bigenze, ndetse niba hari nk’akajambo (nka Ndagukunda) yateganyaga kukubwira bikaza kurangira yifashe.

Ese biterwa n’iki? Ese ni iki gituma umuntu ashobora guhindura igitekerezo yari agufiteho kandi mu bigaragara ubona nta kosa wamukoreye?

1. Ambara uko bikwiye

Ku mukobwa biba byiza kwambara imyenda y’ibara ryoroshye, ridahita ryigaragaza cyane , ukaba utisize cyane ku munwa no ku ngohe bijya biranga abakobwa benshi.

Ku muhungu na we biba byiza kwambara nk’ ishati y’ibara ry’umweru, ukaba uhumura neza, ariko nta bikabyo byinshi. Ni byiza ko uba wiyogoshesheje umusatsi n’ubwanwa, mbese ukeye kandi ugaragara neza.

2. Gerageza kwirinda kuvuga ku bintu bikomeye kandi bitumvikanwaho kimwe n’abantu benshi ahubwo mwiganirire ibindi bisanzwe hato bitaza gukurura impaka hagati yanyu mwembi.

3. Irinde kuvuga kuri Politiki

Igihe wasohokanye n’umuntu bwa mbere, utaramenya ibyo akunda n’ibyo yanga, wirinde kuvuga ku ishyaka runaka ufana cyangwa iryo wanga, wirinde kuvuga ku bintu bijyanye n’imyemerere, n’umuco, … kuko hari igihe umuntu ahita yumva atakikwisanzuyeho bitewe n’ibyo urimo kuvugaho.

4. Mu kuganira si byiza kuvuga ku biryo kuko hari igihe ushobora gusanga nk’ikintu wowe wanga wumva nta n’undi wakirya, we aricyo yikundira, bityo ukaba usa n’umuhutaje.

Urugero: ushobora nko kwibaza ku bantu barya inzoka, ukaba wanabavugaho nabi, kandi wenda nawe azirya, bityo ntabe akikwisanzuyeho cyangwa ngo yumve ko hari aho ibyanyu bishobora kugera, akihitiramo kwicecekera ngo hato utamusubiza inyuma kubera ko mudahuje.

5. Mwumve kandi umuhe igihe cyo kuvuga

Hari abantu bafite ingeso yo kuvuga cyane ku buryo abandi baba bari kumwe bananirwa kuvuga cyangwa se bakumva ibintu byose byavuzwe nta kindi barenzaho, ibi jya ubyirinda cyane cyane iyo utaramenyana n’umuntu neza, ngo umenye uko ateye, umenye ibyo yanga n’ibimushimisha.

6. Mwereke ko wishimiye ko muba muri kumwe gusa ariko wirinde kurengera

Ni byiza ko wereka uwo mwasohokanye ko wishimiye ubutumire bwe, aho yakujyanye n’ibyo mwaganiriye, ariko utabikabije cyane ku buryo abona ko icyo gihe iyo kitabaho, wari guhomba byinshi.

Niba kandi uwo muntu nawe wari usanzwe umwiyumvamo, ariko wenda warabuze aho umuhera, uyu ni umwanya mwiza wo kumwemerera urukundo arimo kugusaba.

Niba kandi wowe utarigeze ubitekerezaho, si byiza ko uhita umwemerera nyuma ukazicuza utakibishoboye, cyangwa se ngo uhite umuhakanira kandi nyuma nubona abandi bamwitwariye usigare uririra mu myotsi.

Ahubwo ibyiza ni ukumubwira ko ugiye gufata umwanya nk’uwo nawe yafashe abitekerezaho, hanyuma numara kubitekerezaho bihagije umuhamagare, umubwire igisubizo cyawe nta soni ufite kuko gukunda umuntu nta soni na nke biteye.

Intambwe 10 wakoresha kugira ngo ubone Umusore wakubera inshuti

2011-05-06T00:56:00.000-07:00

Ushobora kuba wicaye ugatekereza ugasanga ukeneye umuhungu ukubera inshuti cyangwa se ukeneye undi umuhungu w’inzozi zawe.
Dore ibintu by’ingenzi ugomba kugenderaho bikagufasha kubonma inshuti y’umuhungu :

1. Niba ubonye umusore wishimiye gerageza kumwenyura umwereka ko urangwa n’inseko nziza

Abagabo benshi bakururwa n’inseko z’abakobwa. Niba ubonye umusore ukumva umwibonyemo kandi yakubera umukunzi, ntuzigere uzuyaza kumusekera kuko burya n’ubwo uba ntacyo umubwiye n’umunwa uba utanze ubutumwa bukomeye cyane butagira ijambo (non-verbal message). Iyo ubikoze gutyo bituma yumva yatera intambwe ya mbere akubaza amakuru yawe.

2. Gerageza kwiyoroshya (be approachable)

Aha ngaha niba uri inkumi ugakubitana n’umusore w’inzozi zawe, ukabona ari umuhungu ukunda kuganiriza abakobwa, wowe uza mureke ntugire icyo ukora gusa ujye ugerageza kumusekera, kumureba indoro nziza ndetse nibiba ngombwa unacishemo umwicire akajisho hanyuma ukomeze ukore ibyo wakoraga; yewe niba wanagendaga wikomereze urugendo. Gusa ariko ibi byose ugomba kubikora mu kinyabupfura kandi ugashyiramo n’ubwenge, ukamenya niba uko uteye byamaze gukurura uwo musore. Ibi numara kubigeraho; umusore wamaze kumwemeza, ibindi bisigaye we azabyikorera. Gusa uzakomeze wiyoroshye kugira ngo ejo utamuca intege akisubirirayo.

3. Gerageza gutuma umusore avuga (Mwinjize mu kiganiro)

Umuhungu ntiyapfa kumenya niba wishimye cyangwa ubabaye, nyamara wowe ukeneye ko abimenya. Niba muvuganye, gerageza umuganirize ku buryo mutandukana agishaka kukuganiriza ndetse afite n’amatsiko yo ku kumenya kurushaho. Jya ushaka uko waryoshya nicyo kiganiro, umubwire ariko ukore ku buryo umusiga agikeneye kukumenya kurushaho.

- Nk’igitsina-gore, gerageza kwiyoroshya umere nk’uko bisanzwe, n’ubwo bitoroshye kwitwara uko usanzwe mu gihe uhuye n’umuhungu wakunze. Muri iki gihe, ujye ugerageza kuvuga ururimi usanzwe ukoresha kandi unavuge amagambo yoroshye, yumvikana. Ikindi ugomba kwitaho ni ukagerageza gukurikiranya ibitekerezo neza kandi ubiha ubusobanuro bwiza. Ibi byose ubikora kugirango uwo muganira aryoherwe koko.

- Gusa ariko, ibi ntibivuze kuvuga amagambo menshi icyarimwe ngo undi abure akanya ko kuvuga anarambirwe. Si icyo bivuze, habe na mba. Vuga amagambo make ariko arimo ubwenge ashobora gutuma uwo muganira agira amatsiko bikamutera kukubaza ibibazo byinshi; noneho wowe ukagenda umusubiza ikibazo ku kindi. Mu kumusubiza, gerageza kujya umushyira mu gihirahiro ari nabyo bizatuma ashaka umwanya munini wo kukuganiriza.

4. Shaka ikintu wivugaho, cyangwa se umubwire amateka y’ubuzima bwawe

Niba uhuye n’umuhungu ubona wazakubera inshuti ku buryo bwimbitse, gerageza kumwibwira nibura ho gato ku buzima bwawe. Ushobora kumubwira ibyo ukunda cyangwa ibyo wanga cyangwa se ukamubwira inkuru y’ibintu wabonye n’ibyo waciyemo.

5. Reka yiyumve nk’uw’agaciro

Aho kugira ngo ukomeze kwivuga ibigwi wowe wenyine, gerageza no kwereka uwo muri kuganira ko afite agaciro imbere yawe kandi nawe umuhe umwanya akwibwire anakuganirize. Ikindi kandi niba hari ikintu afite utakunze reka guhita ubimwereka ako kanya bitamuca intege.

6. Reka kumujora umusesereza

Hari uburyo bwiza ushobora kunenga umuntu ariko utamukomerekeje; uburyo ukoresha rero nta bundi ni ukumuganiriza mugaseka kuko ushobora gukosora umuntu ubicishize mu rwenya. Ikindi ni uko ushobora nawe gushaka uburyo bundi wabikoramo ariko butamutera kumva ko wafashe umwanya umugenzura..

7. Irinde uburakari bwa hato na hato

Niba avuze ibintu ntibigushimishe, reka kwitwara nk’umwana muto ngo uhite wirakaza. Gerageza ahubwo guhita ushaka uburyo bwiza bwo kumugarura mu biganiro bikuryohera maze nawe ahite abona ko ibyo yari akoze atari byiza.

Muri iki gihe ntuzagire ubwoba bwo kuba wamukura muri icyo kiganiro utakunze cyangwa ibyo yita urwenya kandi bitari kukunyura kuko numwihorera azumva ko ari byiza ubutaha azabisubire. Gusa uzibuke kumukebura mu kinyabupfura kugira ngo utamukomeretsa.

8. Mugenere umwanya muri gahunda zawe

Kimwe mu bintu bikomeza ubucuti ni uguha umusore ukunda umwanya mu byo ukora kuko urukundo rusaba igihe. Numwihorera ntumuhe umwanya bizatuma nawe yigira muri gahunda ze zitandukanye no mu zindi nshuti ze bityo n’ urukundo rwanyu ntirukure ngo rutere imbere. Ushobora kuba udakunda kuboneka ariko gerageza umuhe akanya gato bizatuma abona ko afite akamaro mu buzima bwawe. Ujye umushakira n’ahantu heza ho kuganirira kugira ngo abone umwanya wo kugutekerezaho kuko ushobora gusanga nawe yari yarasanze uri umukobwa w’inzozi ze. ni byiza kandi ni na ngombwa ko umuha umwanya wo kumva ko akwegereye kandi ko umuri hafi.

9. Ba uwo uriwe

Niba uri kuganira n’umuntu cyangwa se niba ushaka ko umuntu agukunda geragaza kuba uwo uriwe (be yourself), ntushake kwifata/kwitwara nka runaka wundi. Mu gihe uzaba ushaka kwigira uwo uteri we bizatuma wumva udatekanye muri wowe kuko hari undi umuntu uzaba ushaka kwigira we bitandukanye n’uko uri. Gushaka kwigira uwo uteri we bizatuma unanirwa kumuganiriza, bitumen n’ubushuti bwanyu butaramba.

10. Mwereke ko umwitayeho

Gerageza kumwereka ko ibyo arimo kuvuga bigushimisha niba kandi bitarimo kugushimisha ba imfura umubwire ko ibintu arimo kuvuga bitari kukubaka; ubimubwire umwenyura aho kuvuga wazinze umunya.

Icyo usabwa kwibuka ni ukuba uwo uriwe buri gihe ubonanye n’umusore ukunda cyangwa ubona uzagukunda. Irinde gukoresha amagambo arimo imibonano mpuzabitsina cyane mu magambo uvuga kuko ashobora guhita abona ko ari cyo wishakira.

Uzibuke ko uburanga bw’inyuma atari byose ku musore kandi wirinde guhangayikishwa n’umubano wanyu mu gihe utarakomera; hejuru y’ibyou urenze ho kwiyoroshya no kwiha umutuzo (relax).

Ikitonderwa

- Ntuzakore ibintu uzicuza mu buzima bwawe bwose,

- Shaka umuhungu kuko wumva umukeneye kandi ukareba uzakuba iruhande rwawe buri gihe,

- Ntuzicuze igihe uzabona ubushuti bwanyu bugupfanye kuko igihe kiba kizagera ukabona undi kandi w’inzozi zawe,

- Ntuzatume aguhindura mu buryo bwo kugusubiza inyuma, ntuzabyemere kuko azaba atagukunda,

- Uzirinde gukora ibintu bidahwitse mu maso y’umusore ukunda kuko bishobora kukuviramo kubengwa ako kanya.

Imibonano Mpuzabitsina mu Kazi

2011-05-06T00:49:00.000-07:00

Ubushakashatsi bwakozwe n’impuguke mu by’imibonano mpuzabitsina Alain Héril bwagaragaje ko abantu bose batanganya amahirwe yo guhuza ibitsina aho bakora, kuko abakoresha ari bo bagira amahirwe menshi yo kwigondera umukozi akamusaba ko bakora imibonano mpuzabitsina kandi bigakorwa nk’uko abyifuza.

Ubu bushakashatsi uyu muhanga yashyize mu gitabo cye yise Aimer bugaragaragaza ko mu mirimo ikunze kugaragaramo ubushotoranyi bushobora gutuma habaho imibonano mpuzabitsina ku bantu bakorana, harimo itangazamakuru, aho batunganyiriza uburanga, hakiyongeraho na zimwe muri entreprise zikoresha abantu akazi k’imvune n’agasaba amasaha menshi umuntu ari mu biro.

Ba nyakabyizi ngo ni bo nibura bashobora guca ukubiri no gusambana na ba shebuja kuko akenshi bakora bacyura ayabo, byarimba bakanirukanwa.

Ubu bushakashatsi bugaragaza ko abakoresha barangwa n’uyu mukino mpuzabitsina baba bafite umutimanama utagira igihunga (les anti-stress).

Gusa ariko ubu bushakashatsi bugaragaza ko hari ibigo bimwe byashyizeho amategeko ahana abayobozi bashaka gukoresha abakozi babo imibonano mpuzabitsina. Ibi bigo birimo ahanini amakompanyi y’indege aho ngo usanga gutereta umukozi ari sakirirego kuko ngo bishobora kwica akazi.

Mu gitabo Cupidon au Travail, umwanditsi agaragaza ko nibura mu mezi ane iyo ukorana n’umuntu uba ufite amahirwe menshi yo kuba mwamenyana mukagera no ku ngingo, mu gihe byagufata hagati y’amezi ane n’umwaka kubona inshuti igihe ushakishiriza inyuma y’ibiro cyangwa uri nyakabyizi.

Iby’iki gitabo ariko binagaragaza ko nibura 20% by’abashakana, baba barahuriye mu kazi bakitanaho muri byose, bikarangira biyemeje gukomereza urukundo mu rugo .

Intambwe 8 wakoresha kugira ngo ubone umukobwa wakubera inshuti

2011-05-06T00:40:00.000-07:00

Niba rero uri umusore ukaba wumva ugeze igihe cyo kugira umukobwa w’inshuti, ni ukuvuga umukobwa mwagirana ubucuti budasanzwe (Girlfriend), hari ibintu bishobora kugufasha kubona umukobwa muhuza. Ushobora kandi kuba utaranigeze ujarajara mu bakobwa benshi ariko noneho ukaba wumva igihe kigeze nyamara ukumva utazi aho wahera wegera umukobwa kandi nyamara umwibonamo.

1. Tangira uterete kandi ushyiremo imbaraga umunsi ku munsi

Ibi bivuze ko niba utangiye gutereta, waganiriza umukobwa umunsi wa mbere bikakugendekera neza naho umunsi wa kabiri bikanga ntabwo ugomba guhita ucika intege ahubwo icyo ugomba kureba ni uburyo wakoresheje umwegera (approaches) byaba na ngombwa ukaba wahindura. Gerageza uhindure uburyo; wenda niba waramusanze iwabo, ku ncuro ya kabiri reba uko mwaganira mwasohokeye ahantu hakeye hatari ahabonetse bose.

2. Hitamo ijwi uzajya umuganirizamo

Kugira ngo urukundo rwanyu rukure ugomba kumenya uburyo uzajya uganiriza umukunzi wawe ndetse n’ijwi uzajya ukoresha kugira ngo umwereke ko uri inshuti idasanzwe cyangwa se y’umwihariko. Muri iryo jwi ryiza riyunguruye niho uzerekanira agaciro kawe ndetse n’iyo mwaba mwari musanzwe muziranye bizatuma ahindura uburyo yagufataga ahite yumva ko hari icyahindutse.

3. Ugomba kubaka ubucuti bwanyu ku buryo budasanzwe

Mu gihe urebye inkumi ukabona yakubera inshuti ugomba kuyereka ko umukeneyeho ubucuti mu buryo butandukanye n’ubusanzwe; ni ukuvuga ko ugomba kumuha umwanya ukamwereka ko umwitayeho, ukamuganiriza ibintu bituma atakurambirwa. Gerageza kugenda umwereka udushya, umukorere ibintu atakekagag ako wamukorera umunsi ku munsi kuva utangiye gahunda yawe yo kumutereta.

4. Banza umwereke ko wamubera inshuti bisanzwe mbere yo kumwereka ko wamubera boyfriend

Ikintu kijya kigora abahungu ni uburyo bwo gukurura abakobwa mu gihe barimo gutereta. Mbere yo gutangira umubwira ko yakubera inshuti idasanzwe banza byibura unamwereke ko wamubera inshuti no mu buzima busanzwe (ubuzima bwa buri munsi) kuko aba asanzwe abana n’abahungu benshi. Gerageza umwereke ko hari ikintu utandukaniyeho n’abandi ahora abona cyangwa abana nabo, mbese umwereke ubucuti nyabwo.

5. Ugomba kwikuramo ubwoba

Impamvu ugomba kwikuramo ubwoba ni uko ushobora kuba ufite amafaranga, uri mwiza, ureba neza, uri umuntu w’icyamamare ahantu utuye, ariko ukaba wabura umukobwa wagira incuti kubera gutinya kumubwira akakuri ku mutima. Ikindi kandi ubwoba butuma umuntu atigirira icyizere no mu buzima busanzwe, bikaba bishobora kugusubiza inyuma mu byo ukora.

6. Menya uburyo wegera umukobwa n’uburyo umubwira ko umukunda

Ikigaragara ni uko hari bamwe mu basore bagenda bagahita babwira abakobwa ko babakunda gutyo gusa (bagasa n’ababibatura hejuru batabanje kubateguza), ugomba gushaka umwanya uhagije n’uburyo bwo kubivugamo niba ushaka ko icyifuzo cyawe cyakirwa neza. Nta bwo ari byiza kugenda ugahita ubwira umukobwa ngo “ndagukunda”,geregeza ushake uburyo bwiza wamubwiramo ko umukunda aho kuza ubimutura hejuru kuko ashobora gukeka ko utabikomeje.

Ugomba kandi kumenya ibihe umukobwa arimo kuko ushobora kumusaba urukundo ari mu bihe bibi bigatuma atabyitaho; urumva rero ko ugomba kubanza guperereza ukamenya niba ari mu bihe bye byiza byamufasha kwakira icyifuzo cyawe kandi akacyitaho.

7. Umukobwa naguhakanira bwa mbere ntuzacike intege

Umukobwa naguhakanira ku munsi wa mbere ntuzahite ucika intege ku ikubitiro, ngo wumve ko byarangiye. Iki ni ikintu cy’ingenzi niba ushaka kubona umukunzi. Ugomba gukomeza kugerageza amahirwe yawe kuko abakobwa benshi ntibajya bemerera umuntu ubucuti (urukundo) ku nshuro ya mbere. Ugomba gukomeza kumwereka ko uri umugabo, ugakomeza ugahatiriza, amaherezo azagera aho abone ko umukunda utapfuye kubivuga gusa wikinira maze bimwereke ko umukunda by’ukuri nawe abonereho.

Ariko naguhakanira bwa mbere ugahita ucika intege akabona ntugarutse, azabona ko utamukundaga, mbese ko wamukinishaga.

8. Mwereke ibyiza afite ku mubiri we ariko wirinde gukabya ngo uvuge ibyo adafite

Niba umukobwa afite amaso meza cyangwa urundi rugingo rwiza ku mubiri we bimubwire kandi umubwire ko ubikunda. Urugero: Mubwire ko ukunda inseko ye niba aseka neza bikagushimisha; ibi bizatuma abona umwitaho, ko ubona igihe cyo kwicara ukamureba ukamwitegereza ndetse ukanamutekereza.

Uburyo 5 bwo Kwerekana Urukundo

2011-05-06T00:28:00.001-07:00

1. Amagambo meza

Amagambo meza kandi aha agaciro umukunzi wawe ni kimwe mu bintu ushobora gukora kugira ngo umugaragarize urukundo.

Ururimi burya ni ikintu gikomeye cyane, rufite ubushobozi bwo kurema ariko kandi rukanagira ubwo gusenya, niyo mpamvu mu byo uvuga niba uri kumwe n’umukunzi wawe ugomba kujya witonda. Amwe mu magambo meza twavuga ni nk’amagambo atuma umuntu amererwa neza, akaba ari amuha compliments kandi amutaka. Ari amagambo amubwira ko ari uw’agaciro, ariwe wifuza mu buzima bwawe bwose, ko nta wundi umukurutira, n’andi menshi atuma yishima.

2. Ibihe byo kuba muri kumwe, mugahana umwanya uhagije

Mujye mufata umwanya wo kurebana, kuganira, guseka... ubu ni uburyo umwe mu bakundana ashobora kuba yifuza kandi kuri we akabufata nk’aho ari bwo umugaragariza urukundo. Kuba wamuha umwanya wawe, ukamureka akakureba, akakuganiriza,.. yisanzuye, yumva ntaho ugiye kujya ngo umucike bimugaragarize ko umwitayeho kandi ko umukunda cyane. Ku bakoresha uru rurimi baba ahubwo banifuza ko ari bo ari n’abakunzi babo yewe banafunga na telefoni ku buryo nta muntu ubasagarira, bagakoresha umwanya wabo ari bombi gusa.

3. Impano

Si ngombwa ko ugira byinshi usobanurira umukunzi wawe mu gihe umuhaye impano runaka, kuko impano ubwayo iba ifite ubushobozi bwo gusobanurira umukunzi wawe icyo utekereza.

Ibyiza by’impano kandi ni uko igisobanuro cyayo kigumaho igihe cyose abona iyo mpano wamuhaye, bityo ugasanga biba byiza kurushaho gutanga impano idapfa cyangwa ngo yibagirane.

Impano kandi ntizigomba kuba zihenze cyane, kuko igishimisha umukunzi ahanini ari uburyo uyimuhaye n’igisobanuro cyayo kurusha yo ubwayo. Gusa burya ni byiza ko utanga impano utarindiriye ko haba ikintu kidasanzwe kugira ngo uyimuhe.

4. Kumuha ubufasha no kumwereka ko witeguye kumufasha igihe cyose

Ingero z’ibyo wafasha umukunzi wawe ni nyinshi. Ushobora kumuzingira imyenda wamusuye cyangwa ukanajya iwe mutabivuganye, ukamutunganyiriza icyumba cyangwa ukamutegurira ifunguro ryiza mu gihe atabyiteguye. Ibi birashoboka ku bamaze kubana ndetse yemwe no ku batararushinga bakundana. Ibi ni ibintu ushobora gukorera umukunzi yaba yabigusabye cyangwa atabigusabye.

Ushobora kandi kumva nk’ikintu avuga ko akeneye, wenda adahita apfa kubona ako kanya kubera ko gihenze cyangwa kidapfa kuboneka, ugahita ucyimushakira. Ibi bikorwa byose bituma umukunzi wawe yumva akwisanzuyeho kurushaho kandi bikamushimisha rwose.

5. Kumugaragariza urukundo umukoraho

Ku bantu bashobora kuba batumva neza ikiza cy’ubu buryo mushobora kurebera ku rugero rw’umwana w’uruhinja.

Ese ntimujya mubona umwana muto arira, hanyuma mama we cyangwa se n’undi muntu wese yamufata mu ntoki ze agahita ako kanya aceceka? Ese aho nturabona ibyishimo umwana muto agira iyo mama we amuhaye akabizu (bisou) ku itama cyangwa mu gahanga?

Natwe rero abantu bakuru bitubaho, iyo umuntu agukozeho cyangwa akaguha bizu ari inshuti yawe ni bumwe mu buryo bwiza bwo kukwereka icyo atekereza kandi nawe ubwawe bukagushimisha.

Si ibi kandi gusa, ikindi gishobora kuboneka hagati y’abakunzi muri ubu buryo ni ugukorana imibonano mpuzabitsina n’uwo mukundana.

Mbere ya byose ariko, jya ubanza wimenye ubwawe, nka bya bindi ngo mbere yo gukura agatotsi mu jisho rya mugenzi wawe, ni byiza ko ubanza ugakura umugogo uri mu jisho ryawe. Burya kumenya uburyo bushimisha umukunzi wawe ni byiza, ariko kandi burushaho kuba byiza iyo ubanje ukimenya nawe ubwawe, ukamenya ikigushimisha, ukamenya uburyo wishimira kurusha ubundi muri ubu bwose tumaze kubona haruguru ariko kandi ukiga no kumenya ururimi umukunzi wawe avuga mu rukundo.

Birashoboka ko mu rukundo waba uvuga indimi zirenze ebyiri cyangwa eshatu, ariko burya haba harimo rumwe rurusha izindi imbaraga bityo rukaba arirwo ukoresha mu rukundo cyane.

Ushobora kuba ukunda impano, ukaba ukunda ko bagusohokana ariko wenda ahanini ukaba ukunda kurushaho gutegwa amatwi n’umukunzi wawe, mukaganira, mukamarana umwanya munini kurusha ibindi byose.

Uburyo 5 bwo Kwerekana Urukundo

2011-05-06T00:28:00.000-07:00

Ibintu Bituma Umukobwa Yishima

2011-05-06T00:25:00.000-07:00

- Mubwire ko ari mwiza: Numubwira ko ari mwiza bizatuma abona ko ugira igihe cyo kumwitegereza, n’uko bimutere akanyamuneza amwenyure

- Mufate ukuboko: Niba uri kugendana n’umukobwa cyangwa se mwicaranye, ujye ugerageza umufate akaboko kuko bizatuma yumva ko muri kumwe yemwe azumva ko ntacyabatanya bityo bimugarurire ibyishimo.

- Musome mu ruhanga

- Jya umubwira ko umukunda buri munsi

- Niba afite agahinda, gerageza umubwire ko afite agaciro mu buzima bwawe kandi ko ibya mubabaje bitagomba kumuheza mu bwigunge.

- Jya umushimira niba agukoreye agakorwa gato, kuko icyo kintu gito kiba gisobanura ibintu byinshi.

- Muririmbire akaririmbo n’iyo waba nta jwi ryiza ufite

- Mwandikire utubaruwa
- Mukore mu musatsi

- Muterure mukine ibyo gukirana

- Musohokane mwicare ahantu mu busitani muganire

- Muganirize umubwire inkuru n’inzenya zisekeje

- Rimwe na rimwe ujye umureka asinziririre mu gituza cyawe.

Intambwe 4 zo Gusubirana n'Umukunzi Nyuma yo Gutandukana

2011-05-05T23:58:00.000-07:00

Ese wari wakunda umuntu mugatandukana, ukimwifuza, wumva ari bwo byari bigeze aharyoshye?

Gutandukana kwa benshi mu bakundanaga biterwa ahanini n’ibintu bitari binini cyane, ariko icyo bihuriyeho ni uko n’ubundi icyo bigeraho ari kimwe: gutandukanya abakundanaga!

Ese birashoboka ko wagarura uwari umukunzi wawe nyuma y’igihe kinini atakuvugisha, atakwereka ko akigukeneye?

Byashoboka se ko bya bihe byiza mwagiranaga bibagarukira nyuma y’uburyo mwatandukanye nabi?

Aha ushobora no kwibaza ibibazo byinshi biguca intege, wibaza ko niba ubwo yagusize akagenda, icyo wakoresha cyose ngo akugarukire, niba bwo wakwizera ko azahaguma nabwo atazongera ngo agucike.

Ibi byose ni ibigenda biguca intege, iyo ubitekerejeho. Ariko se niba umukunda wabuzwa n’iki gufata ‘risk’ nk’uko benshi bajya babivuga?

Nk’uko twabibonye tugitangira, impamvu nyinshi z’abagabo/Abagore baca inyuma cyangwa se banatandukana n’abakunzi babo, ahanini biterwa n’uburyo baba babitwayeho. N’ubona rero uwo wakundaga yigendeye cyangwa ukabona atakikwishimiye, jya utangira wibaze ibi bibazo:

- Ese kuba mwaratandukanye byaba ari ikose ryawe?

- Ese haba ari andi makosa wakoze, n’iyo waba utayazi cyangwa utaranayahaga uburemere?

Ahanini ni nk’igihe wakundaga kumuburanya cyane, kutamusaba imbabazi wamukoshereje n’utundi tuntu duto ariko nyamara tumuremerera we.

Niba kuba mwaratandukanye usanze byaratewe n’ikosa ryawe, aho rwose birashoboka ko wagarura umukunzi wawe mukongera mukabana urukundo rukaganza.

Usibye n’ibyo kandi aha uraza kureba uburyo wamugaragariza uburyo yahombye kuba utakiri uwe, n’uburyo wakoresha kugira ngo agaruke agukomangire ku rugi agutakambire agusaba ko mwasubirana. Ntugire ubwoba humura biroshye!

Biragusaba gukurikiza izi ntambwe gusa:

1.Reka kumwereka ko umukeneye cyane cyangwa ko ubayeho nabi adahari

Ikintu cya mbere ugomba gukora ni ukugaragaza ibitandukanye n’ibyo urimo gutekereza, cyangwa wifuza ko biba: Reka kumwereka ko wifuza ko agaruka!

Yego birasa naho bitumvikana cyangwa ko ari nko kwivuguruza, ariko ndakubwiza ukuri , uko urushaho kumugarura, ni ko nawe arushaho kuguhunga.

Muri icyo gihe rero jya ukora nk’aho ntacyo wahombye kuba yaragusize, ujye umureka ajye muri gahunda ze, akore ibyo yifuza byose, nyuma azatangira kubona impamvu agukeneye, anakwifuza mu buzima bwe, azatangira noneho kujya abona ukuntu ubuzima bubishye udahari.

Mureke akore ibyo ashaka, ajye mu bandi bagabo/bagore, batembere, basangire…, amaherezo koko niba ari uwawe azabona ko icyo yaje akurikiye iwawe nta handi akibona akugarukire.

Icyo gihe kandi numureka akaba akora ibyo yishakira byose, nawe jya wigira muri gahunda zawe, we guhora umutegereje nta gahunda mufitanye y’igihe azagarukira.

2.Iyibutse ubuzima bwawe bwiza bwa mbere y’uko ukundana n’umukunzi wawe

Muri icyo gihe wari uri kumwe n’umukunzi wawe, hari byinshi wasize inyuma. Abantu benshi iyo bafite abo bakunda, ntibaba bifuza ko bagira ahandi bajya; nta zindi nshuti baba bumva bagendana, basangira.

Iki ni igihe cyo kubisubiramo, ntukomeze kwibabaza, ahubwo ukishyiramo ko uko bimeze kose ubuzima bugomba gukomeza kandi neza, ugasubira muri bwa buzima bwagushimishaga na mbere y’uko muhura.

Iyo watandukanye n’umukunzi wawe, utangira kwibaza no gutekereza abandi bari kumwe, uti ese ubu abo yahisemo bandusha iki, yabakurikiyeho iki se? n’ibindi nk’ibyo… Yego biragoye kwibuza gutekereza kuri ibi byose iyo ukimukunda, ariko niwumva ushaka kubyirinda jya wibuka ko uwo mwanya wawe upfusha ubusa umutekerezaho, utekereza ibyo arimo, we nta n’isegonda afite ryo kugutekerezaho cyane cyane ko aba yibereye mu bindi.

3.Gerageza kwiyitaho no kwiha umwanya uhagije

Niba uri umugore warakundaga kwisiga, kujya muri salon ukiyitaho, kwambara imyenda myiza, cyangwa igezweho, uri umugabo se warakundaga gukora sport, kwisiga parfum nziza… bikomeze. Wikwisuzugura kuko niba we atakikubona hari n’abandi bakureba, wigarurire icyizere, wumve wongeye kwikunda nyuma yo kubura uwo wakundaga. Subira mu isoko ugure imyenda mishya kandi myiza, ukomeze wiyiteho, uhure n’abandi bantu bashya, umenyane n’inshuti nshya kandi unatemberere ahantu hashya. Niba uri mu kazi ugakore neza kandi nibiba byiza uzanazamuke no mu ntera. Ibyo byose kandi ujye ukora uko ushoboye bimugereho.

Ushobora gukora uko ushoboye ukabonana n’inshuti ze, n’abavandimwe be, n’abo bakorana cyangwa se bigana bitewe n’icyo akora, bityo ntazabasha kwihanganira kutaguhamagara ngo akubaze amakuru. N’ubwo ibyo byose azabikora asa n’utakwitayeho, wowe ntihazagire icyo bigutwara, uzamureke atangazwe no kubona ukuntu ubayeho neza adahari.

Ariko se nyuma y’ibi hakurikiraho iki?

Ese witabye telefone aguhamaye agusaba ko wamugarukira wabyitwaramo ute? Ni gute wabigenza kugira ngo yongere akwiyumvemo nk’uko byahoze?

4.Ntuzigere na rimwe umwemerera ko bikomeza, akibikubwira ku nshuro ya mbere kuko bimwereka ko wari warihagazeho kandi nawe warashize! Ntuzigere na rimwe uhita uvuga “Yego” n’iyo yaba agusabye amahirwe ya nyuma!

Ahubwo musubize ko ukeneye umwanya wo kubitekerezaho.

Ibi ni ukubera iki?

Impamvu ni uko ashaka ko mwongera mugakundana kandi guhita umwemerera si byiza kuko bimwereka ko wari warabuze aho ujya. Humura azakomeza aguhamagare kugeza ubwo azumva bimugeze kure! Ubu noneho, ushobora gukomeza kubikora kugeza ubwo uzaba wizeye neza koko ko yifuza ko mwongera gukundana, ko afite impamvu ikomeye imuteye kugaruka kandi ko usobanuye byinshi kuri we; ubundi urukundo rugasagamba, amahoro, ituze n’umunezero bigataha mu buzima bwanyu mwembi.

Amakosa 7 Abakobwa Bakora mu Irambagizwa

2011-05-05T23:50:00.000-07:00

1. Gushamadukira imibonano mpuzabitsina : n’ubwo ntagihe cyemeranywaho na bose cyo kuba abakundana bakora imibonano mpuzabitsina, wikwemera kuryamana n’ umuhungu utarakumenya neza ngo anakwiyumvemo kuko iyo ubikoze akubona nk’ akajiji akajya yumva agukeneye kubera izo gahunda gusa. Kumenya imiterere yawe y’ inyuma (physique) ntibihagije; umusore aba akeneye no kumenya indi myifatire yawe ngo akugire umukundwa (sweetheart). Kumwitondesha, ntushamadukire imibonano mpuzabitsina, ugategereza ko igihe kigera ni byo byiza.

2. Kumwibwira wese mukimenyana : Si byiza habe na mba kubwira umusore ku ikubitiro inkuru zibabaje z’ ubuto bwawe) cyangwa ibibazo byawe bwite cyangwa iby’ umuryango ukomokamo, kuko bituma akubona nk’ umuntu uje ahetse ibibazo. Yego abakundana baba bagomba kumenyana ndetse ntibanagire ibyo bakingana, ariko byose ntibikorwa umunsi umwe, bisaba igihe, uko abantu bagenda bamenyerana. Mutware buhoro buhoro, ugende umuhishurira amabanga yawe uko iminsi igenda ishira, wirinde guhita umubwira byose mugitangira iby’urukundo kuko ibyo biri muri bimwe bituma atakugirira amatsiko ndetse akanaguhararukwa vuba.

3. Kumuhamagara no kumwoherereza ubutumwa (SMS) kenshi cyane (bikabije): Ikindi ugomba kumenya ni uko abagabo bishimira abakobwa b’ inshuti bishakiye bo ubwabo kurusha ababishakiye. Bityo rero, guhoza telefone ku gutwi umuhamagara, kumwoherereza SMS na e-mails z’ urudaca ntibituma umwigarurira nk’ uko uba ubyifuza. Ni nayo mpamvu nukora aya makosa rimwe na rimwe uzajya umuhamagara akanga kuyifata, wakohereza SMS ntagusubize ngo umenye uko yayakiriye.

4. Kumwigiraho maneko: Yewe guhora umucunga iyo agiye, abo ari kumwe nabo ku buryo iyo umubonanye n’ undi mukobwa wihutira kumubaza ibyo baba bapanga, bishobora guhungabanya umubano wanyu. Ahubwo wowe mwereke ko umukunda, numunyura bizaba bihagije ngo areke abo bakobwa bandi keretse aramutse afite ingeso y’ ubushurashuzi.

5. Kumuhisha utugeso twe wanga: Kubera uburyo uba umukeneye hari ibyo akora bikagushegesha ariko ukanga kubimwereka ngo atakwanga. Uba wiyaruriraho amakara kuko izo ngeso azazikomeza, mu gihe nyamara iyo uza kumusaba wenda aba yarakumviye.Tekereza rero aramutse agushyize mu rugo uko byazagenda hagati yanyu nk’ abantu biyemeje kubana akaramata! Hari igihe cyagera ntubyihanganire kandi nawe atagishoboye guhinduka, bikaba ibibazo gusa.

6. Kumva ko azahinduka : Abantu ,cyane cyane abagabo, ntibapfa guhinduka uko bagenda baba bakuru. Rero niba hari ingeso nyinshi afite ubona utakwihanganira, byaba byiza umwihoreye ugashaka undi muhuje.

7. Kwisuzugura: Yego urukundo ruba rukeneye kuvomererwa no kuhirwa ku buryo buhoraho, ariko kuruha umwanya mwinshi cyane kugera aho wowe ubura uko kwiyitaho byaba ari ubugoryi! Gerageza byose ubijyanire hamwe, kuko umuntu umuha agaciro ari uko nawe ubwe abanje kukiha. Ushobora gushaka kumuharira umwanya wose, yabona utiyitaho akisangira abiyitaho wowe ukaburiramo.

Amabanga 10 yo Kugarura Umunezero mu Rukundo

2011-05-05T23:48:00.000-07:00

Ese urukundo rwanyu ruracumbagira? Urabona se mwembi musa n’abarambiwe? Ese aho ntiwifuza kubivamo ukabura uko ubigenza?

Nyuma y’ibyo bibazo byose, umuti si uguhita ubivamo, banza ahubwo wisuzumme, usuzume n’umukunzi wawe, mwembi musuzumane, mumenye neza ikibazo gihari kuko birashoboka ko gikemuka maze mukongera mugakomeza urukundo rwanyu mutishishanya.

Dore ibintu icumi bishobora gutuma umunezero ugaruka mu rukundo rwanyu

1. Ntimukiganira bihagije, none gerageza ugarure uwo muco hagati yanyu

Icyica umubano mwiza utagira amakaraza mu rukundo rwanyu ni uko akenshi usanga umwe muri mwe ashobora guhora yumva undi ariko agasa n’aho we adafite uburenganzira bwo kuvuga icyo yifuza mu rukundo rwanyu. Ugahora wumva ugomba gushimisha uwo mukundana kabone n’aho wowe waba utabyishimiye.

Niba hari aho wifuza kujya kandi ukaba wumva byagushimisha ujyanye n’uwo wihebeye, mubaze niba nawe abishaka kandi ubimusabe hakiri kare kugira ngo nawe umuhe umwanya wo kubitekerezaho.

Niba hari cyo akubwiye ko kitamushimishije, mwumve umusobanuze neza maze ugerageze kukireka kabone n’aho cyaba kigoye, ugikorere ko umukunda kandi wamurutushije abandi.

2. Wasanga nyamara n’ubwo mubana cyangwa mumaze igihe mukundana mutaziranye. Guhera uyu munsi gerageza ufate umwanya uhagije wo kumenyana

Nk’uko mu kinyarwanda bivugwa, burya ngo ntazibana zidakomanya amahembe, ni nayo mpamvu mu bantu bakundana bidashoboka ko usanga bahuza mu bintu byose. Hari ibyo mugeraho ntimwumvikane ndetse rimwe na rimwe mukananirana.

Ikindi kandi mu guhura kw’abakundana ntibaba baziranye bihagije, biba ari ngombwa rero ko bafata umwanya wo kumenyana umwe akamenya icyo umukunzi we akunda n’icyo yanga, akamenya ibimubabaza n’ibimushimisha ndetse n’ibindi byose.

Ni byiza ko bamenyana mu buryo buhagije. Usanga benshi mu bakundana biyoberanya cyangwa bakishushashanya ku bakunzi babo ntibababwize ukuri cyangwa ngo babihishurire neza abo baribo, nyamara burya biba byiza cyane iyo umukunzi wawe umwiyeretse wese kuko burya iyo agukunda aba agukundira ibyiza n’ibibi byawe n’ubwo aba ashobora kugufasha gukosora bimwe mu bitagenda neza cyangwa ‘ibibi’.

3. Ese aho ntiwikunda cyane, ukihugiraho wenyine, ukumva utuntu twose watwiharira? Gerageza Kugirira no kugaragariza ubuntu umukunzi wawe.

Ubuntu hano buvugwa ntabwo ari ubujyanye n’ibintu bifatika gusa.

Ni ukwita ku mukunzi wawe muri byose, ibyo yagusabye n’ibyo atagusabye, mu byo yibuka n’ibyo atibuka. Ni ukureba icyabera cyiza umukunzi wawe, ukamukunda n’umutima wawe wose kandi ugahora witeguye kumuha ubufasha akeneye mu gihe cyose.

4. Hari igihe wasanga gucira bugufi no kubaha umukunzi wawe bikugora, kandi nyamara ari ikintu gikomeye kandi cyari gikwiye mu rukundo rwanyu

Burya umuntu ukunda, uzi neza ko nawe agukunda, akurutisha abantu bose, ugera aho ukumva nta kumwishishaho na gato ufite. Iyo utabyitwayemo neza, cyangwa ngo ubicungire hafi, bigera aho ukamuca amazi (ukamusuzugura) nk’uko bajya babivuga ku buryo usigara ari we utubaha mu bantu bose.

Byakabaye byiza gukomeza kwitwararika kabone n’aho mwaba mumaranye igihe kinini gute.

Si byiza kumva ko mwamenyeranye cyane ngo utangire wumve ntacyo akikubwiye, ngo umubwire ibyo wiboneye byose. Burya ni byiza ko umwifungurira ukamubwira ibyo utekereza, ariko kandi burya ntukarengere , ni byiza kumenya aho ugomba kugarukira kugira ngo utava aho umukomeretsa.

5. Hari abantu benshi bahora bahora basa n’abihugiyeho, ariko biba byiza iyo uhaye umwanya uhagije umukunzi wawe.

Ni ngombwa gufata umwanya kandi uhagije w’umukunzi wawe. Si byiza kuri ba bantu bakunda kureba za filimi cyangwa kureba imipira y’amaguru cyane, batinda mu tubari se, ku buryo bibagirwa cyangwa se babura n’umwanya w’abakunzi babo. Niba kandi utashye uvuye ku kazi, ugeze mu rugo gerageza guha umwanya abo uhasanze, utandukanye akazi no mu rugo. Muri iki gihe kubera ikoranabuhanga, abantu benshi ntibakibona umwanya uhagije bagenera abo mu rugo; n’iyo batashye bavuye ku kazi bahitira kuri za mudasobwa, kuri za facebook n’ibindi bishobora kubatwara umwanya bakibagirwa abo batashye basanga. Nyamara ibi si byiza na buke kuko umukunzi (umugore/umugabo) wawe aba agukeneye kandi agutegereje.

6. Guhora mureshyanya

Iyo mukundana mugera aho mukagira ngo byararangiye mukumva bisa nk’aho inshingano mwari mufite zarangiye. Ni ngombwa rero ko muhora mureshyanya (seduire), ugahora wumva buri gihe ukwiye guhora usa neza imbere y’umukunzi wawe. Burya kandi biba byiza iyo mubanyeho nk’aho buri munsi ari bwo mukibonana; ugahora wumva ushaka gukora kuri mugenzi wawe, kumubwira ko ari mwiza, kumutera imitoma, n’ibindi biranga abantu ba(gi)kundana.

Burya si byiza ku bagore bamwe na bamwe, bagera mu rugo bagahita batangira kwicupiza, ntibiyiteho ku buryo usanga abagabo babo baba basigaye basa n’aho banafite isoni zo gusohokana nabo, rimwe na rimwe ugasanga bibaye n’intandaro yo kubaca inyuma.

Niba uri mu rugo n’umukunzi wawe, jya wiyitaho, ube usa neza, wereke umukunzi wawe ko umukunda kandi ko ukiri mwiza kugira ngo ajye ahora abona ko yatomboye kuko nta wundi musa.

Mu rukundo jya wibuka ko utari nk’umuntu ureba filimi gusa, ko ahubwo uri umukinnyi wayo kandi w’imena, bityo umenye ko ugomba gukora uko ushoboye kose ngo urusigasire.

7. Mu bibangamira urukundo kenshi harimo kutizerana, ese aho wari uziko iyo utizera umukunzi wawe uba usa n’urimo kumutiza umurindi wo kuguca inyuma?!

Birashoboka ko ibi waba wenda warabisubiriwemo kenshi ntubyumve, ariko menya ko nta rukundo rushobora gutera imbere mu gihe nta kwizerana hagati y’abakundana.

Ni ngombwa kumva ko umwizeye, ntugahore wumva wacunga abamuhamagara, ubutumwa bugufi yakiriye cyangwa ubutumwa bwoherezwa kuri interineti emailsbumugeraho.

Hari n’ababa bifuza kumenya mot de passe (amagambo tw’ibanga) abakunzi babo bakoresha kuri emails zabo, jya ugerageza wirinde kutamwizera, ugerageze kurwanya ibitekerezo bikumvisha ko akubeshya cyangwa ko aguca inyuma, kuko nta handi bikugeza usibye kugusenyera.

Hari abantu bamwe babona nta mwanya wo kuganiriza abakunzi babo bajya babona, bityo bagahitamo kubaganiriza bari ku meza, ari naho bababariza ibitabashimishije. Burya si byiza kuko icyo gihe n’iyo waba wamuteguriye ifunguro ryiza adashobora kuryoherwa, ugasanga ushobora kuba usa n’uwakoreye ubusa.

Ikindi kandi niba hari ikibazo muhuye na cyo mu rukundo rwanyu, ntukagifate nk’aho ari iherezo rya byose kuko ntibishoboka ko uba mu rukundo rutigera na rimwe rugira ibibazo, n’iyo byaba nta gushidikanya haba harimo ikindi kibazo utazi cyangwa utarabona.

8. Nimugerageze kugira umushinga mukorana

Ni byiza ko mu rukundo mugira umushinga waba ari muto cyangwa munini mugirana kuko bibafasha kwegerana no gushyira hamwe. Ntiwirirwe utekereza kure kuko ntabwo umushinga ari itegeko ko uba ikintu kinini gusa, ushobora kuba urugendo runaka mutegurana, guteganya kubyara no kurerera hamwe uwo mwana, kuvugurura inzu, gufatanya kuyitera irangi, kujya guhaha muri week-end, n’ibindi byoroshye ariko kandi biryoha iyo mubikoranye.

9. Kwiherera

Buri muntu aba akeneye igihe cyo kuba ari kumwe n’umukunzi we gusa, nta wundi muntu uza kubabangamira, ni byiza pe! Birashoboka kandi ko hari n’ikindi gihe aba yumva akeneye kuba ari wenyine, akitekerezaho, agatekereza ku mukunzi we, agasubira mu twandiko twa kera yandikiranaga n’inshuti ze, cyangwa mu tundi tuntu twose yaba yarakundaga kera ubu atakibonera umwanya.

Ibi bishobora kuba, umukunzi wawe agatekereza ko ahari yaba yagukoshereje atabizi cyangwa ko waba ufite ikindi atazi cyakubabaje, ni byiza rero kubanza ukamubwira ko ukeneye umwanya wo kwiherera n’uwo kuba wenyine kandi ukamubwira ko nta kindi kibazo ufite kugira ngo ataza guhangayika. Si ngombwa rwose ko abakundana bahorana, aho bagiye hose bakajyana, aho ubonye umwe ugahita uhabona n’undi, kuko ibyo bituma basa n’aho bamenyerana cyane, cya kintu cyagukuruye cyane ukabona uwo muntu adasanzwe kikazagera aho kigashira kubera guhorana; ni byiza ko musigirana umwanya wo gukumburana, ukamubona usa n’ubonekewe.

10. Kugira umukunzi ntibivuze kwambikwa amapingu, gerageza kwigenga

Kuba ufite umukunzi kandi ukunda cyane, ntibivuze kumwimariramo ngo wumve ko adahari nta cyo waba uri cyo, yewe ko nta n’icyo wakwishoboza cyagwa wakwigezaho.

Si byiza kumva ko ari we ukugize, kuko ibi bikugira ho ingaruka mbi mu gihe mutakiri kumwe cyangwa hari ikindi kitagenze neza, kuko burya ubuzima budateguza.

Ni byiza ko buri wese akomeza kuba uwo yari na mbere y’uko muhura, akaguma akaba we ubwe, kabone n’aho mubana kandi mukundana. Burya ni byiza ko hari gahunda ukomeza kugira ku giti cyawe, nko gusohokana n’inshuti zawe, gusangira nazo, kuzitumira mu rugo, kujya koga(piscine), kwiga umuziki, kubyina n’ibindi bidasaba uruhare rwe.

Uramukunda pe, ariko ntabwo ari byose kuri wowe, hari ubundi buzima ukeneye kubaho uko ubyumva bipfa kuba gusa bitamubangamiye. Gusa jya ureba neza kandi nturengere kuko n’iyo mugize ubuzima butandukanye cyane kandi mubana na byo bishobora kubagora ndetse bikaba byanabaviramo gutandukana cyangwa n’izindi ntonganya. Ibi bizabafasha kugira urukundo ruryoshye, ruri nta makemwa kandi ruzamara igihe kirekire ‘rutoshye’.

Inama 6 Zo Guhitamo Impano Izashimisha Umuhungu'Umugabo Ukunda

2011-05-05T23:42:00.000-07:00

Niba wifuza guha impano umugabo wawe cyangwa umuhungu w’inshuti yawe hari ibitekerezo by’ibyo wamugenera kandi bikamushimisha.

Ubushakashatsi bwakozwe bwagaragaje ko kugurira umwana impano cyangwa se umukobwa ngo byoroha ugereranyije no kugurira umugabo cyangwa se umuhungu mukundana.

Abagabo benshi batekereza ibintu bimwe; baba bumva akenshi impano zabo ari iz’amasogisi, utwambaro tw’imbere cyangwa karavate.

1. Niba hari imikino cyangwa igitaramo rimwe na rimwe ujye umugurira itike yo kwinjira

Iyi ni imwe mu mpano ishobora gushimisha abagabo, yaba abubatse, abatandukanye n’abagore babo, abakiri gutereta n’abatarushinga. Niba rero wasohokanye n’umukunzi wawe agiye kureba umukino w’ikipe akunda cyangwa se agiye mu gitaramo cy’ itsinda ry’abaririmbyi akunda cyangwa umuhanzi akunda kugira ngo umushimishe kurushaho ujye umugurira itike yo kwinjira atabizi maze nimugera aho mwinjirira uyimutunguze, azahita abona ko umwitaho, ko ibyo aha agaciro n’ibimushimisha ubibona.

2. Mukorere urutonde rw’amafilime cyangwa amakinamico akunda uyamushyirire kuri DVD player

Niba umugabo/umukunzi wawe akoresha amafaranga menshi akugurira indabo, imyambaro n’amaherena kubera iki wowe utareba akantu umuha koroheje nko kumukorera urutonde rwa filime cyangwa amakinamico akunda ukayamushyirira kuri DVD cyangwa CD hanyuma ukazayimuha igihe muri kumwe cyangwa se wamusuye.

3. Cagura indirimbo uzi akunda uzimushyirire kuri CD player

Nta mpamvu yo guhora uha umugabo wawe cyangwa se umusore mukundana impano zihenze, rimwe na rimwe ujye unyuzamo umucagurire uturirimbo uzi ko akunda nurangiza utumushyiririre kuri CD bizajya bituma igihe yicaye arimo kuzumva agutekerezaho. Niba rero harimo izo mwumva muri kumwe zijya zimwibitsa ibihe byiza mwagiranye bituma abona ko umuzirikana buri gihe kandi umuhoza ku mutima.

4. Muhe impano y’imyenda mu gihe ubona ayikeneye

Nubona umugabo wawe arimo ashaka kugura imyambaro mishya cyangwa se arimo guhamagara mu maduka bacuruza imyenda ababwira ko ayikeneye, kubera iki wowe utahera kuri icyo ngo noneho uzamuhe impano y’uwo mwenda yifuza? Ugomba ariko kwitwararika ukamenya imyenda ibera umukunzi wawe, atari ukugenda ngo ugure ibyo ubonye byose.

5. Mugurire akuma gateka cyangwa se agashyushya icyayi

Nugurira umukunzi wawe aka kuma gashyushya icyayi bizatuma adatakaza imbaraga nyinshi kugirango akore icyayi, niba kandi atanagikunda bizatuma azajya agira imbaraga zo kukinywa kubera impano wamuhaye. Ikindi kandi, bizatuma umugabo wawe yishimira kugukorera icyayi igihe icyo ari cyo cyose .

6. Mugurire ikofi cyangwa se isaha

Impano nk’izi ni impano abantu batangiye gukundana cyangwa se guteretana bakoresha. Ibi byereka umuhungu/umukunzi wawe ko umwitayeho. Guha rero umusore mukundana cyangwa umugabo wawe ikofi bizatuma agira isuku mu mifuka ye kandi uko azajya ayikura mu mufuka agiye kuremo cyangwa kwishyura azajya ahora akwibuka.

Ingingo 7 zo Kuganira ku Mafaranga nk'Abakundana

2011-05-05T23:37:00.000-07:00

Dore nk’abantu bakundana ibintu mugomba kwitwararika mukaganira ku bijyanye n’amafaranga.

1. Ujye ugira ubupfura mu gihe uvuga ku bijyanye n’amafaranga yawe

Uko utekereje kuri iyi ngingo ni ko urushaho kubona ukuntu abantu bakundana bibagora kuvugisha ukuri ku bijyanye n’amafaranga yabo.

Rimwe na rimwe, haba ukoresha amafaranga mu bintu atavuganyeho n’umukunzi we, ntatinyuke kuba yamubwiza ukuri aho yagiye, ubundi ugasanga hari ufite konti ye ku ruhande atajya abwira umukunzi we.

Ibi rero si byiza na gato mu rukundo kuko iyo umukunzi wawe abimenye bimubabaza cyane kandi akaba yanatangira kwibaza ko hari n’ibindi byinshi umukinga bitari ibyo. Ni koko, ntibyoroshye pe, ariko burya kubivugaho kandi ukavugisha ukuri, yaba ari imyenda ufitecyangwa amafaranga wakoresheje, bitanga amahoro cyane mu rukundo kandi bigatuma mugirana icyizere cyane.

2. Iregere amakosa wakoze cyangwa n’izindi ngeso zawe zitari nziza mu gukoresha amafaranga

Niba hari amakosa wakoze mu gukoresha amafaranga yawe cyangwa se yanyu nka couple, n’ubundi ibyo byarangije kuba wita umwanya mwishi ubitekerezaho cyangwa ubimuhisha.

Bimubwire kandi mushakire hamwe igisubizo kandi umusabe imbabazi ndetse wirengere ingaruka z’ibikorwa bibi byawe, ntiwemere ko bimugwaho kandi nta ruhare yabigizemo, umwemerere ko utazabisubira kandi koko guhera ubwo ntuzigere na rimwe ubisubira.

3. Si byiza kugarura ibibazo by’amafaranga bya kera

Ibyinshi mu biganiro hagati y’abashakanye bishobora kubafatira umwanya munini ni ibiba bijyanye n’amafaranga n’ikoreshwa ryayo. Imodoka cyangwa inzu nshya bagiye kugura, ingendo bashaka gukora kandi zibasaba amafaranga menshi, umunsi mukuru bateganyanya gukora ukomeye, n’ibindi. Muri ibi byose kenshi usanga atari ko babyumvikanaho kimwe, ugasanga akenshi habamo impaka nyinshi, usibye kandi n’izi ntonganya zishobora kubaho mbere, hari n’izindi ngo nyinshi ushobora kumva zihora zitongana, zivugana nabi kubera ibibazo zigeze kugira kera biturutse ku mafaranga.

Si byiza rero kugarura ibi bibazo kandi byararangiye kuko bizana intonganya z’ubusa mu rugo kuko niba ari uwumva aba yarumvise icyo gihe ubimubwira, niba kandi atumva n’ubundi icyo wakora cyose ntiyakumva; kubigarura byaba ari nko gukora ubusa.

4. Niba mu biganiro byanyu udashobora kumwubahira urukundo umufitiye, nibura ibuka ikinyabupfura n’icyubahiro umugomba

Uburakari ubwo ari bwo bwose waba ufite igihe urimo kuganira n’umukunzi wawe ku ngingo runaka mutarimo kumvikanaho neza, si byiza ko umwubahuka ngo umusuzugure cyangwa ngo umutuke.

Mu kuvuga ku byerekeranye n’amafaranga n’ikoreshwa ryayo mu bakundana nk’uko twabonye ko biri mu biganiro bishobora gutuma abashakanye barakaranya, jya ugerageza gukomeza kuba wowe Nyirizina, umenye aho kwihangana kwawe kurangirira n’aho uburakari bwawe butangirira, umenye kwifata no kwihangana mu gihe ubona ko bigeze kure.

5. Baza ibibazo byinshi umukunzi wawe, shakisha uko wumva uburyo afata cyangwa akoresha amafaranga ye

Aho kugira go umutegeke ko akoresha amafaranga cyangwa ayafata mu buryo wifuza, gerageza kumubaza ibibazo byinshi, umusobanuze mu buryo bwose ku buryo usobanukirwa uko we ayakoresha n’ibyo yifuza gukora.

Burya iyo wumva kandi usobanukiwe neza n’imiterere y’umukunzi wawe n’uburyo afata ibintu ntabwo bikugora kimwe no kuba utabyumva. Niba muri mo kuganira ku bijyanye n’amafaranga, ntugahite urakara cyangwa ngo ushake ko atekereza nkawe kuko buri wese agomba kugumana uburenganzira bwe, ahubwo wenda mukumvikana uburyo mwese mwahuriza hamwe.

6. Ntukabwire nabi umukunzi wawe cyangwa ngo umugaye imbere y’uwo ari we wese

Twese iyo twagize ikibazo runaka tuba twifuza ko cyashira, tukifuza uwo twakibwira kugira ngo kidusohokemo, ariko kandi kuvuga umukunzi wawe nabi cyangwa kumusebya imbere y’inshuti ze cyangwa se zawe cyangwa n’undi muntu wese, burya ntabwo biba byiza na gato. Ni yo mpamvuu banavuga ko imyenda isa nabi imeserwa mu mbere, ntabwo ari byiza ko mwishyira hanze. Niba udashoboye kugabanya ‘stress’ uterwa n’ibibazo by’amafaranga mugirana, jya ushaka umujyanama w’abakundana akuganirize, cyangwa se undi muntu usobanukiwe neza n’uburyo amafaranga akoreshwa akugire inama y’uburyo mwajya mubyitwaramo.

7. Jya wibuka kumenya aho kwihangana kwawe kurangirira bityo niwumva uburakari ari bwinshi, umusabe ko mwaba mucumbitse ikiganiro mu minota mike kugira ngo ubanze ufate imbaraga n’undi mwuka.

Hari igihe rwose bigera kure, impaka ari nyinshi, aho kugira ngo mube mwakubahukana, ni byiza ko mufata umwanya mukaba mubihagaritse mwakumva nta kibazo mushobora kongera mukavugana mukaba aribwo wongera.

Imico 3 Isenya Urukundo

2011-05-05T23:34:00.000-07:00

Kugira ngo urukundo rwanyu rugende neza, ndetse mwese musangire ibyishimo kandi mubane neza hari imico imwe n’imwe mugomba kureka kandi burundu.

1. Ntukaremereze utuntu duto

Niba umukunzi wawe akoze agakosa, ntugahite ubikuririza ngo bimere nk’aho yaciye inka amabere nk’uko bajya babivuga. Buri wese afite uburenganzira bwo gukosa, ikibi ni ukubigira akamenyero. Tuvuge, niba ajugunye imyenda hejuru y’uburiri akagenda atayizinze ngo ayisubize mu kabati, ntukamere nk’aho akoze ikindi kintu gikomeye ahubwo wowe jya umuruta uyifate uyizinge uyimusubirize mu kabati kandi ubikorane umutima mwiza utinuba, ni bwo nawe azakureberaho urugero kandi noneho ubutaha akabikora.

Niba akunda gukina imikino yo kuri teleiziyo nk’uko bigaragara ku ifoto, wowe ukaba utabikunda, ntukamurakarire; jya umureka yikinire, gusa umwereke ko wowe utabikunda. Uzaba ureba, ubutaha azajya aza abanze akubaze icyo ushaka kureba kuko ubushize yabonye ko umwihanganira kabone n’iyo wowe utabikunda, azabigirira ko ujya umuha amahoro maze nawe ayaguhe kandi yishimye.

2. Ntukamufatire ibihano kuri buri kantu kose akoze

Guhana umukunzi wawe kuri buri kantu kose akoze udakunda ntacyo bizafasha urukundo rwanyu, usibye guhora mwese murakaranya. Hari abantu bamwe babura icyo bakora iyo abakunzi babo bakoze ibintu batishimira bagahitamo kubashakira ibihano. Ibi bihano bishobora kuba kutavugana nabo mu gihe cy’iminsi ibiri cyangwa inarenze, gutaha bagahita biryamira yakuvugisha ukamusubiza nabi, kumuhisha ibintu bimwe uziko ajya akoresha bikakubangamira (nk’imikino ajya akina, ibitabo ajya asoma akakwima umwanya,) n’ibindi…

Burya akenshi birakubabaza, bikagushengura umutima, aho kugira ngo ubyitwaremo utyo, jya ugerageza kureba ibyiza akora, ugerageze kureba uruhande rwe rwiza kandi wumve ibyo biguhagije; ubundi uzaba ureba ukuntu bizamukora ku mutima agahinduka ubwe nta zindi mbaraga ushyizeho, kubera izo mbuto nziza wamwereye, witwara gutyo.

3. Ntugahatirize

Hari igihe umukunzi wawe ashobora kugukorera ikosa, ukamubabarira ari nko kumwikiza, kubera ko wabuze uko ugira; akenshi ugahora ubyibuka cyangwa ugahora wumva usa n’umurwariye inzika, usa n’uwifuza nawe umunsi umwe kuzamwishyura iryo kosa yagukoreye, ukabona kuruhuka! Kenshi ugerageza no kubyikuramo bikakunanira neza neza, ukagerageza kwishyiramo ko wamubabariye kandi ko wishimanye nawe ariko wakwisuzuma ukumva urasa n’urimo kwibeshya. Sigaho kwirwaza umutima, rekera aho niba wumva byanze, nta tegeko ufite ryo kugumana nawe niba wumva urukundo rwari rubahuje rutagihari kuko ni ryo shingiiro ry’umubano wanyu. Gusa umwegere ubimubwire udahubutse, kuko burya iyo we akigukunda cyangwa se akaba atari abyiteguye biramuremerera cyane kumva ko umusezeye, ko utagishaka kubana nawe.

Mu rukundo, jya wirinda guhubuka no guhatiriza ngo ukore ibitakurimo ushaka kumushimisha, wirinde kandi no kumukomeretsa mu gihe ubimubwira kuko burya umuntu mwigeze kubana n’iyo mwatandukana, ntibiba ari byiza ko mutandukana nabi.

Intambwe 7 Zo Guhitamo Impano Izashimisha Umukobwa/Umugore Ukunda

2011-05-05T23:29:00.000-07:00

1. Ugomba gutekereza ibintu akunda kurusha ibindi

Niba umugore/umukunzi wawe akunda amaherena, ibikomo, imyenda, filimi, cyangwa imikino yo kuri mudasobwa uzabimushakire bizamunezeza. Gusa ugomba kwitonda kugira ngo utagura ikintu umukunzi wawe afite kuko nuramuka umuguriye ikintu yari asanzwe atunze nta bwo bizamushimisha cyane nk’uko wamuha icyo akunda kandi adafite.

Ikindi kintu cyashimisha umukunzi/umugore wawe, ni ukumutungura ukamutekera ibiryo akunda. Banza umenye ubwoko bw’ibiryo akunda, ubimutekere atabizi ubundi nataha mubisangire. Ushobora kandi kugenda ukabimugurira ubundi ukabimushyira aho ari (mu rugo cyangwa iwabo niba ari umukobwa); ibi bizamushimisha kuko azabona ko umuhoza ku mutima.

Niba ugiye kumugurira impano y’imyambaro ugomba kubanza ukamenya ubwoko bw’amabara akunda ukabona kumugurira umwenda; nugura ibara adakunda uzaba ukoreye ubusa kuko atazawambara cyangwa akawambara rimwe (wenda muri busohokane cyangwa buhure) kugira ngo agushimishe ubundi akawubika kure.

Ku birebana n’injyana cyangwa se muzika ni byiza ko wamenya ubwoko mbw’indirimbo umukobwa mukundana akunda kumva, ibi bikazagufasha igihe uzaba ugiye guhitamo izo washyira kuri CD cyangwa DVD wamuha nk’impano.

Ibi ni bimwe mu bitekerezo byagufasha guhitamo impano waha umukunzi wawe, ariko ntawavuga ibyo ushobora guhitamo ngo abirangize ahubwo ni ahawe kumenya icyo akunda kuko burya abantu bakunda ibintu bitandukanye.

Mu gihe noneho utazi ikintu na kimwe akunda (cyane kuri ba bandi baba bagitangira kumenyana/guteretana), gerageza ushake umuntu ubaza ibyo umukunzi wawe akunda; ariko uzirinde kugenda ubaza buri wese kuko inkuru niba kimomo bikamugeraho ibyo uzamugurira nta gaciro na gato azabiha.

2. Gerageza kumenya neza umukobwa mukundana; usobanukirwe uwo ari we

Mbere yo kugira impano uhitiramo umukunzi wawe w’umukobwa ugomba kubanza ukamumenya neza, ukamenya niba ari umuntu ushishikazwa no guhabwa impano izo ari zo zose cyangwa niba ari umuntu ukunda ibintu bike, byoroheje, bihenze,... Niba ari umuntu ukunda ibintu bike, gerageza umenye ibyo bike akunda abe ari byo uzakoresha ugiye kumuha impano (cadeau). Nk’urugero, ashobora gusa kuba akunda chocolate nk’ikiribwa cyangwa se akunda n’ibintu birimo ibara rya chocola, nujya kugura rero uzayibandeho.

3. Reba ibintu akoresha iyo ari mu gihe cye cyo kuruhaka

Jya ugerageza gushakisha umenye ikintu akunda gukora mu gihe nta kazi afite. Urugero rwa hafi umuntu yatanga ni nk’igihe wenda ushobora gusanga iyo aruhuka akunda kuba ari kwandika cyangwa gushushanya. Niba rero mu gihe aruhuka aba arimo ashushanya, uzamugurire agakayi gato bashushanyamo (sketbook) ugaherekereshe ikaramu y’igiti (pencil) azajya akoresha ashushanya. Iyi mpano nta kabuza izamushimisha kurusha n’ibindi bindi watekereza. Zirikana ko mu gihe azaba arimo kwandika muri aka gakaye wamuguriye na buri nshuro akabumbuye azajya ahita akwibuka.

4. Ugomba kumenyana n’inshuti ze ndetse na mama we by’umwihariko

Impamvu nyamukuru ugomba gushaka ubu bucuti n’abantu bo hafi ye (barimo na Mama we) ni uko inshuti y’umuntu ndetse n’umubyeyi ari bo bantu bashobora kuba bamuzi neza, cyane ko ari bo bamarana igihe kinini. Iyi ni yo nzira nziza yo kumenya icyo umukunzi wawe akunda biciye muri aba bantu kandi bikazatuma umugurira impano adafite kuko uzaba wabibajije abantu bamuhora iruhande.

5. Ugomba kumenya ko n’igihe ufite amafaranga make ugomba guha impano umukunzi wawe

Utuntu duko duto tudasaba amafaranga menshi natwo turakora mu rukundo. Urugero, ushobora kumugurira akarabo gato gaherekejwe n’amagambo y’urukundo wenda ukaba wakwandikaho uti: “Mpora ngutekerezaho igihe cyose”. Ibi bizamushimisha kuko niyo uwo mukobwa yaba adakunda indabo amagambo uzandikaho niyo azahita aha agaciro kurusha ururabo uzaba wamuhaye.

6. Mu mpano uzatanga ntuzigere uha umukobwa impano y’amafaranga

Burya amafaranga nta bwo abarirwa mu mpano. Aho kugira ngo uhe umukobwa amafaranga ugomba kugeregeza ukamenya ikintu akeneye ubundi akaba ari cyo umugurira cyangwa se ukareba ikintu umukorera muri ayo mafaranga wateganyaga kumuha.

7. Nujya kugurira umukobwa mukundana imitako cyangwa imyenda ntukamugurire ibihendutse cyane.

Burya abakobwa benshi bakunda ibintu bisa naho bigezweho. Ibyo bintu kandi akenshi biba bihenze. Numugurira ikintu gihenze rero azishima cyane. Aha twavuga nk’ ubwoko bw’ imyambaro buzwi kandi bugezweho muri iyo minsi. Gusa ntibivuze ko ugomba kwishakamo ubushobozi udafite ugamije gushimisha umukunzi, ahubwo bivuze ko utagomba kureba nanone cya kindi kiri ku giciro cyo hasi kurusha ibindi. Aha kandi bivuze ko ushobora kumugurira ikintu gihendutse ariko kigezweho kandi uzi neza ko akunda.

Impano ni uburyo bwiza cyane bwo gushimisha umukunzi. Niba rero ugiye gushakira umukobwa ukunda impano, ni byiza ko ubitekerezaho witonze, ukabanza ukamenya ikintu ari bukunde ubundi nawe ugishakire kutakibura. Kandi uzagerageze kumuha ikintu kizajya kimutandukanya n’ abandi kikaba umwihariko kuri we.

Uburyo 4 bwo Gufasha Umukunzi Kumererwa Neza

2011-05-05T23:22:00.000-07:00

Jya wereka umukunzi wawe, uburyo ukimukunda kandi unamugaragarize ko wishimiye kuba uri kumwe nawe n’iyo mwaba mumaranye igihe kinini cyane.

1 Jya usohokana na we, ugende usa neza nka cya gihe uko wabaga witwararitse igihe agutumira bwa mbere. Igihe mwasohokanye jya umwereka ko ntacyo wishisha kandi ko nta we umubangikanya nawe: Ibi ushobora kubimwereka umusoma ku mugaragaro mu bandi bantu bari aho, umubwira kandi uvuga cyane ko umukunda kandi ko utazamureka n’ibindi byose bishobora kumwereka ko udafite isoni z’uko abantu bamenya ko umukunda.

2 Jya kandi umubwira ko asa neza, kandi ko ari umugabo/umugore w’igitego. Hari igihe abagabo batigirira icyizere bityo bakagira ngo abakobwa b’inshuti zabo ntibabishimiye cyangwa ntibabahagije, jya ugerageza kwereka umukunzi wawe ko aguhagije kandi ko umwishimiye rwose.

3 Rimwe na rimwe kandi jya umwereka ko umufuhira kabone n’aho byaba bitaguturutse ku mutima. Hari abantu bashobora kubona abakunzi babo batajya na rimwe babafuhira bagatangira kwibaza ko batakibakunda cyangwa ko babatendeka. Jya unyuzamo umwereke, yego utarengereye, ko umufuhiye kugira ngo abone ko ukimukeneye, ko ugishaka urukundo rwe kandi ko umushaka ari uwawe gusa.

4 Jya umusoma cyane kandi umwereka ko wari ubikumbuye. Uti ‘nabimwereka nte rero’? Niba aguhaye akabizu agiye nko ku kazi, rimwe na rimwe n’uba wumva umukumbuye, jya uhita umukurura umusome nibura nk’iminota ibiri cyangwa inarenga, umwereke ko n’ubwo yari agusezeye yihuta nyamara wari ukeneye ibirenze ako kabizu gusa, umwereke ko kuba uri kumwe nawe bikurutira ibindi byose kandi ko urukundo rwe ruguhagije.

Intambwe 21 Zo Kubaka Urukundo ku Rutare

2011-05-05T23:14:00.000-07:00

1. Ubahe umukunzi wawe: Akenshi kubera kumenyerana cyane usanga wibagirwa icyubahiro umugomba. Si byiza ko usigara umufata nk’umuntu usanzwe ngo umubwire ibyo wishakira byose. Umukunzi wawe aba akwiye guhora ashimishwa n’uko umwitwaraho, ukamwitwararikaho, ukamwereka ko umuha icyubahiro kandi kimukwiriye. Aba yifuza ko umwubaha kandi ukanamwubahisha mu bandi.

2. Nyurwa n’uko umukunzi wawe ameze: Abakundana benshi batandukanywa n’uko umwe mu bakundana atanyurwa n’uko uwo akunda ameze, yabona inshuti ye ifite umukunzi akifuza ko nawe uwe yaba ameze atyo kandi burya ikigushimisha si cyo cyashimisha undi, n’icyo wakundiye umukunzi wawe sicyo undi yakundiye uwe, bityo byakabaye byiza buri wese anyuzwe n’uko umukunzi we ameze.

3. Jya ubwira umukunzi wawe ko ari mwiza, yambaye neza, aberewe,… bitari ukumureshya no kumuryarya, ahubwo ari ukumwereka uburyo aguhagije kandi ko uticuza icyo wamukundiye.

4. Mubwire utujambo tw’urukundo, umubwire kandi nta soni ufite ko umukunda, nibura inshuro imwe ku munsi. Hari abantu bamwe batinya kuvuga ijambo”ndagukunda”, kandi mu by’ukuri nta muntu n’umwe udashimishwa no kubwirwa n’umukunzi ko amukunda, cyangwa ko nta soni biteye kuba umukunda. Ni byiza ko ubimubwira, akabimenya, akareka kubishidikanyaho; ariko ntibibe kubimubwira gusa ahubwo unabimwereke mu bikorwa.

5. Mujye mugira imishinga mufatanya: Burya iyo abantu bakundana usanga batavugana ku bintu byose, ariko bikaba byiza iyo bagize ibyo bafatanya gukorana nk’udushinga duto, gutegura urugendo bazakorana, kubaka inzu; ntibibe bya bindi umwe agenda akiherera agakora ibintu undi akazatungurwa!

6. Mujye mwicarana muganire cyane cyane ku kibazo runaka kibugarije, mugirane inama, kandi mugire n’umwanzuro mufatira hamwe.

7. Mujye mugerageza guhana impano bitari ngombwa wenda ko ziba zihenze cyane, ariko zifite icyo zisobanuye, zishobora kuvuga no gukora byinshi kurusha ibyo wavuga n’umunwa wawe.

8. Mujye mufatanya muri byose: Niba ari mu makosa umukosore kandi niba aguye mu byago ntumutererane.

9. Jya uhora umwishimiye kandi umwereke ko ari uwa mbere mu buzima bwawe: Abantu benshi birabagora kwerekana ibyo biyumvamo, ariko burya bishimisha umukunzi kumwereka ko ari uwa mbere, ko watomboye kumubona, ko wifuza ko muzibanira akaramata, kandi ko nta na rimwe uzigera umureka n’ibindi byose byiza wamwereka.

10. Birashoboka ko mushobora kuganira mukagera kure, mugakoranaho, mugasomana ndetse yewe mukaba mwanagera aho muryamana, ariko ntimukabigire nk’aho aricyo gisobanuro cy’urukundo kuko urukundo ni rugari rurenze ibi bifatika!

11. Mujye mugira umwanya wo guseka, mubwirane inkuru zisekeje, muruhurane mu mutwe, musekeee.. museke peee! Ntiwari uzi se ko guseka bavuga ko byongera iminsi yo kubaho? Usibye n’ibyo kandi ni byiza ko ukora utuntu cyangwa ukabwira utuntu umukunzi wawe dutuma agukumbura iyo udahari, yaba atwibutse yewe mutanari kumwe agaseka.

12. Mujye mugira ingingo runaka mutegura kuganiraho nibura rimwe mu byumweru bibiri, ingingo mubona ko yabubaka mwembi, wenda nibiba ngombwa mushake ubarusha kuyumva cyangwa kuyisobanukirwa ayibaganirizeho.

13. Mujye mugira igihe cyo kuganira ku ndoto zanyu kandi buri wese afashe undi kuzigeraho.

14. Ntimugapfukirane: Mbere y’uko akubona yari afite ibyo asanzwe akunda ndetse afite n’izindi nshuti. Ikindi kandi burya umuntu ni mugari ku buryo wowe wenyine udashobora kumuhaza; akeneye umubera umuvandimwe, uwo batera ibiparu mu gihe ashaka kwiruhurira mu mutwe (aba bajya bita Abajama), akeneye umunyenshuri bigana cyangwa umukozi bakorana kugira ngo amubere inshuti y’umwihariko, akeneye inshuti magara,…Jya umureka rero yisanzure kuba agufite ntibivuga ko yasubijwe ko nta n’undi muntu n’umwe akeneye.

15. Mwese muri kimwe, ntukumve ko hari ibyo wemerewe we atakora cyangwa ngo wumve ko hari amakosa ashobora gukorwa n’abagabo atakorwa n’abagore cyangwa se yakorwa n’abagore ntakorwe n’abagabo. Mwese muri kimwe, nta mwana, nta mukozi w’undi, nta mucakara w’undi ahubwo muri umwe; bityo rero ntihakagire uwumva ibi bireba uriya ngo we yumve ntacyo bimubwiye.

16. Mwemere uko ari, wishimire uko ari kuko ariwe Imana yakuremeye. Ntukumve ko wakwishima kurushaho ari uko uri kumwe na kanaka, jya ushimishwa n’umukunzi wawe kandi wige guhazwa n’ibyo ufite.

17. Ntimukabeshyane kandi ntimugacane inyuma: Ntacyo abandi bamurusha, bityo jya unyurwa n’uko ameze, ni wo muberanye pe.

18. Mujye mubabarirana, igihe umwe muri mwe, agize ikosa agwamo: Niba hari icyo yakoze kitagushimishije, ntukumve ko isi yakuguyeho, ntukumve kandi ko bikabije ku buryo adakwiye kubabarirwa. Twese turi abanyamakosa kandi buri wese yemerewe gukosa kuko tutari abamalayika, gusa ntuzabigendereho ngo nawe uhore ubabaza umukunzi, umunsi umwe ashobora kunanirwa kwihangana akagusiga kandi ntibyakugwa neza.

19. Jya usigarana amasomo y’ibyakubayeho, ntukibagirwe kugira ngo bijye bigufasha guhora wirinda kugwa mu makosa wigeze kugwamo kera.

20. Jya ugira ubushake ko urukundo rwanyu rwakomeza, niba usenga jya ubishyira mu isengesho ryawe rya buri munsi, ntukibagirwe ko byose bishoboka, urukundo rukwiye guhora ruvomerwa.

21. Ntimukararane umujinya-ikibazo cyababaje ntirikarenge mutagikemuye. Burya iyo umujinya urengeje umunsi umwe uhinduka inzigo kandi kuyibagirwa no kuyihagarika bikagorana

Amareshyamugeni! Utugambo tw'Urukundo

2011-05-05T23:10:00.000-07:00

Ikiganiro kigizwe n’amagambo yuzuye urukundo (imitoma) ni kimwe mu buryo bwifashishwa kugirango ushimishe uwo ukunda kuko burya umutima ukunda rimwe na rimwe uba ukeneye amagambo aryoshye yo kuwuhira. Aha rero hari amwe mu magambo wabwira umukunzi wawe akanezerwa ariko ukoresheje umunwa wawe udakoresheje telefone cyangwa se ibaruwa kuko burya iyo wivugiye ijambo n’akanwa kawe bituma uwo uribwiye arizirikana kurushaho.

Mugihe muganira, mubwire uti:

 Ibyo nkora byose ni ukugira ngo nzabane nawe ubuzima bwanjye bwose,

 Zahabu zose na diyama ziri ku isi ntabwo bihagije ngo umuntu abe yagura urukundo umutima wanjye ugufitiye

 Imana yarakundemeye kugira ngo guteteshe

 Urukundo rwawe rwarantwaye

 Nabaye nk’umusazi kubera wowe

 Sinshobora guhagarika ku gutekerezaho

 Sinshobora na rimwe gutera agahinda umutima wawe

 Sinshaka kubyuka kubera inzozi nziza nari ndimo hamwe nawe

 Iyo turi kumwe numva ntekanye

 Namaze kuvumbura urukundo ry’ukuri muri wowe

 Nkunda kuganira nawe

 Nkunda uburyo unkunda

 Nshimira Imana umunsi wa mbere yakunzaniye muzima bwanjye

 Ndifuza kumarana nawe ubuzima bwanjye bwose

 Icyo ari cyo cyose nzasabwa kugira ngo ngumane nawe nzagitanga

 Nzaguha umutima wanjye wose, umubiri wanjye, n’ibitekerezo byanjye byose

 Nzajyana nawe ku mpera z’isi mu gihe uzaba ukinkunda

 Sinhobora kukurutisha amafaranga n’izahabu

 Nzemera guca mu bikomeye n’ibihome byose kugira ngo nzabane nawe

 Ndasaba Imana kugira ngo ikunzanire vuba hashoboka

 Nzakwitangira muri byose nihangira igishaka kukubabaza

 Niba kugukunda ari icyaha nzemera mbe umunyabyaha

 Niba urukundo ari impumyi sinifuza kongera kubona umucyo w’umunsi ukundi

 Ubuzima butagufite ni nko kujya kuryama warangiza ukarota nabi cyangwa se ntugire inzozi nziza

 Kugukunda ni nko kwibera muri paradizo cyngwa mu ijuru

 Kugukunda bindyohereza ubuzima

 Gukundana nawe byatumye umutima wanjye wuzura ibyishimo n’umunezero

 Umutima wanjye urarira iyo utandi hafi

 Ni wowe rukundo rwanjye, uri umutima wanjye ni nawe buzima bwanjye

 Nta wundi muntu wankunda nk’uko unkunda

 Nta kintu na kimwe cyahagarika urukundo rwanjye

 Ooh rukundo rwanjye uri mwiza kuri njye

 Uburyo umpobera n’uburyo unsoma (kisses) ni iby’agaciro kurusha zahabu

 Kuvugana nawe ni nko kunywa ku muzabibu (Wine) uryohereye, ibi kandi nibyo nifuza iteka

 Igihe tumarana ni nk’umukino mwiza amafaranga adashobora kugura

 Iyo turi kumwe ibyago byanjye byose bihita bihunga

 Iyo kwitegereje nkubonamo umuntu w’igiciro

 Amagambo ntabwo ahangije ngo ngusobanurire uburyo gukunda

 Niwowe gikomangoma (prince) cyanjye

 Uri uw’agaciro kuri njye

 Uri indirimbo ituma umutima wanjye uririmba

 Ni wowe nari narifuje mu buzima bwanjye

 Uri igice cy’ubuzima bwanjye gituma numva mbaye umuntu wuzuye

 Ni wowe mugabo cyangwa mugore w’inzozi zanjye

 Ni wowe muntu uryoshye cyane namenye

 Nta kindi kwifuzaho uretse urukundo, amahoro n’ibyishimo

 Watumye ntuza muri njye

 Watumye niyumva nk’umuntu w’agaciro

 Ndumva nifuza kugusoma kuva ku mutwe kugeza kw’ino

 Utuma mpora ndushaho kugutekerezaho buri munsi

 Umfata nk’igikomangoma cyawe najye bigatuma ngukunda n’umutima wanjye wose

 Ni wowe muntu ugira imico n’imyifatire byiza nabonye kuva nabaho

 Amagambo yawe y’urukundo akora kundiba y’umutima wanjye

 Urukundo rwawe rumeze nk’ibuye rinini ridashobora kumeneka

 Urukundo rwawe ni rwiza sinshobora gutekereza kujya ahandi

 Iyo unsekeye utuma amarira yambugaga mu maso ahita asubirayo

 Iyo unkojejeho intoki zawe numva ninjiye mu yindi si

 Rimwe na rimwe ujye umubwira ko udashobora kubaho adahari , n’ibindi.

Ibintu 7 Byangiza Ubuzima bw'Abakundana

2011-05-05T23:00:00.000-07:00

Ibi bintu birindwi biri mu bituma urukundo rwanyu rucumbagira, bitangira ari bitoya ariko mutarebye neza bishobora gutuma ruhagarara! Nta kindi wakora rero usibye kubyirinda ukanabirinda umukunzi wawe, mwembi mukabigendera kure, bityo mukaba murinze urukundo rwanyu.

1. Televiziyo

Muzarebe namwe nk’iyo hari filimi za seri (series), ukava ku kazi mbere yo kubaza uko abo mu rugo biriwe ugahita uhitira kuri televiziyo, cyangwa ari mu gihe cy’imipira ya champion’s League cyangwa n'iyindi,… biri mu bintu bibangamira abakundana.

Kujya ku meza wicaye imbere ya Televiziyo kabone n’aho mwaba murimo kureba ibintu mwembi bibashimishije iyo bibaye buri gihe bituma nta mwihariko w’ibiganiro byanyu mugirana, ugatuma nta mwanya mufata ngo muganire, mwitekerezeho.

2. Guhora mu bintu bimwe

Ya restaurant mwakundaga gusohokeramo, rya funguro mwakundaga gusangira, ha hantu hose mwakundaga gutemberera,… muri make bya bindi byose mwajyaga mukunda, bya bindi byose byajyaga bibashishikaza, byose mwarabyibagiwe, mwarabitaye,… ubu musigaye mubana nk’abantu bamenyeranye bihorera mu bintu bimwe, nta mwihariko wanyu mufite, nta gashya mu rukundo rwanyu kandi urukundo ni nk’ururabyo rusaba guhora ruvomerwa, ibi nabyo biri mu bituma couple inanirwa, igacumbagira byarimba ndetse ikaba yanahagarara burundu.

3. Gukora amasaha arenga ayo mwagombaga

Rekera aho gutaha bwije, bitari uko gusa nawe ubwawe nta gihe wiha ahubwo kuko n’uwo ukunda nta mwanya na muke ukimuha. Gerageza kuva ku masaha wakoraga nibura ukureho nk’abiri ukomeze kugera ubwo uzumva nawe ubwawe usigaye ubona umwanya wo kuruhuka. Impamvu y’ibi rero si no kugira ngo uruhuke gusa, nta n’ubwo impamvu bibangamira umukunzi wawe ari uko atakikubona gusa, ahubwo ni uko iyo umaze igihe ukora cyane utaruhuka n’ibiganiro byawe ubwabyo biba ari ibyerekeranye n’akazi kawe gusa, bityo ugasanga ariko konyine uha umwanya mu buzima bwawe, umukunzi wawe ntiyongere kubona umwanya mu buzima bwawe.

4. Kutiyitaho

Kuba umaranye igihe kinini n’umukunzi wawe, ntibivuze ko bihagije; kuba kandi akuzi neza agukunda uko uri - ibyiza byawe n’ibibi byawe- ntibivuze ko bihagije nta kindi ushobora gukora. Si byiza ko ujya mu bwiherero ugasiga udasutsemo amazi ngo ni uko mujya no gukundana ariko wari umeze yabyihanganiye, nta n’ubwo ari byiza ko musohokana utikozeho, ngo wambare neza, usokoze imisatsi yawe neza, ku buryo buri munsi abona impamvu yo kugumana nawe, ku buryo n’abandi bakureba koko bakabona ko afite umukunzi mwiza. Ni ngombwa kumwereka ko ari umuntu w’agaciro imbere yawe ku buryo buri gihe uba ugomba kwishimira kuba ari uwawe ukabimwereka umuha agaciro akwiye koko.

5. Kumwima agaciro

Mu bintu bya mbere bibangamira couple, harimo kuba udaha agaciro umukunzi wawe.

Aha sinshatse kuvuga kumugurira impano gusa, kumuha indabyo nziza z’amaroze, ibi byose si byo byonyine byereka umukunzi wawe ko umuhaye agaciro. Ahubwo, wenda niba muri kumwe, jya umureba umwereke ko n’ubu utarumva uburyo yakwemereye ko utura mu mutima we; birahagije ko umenya kandi ukamubwira ikintu cyose gishya cyamubayeho, niba yambaye umwenda mushya, niba avuye muri salon de coiffure, ugahita ubibona kandi ukabimubwira; ntugatinye kumubwira igihe ubona asa neza cyangwa yambaye neza, ntugatinye na rimwe kumubwira icyo umutekerezaho cyane cyane iyo ari cyiza kandi ubona ko gishobora kumwubaka.

6. Gufuha birenze urugero

Burya iyo ukunda umuntu ni ngombwa ko umufuhira, ariko na bwo iyo urengereye ntibiba bikiri byiza.

Rekera aho kumucunga no kumucungisha abandi, si umujura. Rekera aho gucunga ubutumwa bugufi yakiriye kuri telefoni ye, rekera aho gucunga email zamwandikiwe n’izo yanditse. Jya umenya ko ikintu cy’ingenzi mu rukundo ari icyizere kandi mwese mukakigirirana. Iyo ukomeje kumwereka ko utamwizeye, agera aho akaruha na we akagera aho akumva ntaryohewe bityo rwose akaba yanisangira undi umuha amahoro.

7. Kwifata bikabije

Kumenya imibereho ya couple yanyu burya ni ingenzi kandi birabareba mwese. Rimwe na rimwe hari ibintu biba bidakwiye gukorwa nk’ umugenzo. Iyo abantu bakundana cyane cyane abamaze kubana dore ko ari nabo baba babyemerewe, ni byiza ko bakorana imibonano mpuzabitsina. Burya si ngombwa ko buri joro uko mugiye kuryama mutangira kubonana, nta n’ubwo ari formule rwose kuko iki ni igikorwa gikorwa iyo buri wese abyiyumvamo, bitari uko ari formule. Niba utabyiyumvamo aho kugira ngo ubikore nabi, wabireka rwose ariko kandi mujye mugerageza mwembi, mumenye igihe mwumva mwese mubishaka. Gusa ntimugahore mu bintu bimwe hato mutazarambirwa ahubwo nimugerageze guhindura uburyo mubikoramo, mugerageze kubwizanya ukuri ibishimisha buri wese, mugerageze guhindura igihe, kuko burya iyo bihora ari bimwe nta gashya, mugera aho mukarambirwa. Nimugerageze mwumve ko ari igikorwa muha agaciro. Nko mu bihugu byateye imbere ho, hari igihe abakunzi bava mu gihugu bakajya mu kindi, mu mugabane bakajya mu wundi, ariko kugira ngo urukundo rwabo ruhore ari rushya nta bintu bihoraho kandi birambirana bakora.

Amakosa 4 y'Urukundo Abagore Bakora

2011-05-05T22:48:00.000-07:00

Abagore bakunda gukora uko bashoboye kose kugira ngo babane neza n’ abagabo babo bityo bakaba rimwe na rimwe bashobora kutabigeraho bitewe n’ amakosa bashobora gukora mu buryo batazi.

1. Kwizera ko ushobora guhindura umugabo

Kugumana icyizere ko ushobora guhindura ingeso mbi z’ inshuti yawe ni uburyo bubi bwo gushaka umukunzi. Umuntu nakubwira kugumana n’ umuhungu mukundana kuko ushobora kumuhindura ntukemere iyo nama.

2. Kwicecekera

Igitekerezo kivuga ko umugore agomba kwitonda kuruta uko asanzwe kugira ngo atege umugabo we amatwi gusa ni ikosa rikomeye. Niba umugabo wawe atagukundira uko umeze cyangwa akumva adatekanye kuko yifuza umuntu arusha ubwenge ntugomba kumushaka. Iyo ugerageza guhisha ubushobozi bwawe uba ukora ikosa rikomeye nubwo yaba ari mwiza bingana bite. Ntugire ikibazo igumire wenyine.

3. Gutegereza ko umugabo agenda

Urukundo rw’ ubu ndetse n’ibitabo bigezweho bivuga ko umugore agomba gutegereza ko umugabo agira aho ajya kugira ngo nawe agire aho ajya. Nubwo rimwe na rimwe ibyo ari byiza, no kugira icyo ukora kugira ngo ubone icyo wifuza kimwe no kugaragaza uko umeze ni byiza. Ibi kandi binagaragara ku bintu bimwe na bimwe byo mu rugo, aho abagore bamwe bategereza guhabwa ‘uburengenzira’ n’abagaabo mbere yo kugira icyo bakora. Niba barakubwiye gutegereza ko telefone isona baguhaye inama mbi. Niba ukeneye ikintu gifate, ubundi uze kumusobanurira. Gusa uzirinde gusesagura

4. Gukora icyo ashaka cyose

Iri ni irindi kosa mu rukundo. Ni byiza gufata icyemezo wagishije inama. Mu gihe gutegereza umugabo kugira ngo ahitemo igihe aribyo byiza, gupfukiranya ibitekerezo byawe kubera ubwoba si byiza. Gerageza kureka gukora ibyo yifuza byose mu ntangiriro z’ umubano wanyu kuko ushobora kuzamutungura utangiye kubinanirwa. Aho kugira ngo ushyire umubano wanyu mu kaga no mu ntambara, emerera kamere yawe n’ ibitekerezo byawe kwigaragaza igihe cyose.

Uburyo 5 Wakoresha Kugira ngo Umugabo Wawe Arusheho Kugukunda

2011-05-05T22:42:00.000-07:00

1. Ereka umugabo wawe ko umukunda aho kubimubwira

Burya mu rukundo ibikorwa nibyo by’igenzi kurusha amagambo. Ntuzakore ibyo ukeka ko abagore benshi bakorera abagabo babo cyangwa se ibyo bakubwira ngo ukorere uwawe ahubwo gerageza ukore utuntu tw’umwihariko, umwereke ko umukunda bidaciye mu bandi. Niba ushaka ko umugabo wawe azajya aguha impano gerageza nawe umuhe impano hanyuma nawe uzajya uzibona, nyinshi kandi buri munsi. ikindi kandi ugomba kujya wita ku mugabo wawe igihe cyose, ni ukuvuga mwaba mwirirwanye mu urugo cyangwa igihe avuye ku kazi; niba akora ugomba ku mwitaho. Menya ko ari ikosa kuguma kuri telefone uvugana n’incuti zawe kandi umugabo wawe ahari. Niba ushaka ko umugabo wawe agufata mu buryo budasanzwe tangira nawe umufate neza mu buryo bwose ushoboye.

2. Gerageza umwereke ibikorwa by’urukundo buri kanya

Niba muri umugabo n’umugore mwubatse, umugore akaba amaze kumenyera ko buri gihe umugabo ariwe uzana ingingo yo gutera urubariro bikwiye guhinduka. Mugore nawe rimwe na rimwe jya ugerageza ube ari wowe utuma mutera akabariro bizatuma umugabo wawe yumva ko nawe umukunda. Ibi kandi bizanatuma yikuramo ikintu cyo kumva ko igihe azanye igitekerezo kimeze gutya uzamuhakanira. kuko ngo usanga abagabo benshi bumva ko bari busubizwe inyuma igihe bazanye igitekerezo cyo gutera urubariro. bi ntibivuzeko iki ari cyo kintu cyonyine cyatuma umugabo wawe abona ko umukunda ariko nanone hari ikintu bizahindura ku kuntu yagufataga, bizatuma kandi agukunda mu buryo wifuzaga.

3. Hagarika intonganya hagati yawe n’umugabo wawe ahubwo utangire gukoresha amagambo meza y’urukundo igihe muganira

Ubundi ngo muri rusange abagabo benshi ntibakunda gusubiza neza abagore babo bigatuma n’abagore bavuga nabi. Nyamara icyiza si uko umuntu ukubwiye nabi nawe umwuka indi, ahubwo mugore jya ugerageza wicishe bugufi utege amatwi umugabo wawe ubundi umubwirane ikinyapfura ko uburyo agusubisazamo utabikunda kandi umubwire ko n’iyo aguciye intege bikubabaza cyane . Aha bizatuma umugabo atangira kugabanya gukoresha amagambo akarishye mu mvugo ye kuko azaba abonye ko utabimenyereye.

4. Mwereke ko umutima wawe n’ibyuyumvo byawe bimufitiye icyizere

Igihe muri kuganira ujye ukoresha amagambo amwereka ko umwizera kandi ko umutima wawe udashidikanya ko umugabo wawe ari umumwizerwa. Ntugakunde kumubaza ibijyanye n’umubano wanyu cyangwa se ngo wibaze icyo yakora mu mibanire yanyu, bityo bizatuma umugabo abona ko unyurwa n’ibyo agukorera noneho arusheho kugenda agukunda.

5. Gerageza kwiyoroshya ujye unanyuzamo museke bizatuma amenya ko burya nawe ukunda ibintu bikunezeza

Abagore benshi bakunda guhora bafunze amasura bashaka ko bahora baganira ibiganiro biremereye ndetse binasaba gutekerezaho cyane kandi burya abagabo bakunda kuruhuka mu mutwe biganirira ibintu bitabasaba gukoresha ingufu z’ubwonko. Nubigenza gutya bizatuma akanya yagaha abandi wenda ari nko mu kabari kugira ngo aruhuke mu mutwe aganira n’abandi bisekera. Ariko niba unyuzamo ukamusetsa, mukaganira ku bintu bisanzwe bituma munezerwa bizatuma aguha akanya kandi ajye ahora agukumbuye. Ugomba rero kwiga uburyo wajya ukina n’umugabo wawe mukishima kandi mugaseka.

Uburyo bwo Gutinyuka Kubwira Umusore/Umukobwa ko Umukunda

2011-05-05T22:32:00.000-07:00

Gutinyuka kwegera umuntu ukunda, ariko mutaziranye ukaba wanamubwira ko umukunda si ibintu byoroshye

1 Gerageza kumwegera

Ni henshi muhurira -mu ishuri, mu kazi, buri mugoroba hari alimentation muhuriramo, - none urambiwe rwose guhora umubona umutima ukadiha kandi we ntacyo bimubwiye!

Byakurambiye urifuza kumubwira icyo umutekerezaho, urifuza rwose kumenya ikibazo ufite nibura umutima wawe ukaruhuka, yashaka akakumva, yashaka akagusuzugura, ariko umutima wawe ukaruhuka.

Dore uko wabigenza kugira ngo akubone neza ubwa mbere

• Gerageza kwishyiramo ibitekerezo byiza kandi bitaguca intege. Ishyiremo ko uri mwiza, ko uri uwa mbere; ese ubundi umusore/inkumi nkawe yaturukahe? Ni nde se utifuza kugira umukunzi nka we? Ibi n’ubwo atari ko buri gihe bikora, ariko rwose birafasha kuko biguha ubushobozi bwo kuba wagerageza kwegera wa muntu ubusanzwe ubona ugatitira, kubera ubwoba bwo kubona ntaho wamuhera.

• Subiza ibirenge ku isi. Gerageza kubanza kwiyitaho bihagije, usokoze neza, wambare neza, ube uhumura neza, mbese fraicheur ari zose.Gusa ntugakabye kuko kugeza aha nturamenya ibyo yanga n’ibyo akunda. By’umwihariko, nujya guhitamo imyenda wambara, witondere kumenya itakubangamiye, wambara koko ukumva umerewe neza.

• Nubishaka wenda, ubanze ufate n’agapapuro ushyire ku murongo imyitwarire yawe mibi (defaults) zawe wumva wifuza kutaza kwerekana imbere ye, hanyuma urebe n’imyitwarire yawe myiza (Qualités) wumva wifuza ko abona, gusa nturengere ngo ushake ko abona ko wujuje byose(uri parfait) kuko uwo muntu umeze atya n’ubu ntarabaho.

Byitwaremo neza

Ni ngombwa cyane ko akubona neza ku munota wa mbere. Kubera iyo mpamvu ugerageze rero ntuvange ibintu.

• Utagombye kwandika byinshi, mbere y’uko muhura, fata agapapuro gato wandikeho utuntu duke wumva wifuza ko muza kuganira kuri uwo mugoroba/icyo gihe muhuye, muri hamwe cyangwa mubonanye. Niba wateganyije kuganira ku ngingo runaka, nyabuneka ntukayijye ku ruhande, ntukanavange ibintu igihe murimo kuganira, jya wirinda kandi no kuvuga cyane kugira ngo ataza kurambirwa.

• Rimwe na rimwe, ariko n’ubundi utarengereye cyane, jya ugerageza kuzanamo akantu gashya mu byo mwaganiraga igihe ubonye ko ibyo mwaganiraga bisa n’aho bishize cyangwa n’ibyamurambiye; umwereke ko wifuza kumumenya cyane ariko ko umwubaha ku buryo wanze kurengera, urebe niba nawe yifuza kukwifungurira utamushyizeho agahato.

• Ntimuzatandukane utamubwiye koko kandi mu buryo bw’ikinyabupfura icyo umutekerezaho. Rimwe na rimwe umuntu ashobora gutumira umuntu akunda bakarinda batandukanna atamubwiye icyo yamushakiraga kandi mu kutumira yaramubwiraga ko amushaka hari icyo yifuza kumubwira cyangwa ko baganiraho. Si byiza kuko ashobora guhita aguca amazi nk’uko abenshi bakunda kubivuga. Mubwire utamubeshya kandi udakabije uburyo umwiyumvamo gusa ntumuhatire guhita aguha igisubizo kuko uwo mwanya wafashe ubitekerezaho nawe afite uburenganzira bwo kuwubona.

• Ntukarebe hasi urimo kubimubwira cyangwa yewe n’igihe urangije kubimubwira kuko gukunda umuntu si icyaha, kandi si na ngombwa ko usanga nawe ari uko. Murebe mu maso utamutera ubwoba cyangwa ngo umuhangare, ahubwo murebane indoro yoroshye, umubwire ko uko ari ko kuri kuri mu mutima wawe kandi ko ntaho umukinze. Burya rimwe na rimwe indoro yonyine ishobora kuvuga byinshi kurusha amagambo.

Uburyo 5 bwo Kumenya Niba Umukobwa w'Inshuti Yawe Agukunda

2011-05-05T22:19:00.000-07:00

Kuba umukobwa yarakwemereye ko agukunda ntibihagije guhita ubyemera nk’ukuri kuko hari igihe ashobora kubyemera bitewe n’inyungu akubonamo . Ugomba rero kubanza ukitonda ugashishoza, ukareba ko agukunda koko . Dore bimwe mu byakugaragariza ko agukunda bya nyabyo:

1 Yifuza kukuba hafi iteka

Ahora iteka ashaka kuba hafi yawe, igihe mutari kumwe akakwandikira akubaza amakuru cyangwa se akaguhamagara ntarindire ko ari wowe umuhamagara gusa; ahanini uzumva akubaza niba wageze mu rugo mu gihe ukora cyangwa se uri umunyeshuri. Aba yumva kandi ashaka kumenya uko wiriwe, mbese uko umunsi wakugendekeye. Umukobwa ugukunda kandi uzumva yishimira kumenya gahunda zawe no kumenya ibyo utegenya gukora mu minsi y’ikiruhuko nka week-end .

Nawe kandi arakureka ukamenya amakuru ye ndetse nawe ubwe ukamumenya. Bene uyu mukobwa ntashobora kwibagirwa kuguhamagara cyangwa kukuvugisha ku itariki y’agaciro mu buzima bwanyu. Muri make, agerageza kumarana nawe igihe kirekire.

2 Akwereka umuryango we n’incuti ze

Uru aba ari urukundo rwuzuye kandi ni iby’agaciro mu gihe umukobwa afashe icyemezo cyo kukwereka ababyeyi be cyangwa abandi bantu bo mu muryango we ndetse n’inshuti ze za hafi adashatse kukugumisha mu kigare kimwe. Uyu mukobwa kandi ngo aba ashaka kugushyira hafi ye kugira ngo ukomeze umwiyumvemo ku bundi buryo. Ikindi umukobwa ugukunda yishimirako buri muntu amenya ko muri kumwe kandi akavuga ko mukundana uri inshutiye ya mbere.

3 Ni umukobwa wihagararaho kandi ugufitiye icyizere

Umukobwa nk’uyu aguha umwanya wawe wo gusohoka n’inshuti zawe kandi ntibimutere ikibazo. Ubundi azagera aho ategure kuza kukureba ari kumwe na bagenzi be. Ubushuti bufite icyizere bumara igihe kinini, buraramba kandi bukagenda bwaguka; ni ukuvuga ko umukobwa ukwizera akenshi aba anagukunda.

4 Umukobwa ugukunda rimwe na rimwe aragufuhira

Kuba umukunzi wawe agufuhira ntibizagutere ikibazo kuko burya iyo abagore bafushye bihita bigaragarira buri wese . Gufuha ntabwo ari ikimenyetso cy’urwango ahubwo ni urukundo rwinshi aba yifitemo; ni ukuvuga ko gufuha ari ikimenyetso cy’urukundo. Nubona ikintu cyose uzakora kitababaza umukobwa mukundana cyangwa se ukabona atajya agufuhira na gato, uzamenye ko uwo mukobwa atakwitayeho .

5 Azakwibwirira ko agukunda

Ubundi ngo mu mibereho y’abakobwa hari amagambo abagora gukoresha nko kubwira umuhungu ko amukunda. Niwumva rero abivuze uzamenye ko byamuvunnye cyane . Burya umukobwa utagukunda by’ukuri ntiyapfa kubumbura umunwa we ngo akubwire ko agukunda yumva mu byiyumviro bye atari ko bimeze. Umukobwa rero uzakubwira ko agakunda uzamenyeko nta n’ikibazo yagira isi yose imenye ko agukunda; mbega aba akwishimiye anishimiye kuba ari kumwe nawe.

Niba rero ufite umukobwa wita ko ari inshuti yawe (girlfriend) ,ugasanga mu bimenyetso tuvuze haruguru nta na kimwe afite cyangwase akugaragariza menya ko atagukunda na buhoro ahubwo urebe uburyo wabona undi ugukunda kandi ubikwereka mu bikorwa no mu magambo.

Impamvu 9 Zituma Abasore Batinya Guhita Bashaka

2011-05-05T22:07:00.000-07:00

1.Abasore basigaye bakundana, bakabona ibintu byose bisa niby’umugabo washatse umugore kandi bo batararushinga.

Niba rero uri umukobwa ugakorera umuhungu mukundana ibintu byose ,ukamwitangira nkaho ari umugabo wawe ngo ntuzategereze ko azagushyira mu rugo mu buryo bwihuse aha ngo aba abona gushaka ntacyo bimubwiye kuko aba abona ntaho atandukaniye n’abamaze kurushinga.

2.Hari igihe umubyeyi we aba atarahiriwe n’urushako, bigatuma umusore yumva atifuza kuba mu buzima nk’ubwo umubyeyi we yabayemo

Burya ngo abagabo benshi bakunda kubaho mu buzima bw’urukundo rutagira amakemwa. Iyo yumva rero gushaka atazabigiriramo ibyishimo usanga bihita bimuca intege cyane iyo azi ko n’umubyeyi we yahuye n’icyo kibazo. Aha umuntu yatanga urugero nk’iyo ababyeyi b’uyu muhungu batabanye neza bikagera naho batandukana(Divorce),cyangwa se bakabaho batumvikana na gato. Ibi bituma yanga ibyo gushaka ndetse akaba atanapfa guhita abikora kuko aba abona byamukururira ibibazo

3.Hari igihe aba yumva atarahaga irari rya gisore

Iyo umusore yumva atarahaga ubusore bwe , aba yumva kurongora bizamubangamira bikamubuza kwiryohereza ubuzima ijana ku ijana uko abyifuza, agahitamo kuba abiretse.

4.Hari igihe aba yumva atifuza ko umukobwa bari kumwe yazamubera mama w’abana be.

Kuri iyi ngingo umusore aba yishimira kugendana nawe (umukobwa), kuba basangira akumva nta kibazo ariko akumva atari (wo)we yifuza ko mwabana akaramata. Bitavuze ko utari mwiza -ushobora kuba uri mwiza n’abantu bose babibona- ariko we akumva utari ku rwego rw’umukobwa yifuza kuzabana nawe. Ibi rero nibyo bituma umusore amara igihe kinini adashaka kandi abantu bazi ko afite inshuti.

5.Ushobora kuba utaramugoye mu kumwemerera urukundo

Abagabo benshi bakunda abakobwa babarushya mbere y’uko bakundana. Niyo ngo waba uri mwiza gute ariko utaramugoye aba yumva bidahagije; maze akumva hari ikibura. Abagabo bakunda kubanza kuvunika mbere yo kugera ku kintu.

6. Ushobora kuba uri umukobwa uteye uko umuhungu mukundana adakunda

Abahungu bamwe na bamwe bakunda kureba imiterere y’bakobwa, akavuga ati: “njye umukobwa tuzabana azaba areshya atya, apima ibiro bingana gutya” n’ibindi. Iyo rero ibyo ashaka utabyujuje ngo ntuzategereze ko muzabana akaramata. Ashobora kuba yishimira uburyo mubanye n’ imyitwarire yawe ariko yakureba akabona atari wowe mukobwa w’inzozi ze.

7.Iyo umuhungu abona nta cyerekezo cyangwa se intumbero ufite mu byo ukora ntiyapfa kugushaka

Hari igihe umuhungu aba abona uri wa mukobwa utagira icyo yamufasha mu gihe muzaba mubana mu nzu-nko kubirebana no gushaka amafaranga azatunga urugo rwanyu akaba abona ntacyo byakubwira- aha ngo umuhungu ntiyagira imbaraga zo kugushyira mu rugo.

8.Iyo abona uri umukobwa ushobora ku mucunga; mbega ngo ukaba wamuhozaho ijisho

Igihe umusore yamaze kuvumbura ko uri wa mukobwa wamuhozaho ijisho, ugahora umucunga, ngo yibaza noneho igihe mwaba mubana ukuntu ibintu byaba bimeze, agafata umwanzuro wo kuba akwihoreye mu gihe arimo kwishakira umukobwa uzamuha amahoro ye uko ayifuza.

9.Ashobora kuba ashaka kwigeragereza amahirwe

Uyu musore aba atarafata umwanzuro mu rukundo . Iyo muri kumwe aba yumva yajya kugerageza n’ahandi, aba ngo yumva undi mukobwa utari wowe ari we wamukunda kurusha uko umukunda. Umuhungu nk’uyu ahora agerageza; aba afite abakobwa bakorana imibonano mpuzabitsina ariko ntakuremo uzamubera umugore.

Ibintu Bitatu Byica Urukundo

2011-05-05T07:03:00.000-07:00

Monday 18 April 2011

1.Kwigira bamenya (thinking you know everything) : Buri muntu ashimishwa no kumva ko ibyo abwiye inshuti ye ibihaye agaciro. Bityo rero si byiza habe na mba guhora uca mu ijambo inshuti yawe ngo urayereka aho yibeshye kuko biyirakaza. Mu by’ ukuri gukosora uwo ukunda ni byiza, ariko iyo ukabije kwigira bamenya bimutera kutifuza kubana nawe igihe kinini bikaba byamuviramo no kukuzinukwa.

Kutaganira ( not communicating): Ntibikunze kubaho ko abantu baba inshuti nyanshuti bataganira, ni nayo mpamvu kenshi na kenshi nk’ iyo ukunda umuntu akajya mu mahanga agatindayo utagira icyizere cyinshi ko akigutekereza. Ikindi, mubwire ikigushimishije cyangwa ikiguhangayikishije aho kwicecekera ugategereza ko abyivumburira. Nanone niba ubona ahangayitse mwegere umubaze icyabaye kuko bituma arushaho kukwiyumvamo.

Kumva ko ibyo muganira byose byaba bikwerekeyeho( making it all about you) : Kugwa muri uyu mutego biroroshye kuko benshi bawugwamo batanawubonye . Yego, kuganira ku buzima bwanyu bwite ni iby’ agaciro ariko nanone kumva ko ibiganiro byose byaba bivuga kuri wowe wenyine ku buryo umuca no mu ijambo ngo uzane insanganyamatsiko ikwerekeyeho si byiza. Irinde agakabyo.

Bimwe mu Bibazo by'Urukundo n'Ibisubizo byabyo

2011-05-05T06:57:00.000-07:00

Uko umubano waba umeze kose ntushobora kuburamo agatotsi, bisobanuye ko yaba wa mubano abantu baba bavuga ko ukomeye cyangwa se hahandi abantu baba bavuga ko ari umubano umaze igihe kandi umeze neza, ntibishoboka ko abantu babana nta kibazo bagirana hagati yabo. Umunyarwanda yaravuze ngo “ntazibana zidakomanya amahembe”, ashaka kumvikanisha ko umubano uwo ari wo wose uzamo amatati n’ibibazo, icya ngombwa kikaba uko abantu basohoka muri ibyo bibazo. Hari ibibazo bimwe na bimwe bikunze kugaragara hagati y’abakundana, tukaba tugiye kubagezaho uburyo bwiza bwo kubisohokamo.

1. Kutaganira hagati y’abakundana

Kuganira ni kimwe mu bibazo bikomeye bijya bikunda gusenya imibanire y’abantu. Abantu benshi ntibazi kuganira na bagenzi babo, ndetse usanga n’ababikora babikora mu buryo budasobanutse. Kugira ngo umuntu ashobore kubwira mugenzi we icyo amutekerezaho usanga ari ibintu bitoroshye cyangwa se niba hari ibintu abantu batumvikanyeho ugasanga ntibafashe umwanya ngo babiganireho, babishakire igisubizo. Iyo abantu baticaye ngo baganire, bagire imyumvire imwe ku kibazo nta kabuza bizakurura amakimbirane hagati yabo.

Ubu ndi rero mu rukundo, cyangwa se muri buri mubano, habamo utubazo kandi tworoshye gukemura iyo twamenyekanye. Niba wamaze kubona ko umubano wanyu ufite ikibazo cyo kutumvikana biturutse ku biganiro bike cyangwa kukutaganira neza, ugomba kureba uburyo bwiza waganirizamo mugenzi wawe. Igihe muganira, gerageza kuvuga igitekerezo cyawe mu buryo bworoshye kandi busobanutse maze nurangiza utege amatwi ibyo mugenzi wawe agusubiza , urebe ko yakumvise neza cyangwa se ko atakumvise. Muri uko kuganira, havuka mo ibisubizo kandi bibanyuze mwese.

2. Kwikubira bikabije n’ishyari

Hari igihe abantu babana umwe yikunda cyane akumva arashaka ko ibintu byose byaba ibye noneho igihe bibaye kuri mugenzi we akumva amufitiye ishyari ntiyongere kumwishimira. N’ubwo ibi bukunze kugaragara cyane ku bantu bahuje igitsina, biranashoboka ku bakundana n’ababana nk’abashakanye. Urugero: Niba muri inshuti mukaba mukora akazi kamwe, umwe akaba yumva ko ari we waba umuyobozi cyangwa akumva ari we bazamura mu ntera, hazamuka mugenzi we akamugirira ishyari ubwo ibyo kuzongera kumusekera cyangwa kumuvugisha neza bikaba birangiriye aho. Niba rero ikintu nk’iki cyo kwikubira cyangwa kugirana ishyari cyagaragaye mu mubano wanyu mugomba kugikemura mureba ikintu kibitera. Umuntu ashobora kuba ariko ateye, ni ukuvuga ko ari yo kamere yo kwikunda no kugira ishyari, cyangwa se ugasanga abikomora ku babyeyi cyangwa se ku bantu bigeze kubana. Iyo umaze kumenya igitera iyo myitwarire, ugomba rero kumenya uburyo witwara kuri mugenzi wawe noneho ukagenda umuhindura buhoro buhoro, umwereka ububi bw’ibintu akora, bityo nawe azagenda ahinduka gake gake. Iyi nzira ni nziza cyane aho kugira ngo umwivumbureho ngo uhite umwanga.

3. Hari igihe usanga ibyo wifuzaga ku muntu atabifite

Abantu benshi bakunda kubana buri wese hari icyo atezeho undi. Hari abo bihira ibyo bifuza bakabigeraho ariko hari n’abandi basanga baribeshye. Iyo rero basanze baribeshye usanga bibaviramo ubwumvikane buke bagatangira gusuzugurana no kubwirana nabi. Gusa ariko, iyi nzira ntabwo ifasha mu gukemura ikibazo ahubwo birushaho kugikomeza. Niba rero ikibazo nk’iki kivutse, banza ushyire ibyifuzo byawe n’ibyo wari witeze ku ruhande maze ubanze urebe uko wakuzuza ibyifuzo bya mugenzi wawe. Namara kubona ibyifuzo bye bikemutse azatangira gushaka uburyo nawe yakemura ibyawe, maze mwembi munyurwe.

Uburyo bwo Gutuma Umuhungu Mukundana Arushaho Kugukunda

2011-05-05T06:52:00.000-07:00

1. Mwandikire akabaruwa karimo amagambo y’urukundo nurangiza ugashyire mu ikofi ye atabizi

Muri aka kabaruwa uzagerageze gushyiramo amagambo yuzuye ubwuzu n’urukundo. Ushobora kutamubwira ko umukunda kuko n’ubundi aba asanzwe abizi, ahubwo ugakoresha ubundi buryo bworoshye bwo kumwereka ko umukunda kandi ko umwitaho. Urugero: Niba aheruka kuguha impano wamubwira ko ukunda cyane; uti kandi ‘buri gihe unkorera ibintu bituma numva ndi umuntu udasanzwe’. Ushobora gukomeza umwandikira amagambo nk’ayo kugira ngo umwereke ko afite agaciro mu buzima bwawe kandi agira uruhare mu munezero no mu kugubwa neza kwawe.

2. Gerageza kumuha impano no mu gihe cy’iminsi y’akazi

Abantu cyangwa se abakobwa benshi bazi ko impano zitangwa ku minsi mikuru cyangwa se muri weekend (mu minsi y’ikiruhuko) gusa, nyamara kandi burya ngo impano zitunguranye cyane cyane mu minsi y’ akazi ngo zirashimisha. Uushobora rero gufata nk’umunsi umwe ari nko kuwa gatatu ukajya mu isoko ukagurira umukunzi wawe umupira mwiza, karavate se, isaha cyangwa niba ari umuhungu usoma ku kayoga ushobora kumugurira n’icupa ry’inzoga warangiza ukabifunga neza ugashyiraho akabaruwa cyangwa se agakarita kabiherekeza kanditseho amagambo meza. Ubundi ukabimushyira ku kazi cyangwa se ukarindira agataha ukabimuhera mu rugo. Iyi mpano uzaba umuhaye izamunezeza kubera ko uzaba uyimuhaye mu gihe atakekaga.

3. Ereka umuhungu mukundana ko agukurura

Abakobwa benshi bakunda guhisha ibyiyumvo (sentiments) byabo ariko nyamara si byiza mu rukundo. Ugomba kugerageza ukamwereka ko nawe ajya agukurura, niba mujya musomana ariko ari we wabigizemo uruhare nawe ujye unyuzamo umusome ari wowe ubyibwirije.

Ku bandi noneho bajya bakorana imibonano mpuzabitsina ugomba kugerageza nawe ukazana icyo gitekerezo. Nk’urugero, mushobora kuba muri kurebana filimi y’urukundo, jya unyuzamo umusome rimwe na rimwe ube wanamusaba ko mwakora imibonano mpuzabitsina. Ibi rero ngo bizatuma yumva ko uburyo ateye bigukurura ndetse bitume ahora agufitiye ubwuzu.

4. Mu gihe ari mu kazi jya unyuzamo umuhamagare

Aha ntabwo bivuze ko niba umuntu ari ku kazi ugomba kumuhamagara buri kanya cyangwa se ngo umuhamagare umwanya muremure ngo ube wamutesha akazi ahubwo ni ukumuhagara akanya gato kandi ukabikora igihe ushobora kuba uzi ko atari mu kazi kenshi, ubundi ukamubaza uko amerewe. Uko kumuhagara rero ngo bishobora gutuma yumva aguwe neza mu gihe wenda yumvaga umunsi utangiye kumubihira . Ibi rero bizatuma anabona ko uba umutekerezaho n’igihe mutari kumwe.

5. Fata umwanya utekere umukunzi wawe ibiryo akunda kurusha ibindi

Kugira ngo umukunzi wawe arusheho kugukunda no kunezerwa ngo ujye unyuzamo ufate umwanya umutekere ibiryo akunda cyane. Ushobora kuba warabyumvise abivuga cyangwa niba mukunda kujyana gusangira muri resitora ugomba kuba umaze kumenya ibiryo umukunzi wawe akunda . maze nawe ukazafata umwanya ukabimutegurira. ibi biba na byiza iyo mwirirwanye mu rugo ugategura ifunguro murimo kuganira. Numugaburira rero akanezerwa nta kizatuma nawe atakwishimira kandi azanashimishwa n’umwanya uzaba wafashe kugira ngo umwiteho.

Ikibazo rero gikunda kugaragara mu rukundo ni uko abakobwa benshi baba bashaka kwakira urukundo rwinshi kandi bo ntibarutange uko bikwiye. Bakumva abahungu babakunda byimazeyo ubundi bo bagaterera agati mu ryinyo. Niba uri umukobwa ukaba ushaka ko urukundo rwanyu rwongera gushyuha nka mbere gerageza gukora bimwe muri ibi bintu tumaze kuvuga, kandi nawe ujye utanga urukundo ntugategereze kurwakira gusa.

Impamvu Atari Byiza Guhuza Ibitsina mu Irambagiza

2011-05-05T06:44:00.000-07:00

1. Kuba umuhungu wamukurura ntibishatse kuvuga ko agukunda

Umuhungu ashobora kuba akunda uburyo usa n’uko uteye, akumva mwakorana imibonano mpuzabitsina. Numara rero kumwemerera ko ibyo yifuza abigeraho azahita yumva ko yagufashe kandi nta kindi kigomba kwiyongeraho uretse kuryamana nawe gusa. Nuramuka rero utangiye kugenda ugabanya uburyo wamwitwaragaho uzabona umubano wanyu ugenda uyoyoka gahoro gahoro. Urumva rero ko nta mpamvu yo guhubukira kuba wahita uryamana n’umusore urimo kugutereta.

2. Iyo wihutiye gukorana imibonan ompuzabitsina n’umuhungu arimo kugutereta ahita abonako uri umuntu woroheje

Iyo ubimwemereye hakiri kare ngo agaciro yaguhaga kagenda gashira ndetse n’uburyo yakubahaga bikagenda bigabanuka mu gihe nyamara iyo mugitangira guteretana aba yarakubwiye ko azakubaha igihe cyose. Ariko mu gihe kiriya gikorwa gihise kiba mu buryo bwihuse uburyo yakubahagamo butangira kugenda bugabanuka umunota ku munota.

3. Niba ushaka kubaka umubano ukomeye ntuzite cyane ku byo umuhungu muri gukundana agushakaho

Ikintu ugomba gukora igihe umuhungu agutereta ni ukubanza ukamumenya neza, ukamenya imyitwarire ye ndetse ukanamenya niba agukunda by’ukuri , ubundi ibindi bikaza nyuma.

Ugomba nawe kwisuzuma ukabanza ukareba niba ntacyo byakubangamiraho igihe waramuka uryamanye n’umuhungu urimo kugutereta hakiri kare. Ugomba kubanza ukabitekerezaho hanyuma ibyo uzatekereza nibyo bizakubwira niba koko mugomba gukorana imibonano mpuzabitsina mu gihe cya vuba cyangwa niba uzabanza ugategereza. Ahangaha ushobora gufata umwanzuro ukavuga uti: “Nzaryamana nawe maze kumumenya, hashize amezi make cyangwa se twaramaze kurushinga”.

4. Iyo bibaye hakiri kare hari gihe utabona ibintu agukorera ahubwo ukibonera uburyo ameze mu buriri

Iyo wihutiye gukorana imibonano mpuzabitsina n’umuhungu mugiteretana, hari igihe uhita utangira guhindura uko wamubonaga: aho kumubona nk’umuntu mukundana ugomba kukwitaho mu buzima bwa buri munsi ahubwo ukamubonamo undi mu muntu. Igihe uzaba umeze gutyo umubano wanyu ntaho uzagera.

Ibintu byo gukora imibonano mpuzabitsina si ibyo guhubukirwa ahubwo bisaba kubanza kwitonda, ugashyiramo ubushishozi. Umusore nakubwira yumva igihe cyageze ngo muryamane wowe uzajye umwihorera, ntiwite ku byo akubwira ahubwo nawe utekereze ufate icyemezo kikunyuze kuko kugendera ku byifuzo n’ibyiyumvo bye gusa bishobora kugukoresha ibintu udashaka. Niba ari umuhungu ugukunda by’ukuri azakomeza agutegereze

Ibimenyetso Byerekana ko Umusore Mwakundanaga Atakigukunda

2011-05-05T06:38:00.000-07:00

Ushobora kuba uri mu rukundo ukabona hari bintu bigenda bihinduka gahoro gahoro ariko ntumenye ubusobanuro bwabyo. Bimwe muri byo hari igihe biba bishaka kukwereka ko utakiri kumwe n’uwo wibwiraga ko muri kumwe.

Dore rero bimwe mu bimenyetso bizakwereka ko umusore mwakundanaga atakikwiyumvamo:

1. Azatangira ahagarike kukwita amazina yari asanzwe akwita

Niba yari asanzwe akwita sweetie, honey, Darling, baby, n’utundi azatangira aguhamagare mu mazina yawe, wowe numuhamagara kwa kundi mubiziranyeho ase nk’utabyumvise cyangwa se akwihorere.

2. Uzabona atangiye kwinuba ibyo umukorera

Ibi bivuze ko numukorera utuntu tw’urukundo nk’utwo wari usanzwe umukorera azjya agufata nk’umusazi . Niba mwicaranye ugatangira kumukoraho nk’uko wari usanzwe ubikora azakwiyama kuko azajya yumva urimo kumubangamira. Nubona rero icyo ukoze cyose kirimo guhinduka ikosa mu ijisho rye uzatangire kugira amakenga.

3. Azatangira kukubwira ibintu biguca intege

4. Uzatangira kumubonana n’abandi bakobwa kandi nawe uhari

5. Uzashiduka atakikubwira amakuru ye

6. Azatangira kujya yibeshya ku izina ryawe.

Hari igihe uzumva aguhamagaye izina ry’undi mukobwa!

7. Azatangira kwica gahunda

Muzaba mwahanye gahunda ubone arecyererewe bikabije nanakugeraho abe adashaka kugusobanurira icyamutindije.

8. Kwirakaza biriyongera

Mukobwa rero nubona umusore muri kumwe atangiye kugaragaza bimwe mu bimenyetso byavunzwe haruguru uzatangire urebe neza, ushishoze urebe birashoboka ko uwo musore atakigukunda cyangwa se urukundo rwatangiye kugabanuka

Uburyo 43 wakwerekamo umukobwa ko umukunda

2011-05-05T06:23:00.000-07:00

1. Mufate neza mu buryo bwose bugushobokeye

2. Fata umwanya uhagije wo kumuvugisha

3. Musangize amwe mu mabanga y’ubuzima bwawe

4. Niba muri kumwe ukabona asa n’ufite imbeho, igomwe umuhe umupira cyangwa furari wambaye, umwereke ko adashobora kubaho nabi igihe cyose akigufite.

5. Musome kenshi igihe muri kumwe neza kandi gahoro.

6. Muhobere igihe umukumbuye cyangwa ushaka kumwereka ko ari uw’agaciro, burya hari udukorwa duto tuvuga kurusha amagambo.

7. Mufate mu ntoki umureba mu maso.

8. Sekana nawe kandi umufashe kugira ibihe byiza bitewe n’ibyo akunda

9. Rimwe na rimwe, nta yindi mpamvu ibiteye, jya umutumira ahantu atari asanzwe azi, umwereke ibintu bishya atari asanzwe abona kenshi kuko iyo umuhoza mu bintu bimwe bigera aho bikamurambira

10. Jya umutumira igihe uri kumwe n’inshuti zawe. Erega arifuza kukugirira icyizere no kwisanzura mu nshuti zawe ndetse no kubona ko nazo zimwishimiye.

11. Kenshi jya ukunda kumufotora no kwifotozanya nawe kuko abakobwa burya bakunda amafoto cyane, cyangwa umukorere CD iriho amafoto yanyu, aho ushobora no kuyaherekezanya uturirimbo tw’urukundo uziko akunda, cyangwa dufite icyo tubibutsa mwembi.

12. Rimwe na rimwe, jya ugirana nawe gahunda zindi zitari iz’ urukundo, mushobora nko gukorana imishinga ibyara inyungu, gukora nk’igikorwa cyo kujya gusura abarwayi kwa muganga nko ku cyumweru, kujya gutemberera ahantu nko mu giturage mwabaga kera, n’ibindi

13. Nakubwira ko agukunda, jya ubimusubirishamo kenshi, umwereke ko kuba yaraguhaye urukundo ari ikintu uha agaciro gakomeye mu buzima bwawe!

14. Niba muri kumwe n’inshuti ze zikamwereka cyangwa zikamubwira ko zimukunda cyangwa ko zimwitayeho kukurusha, jya ubihakana umuhobera cyane umwiyegereza, umubwire ko urukundo umufitiye nta n’uwabasha kurupima, ibi bituma yumva akunzwe cyane kandi bimurinda kumva ko hari undi muntu n’umwe yakurutisha mu buzima bwe.

15. Buri gihe niyo byanaba buri kanya yewe, jya umuhobera cyane umwiyegereze, ubundi umwongorere ko umukunda.

16. Jya umusoma mu gihe we atari abyiteguye

17. Atari abyiteguye nabwo jya umuhobera umuturutse mu mugongo, urebe uburyo abyakira.

18. Jya umubwira ko ari mwiza ahebuje, gusa ntukamubwire ko ari segisi (sexy). Abasore benshi bajya bakora aya makosa, gusa hano nakubwira ko umukobwa aba yifuza kumva ko ari mwiza imbere y’umukunzi we kurusha kumubwira ko ari segisi.

19. Jya umubwira uburyo umwiyumvamo kandi utamubeshye.

20. Nimuba murimo kugendana jya umutanga imbere umufungurire imiryango, umuherekeze ku modoka ye niba ayifite, ubanze umufungurire umuryango, nimuba mugiye kumeza ubanze umuhereze isahani ye, nibinashoboka unamushyirireho ibiryo, erega bishimisha cyane abakobwa kandi nawe ndatekereza ko nta gihombo kirimo kugaragaza iyo mico myiza (kuba gentleman)

21. Mubwire ko asobanuye byose kuri wowe kandi mu kubivuga jya ubivuga koko ubikuye ku mutima, unamureba mu maso.

22. Niba ubona ko atameze neza, hari ikitagenda, ukabona adashaka kubivugaho, jya umubwira ko uhari, umuhobere cyane, umwiyegereze kandi umubwire ko igihe cyose akeneye urutugu rwo kwegamaho no kuririraho uhari, unamubwire ko nta kibazo kuba atabikubwiye, ko ariko igihe cyose yumva abohotse kubikubwiraho, uzaba uhari kandi witeguye kumwumva no kumufasha! Si byiza guhita uhutiraho no kumubaza cyane kuko hari igihe biba bigoye guhita agira icyo akubwira muri ako kanya nawe atarabyakira neza

23. Jya utuma yumva akunzwe, icyo byagusaba cyose

24. Jya umusoma imbere y’abandi bakobwa, baba ari inshuti ze cyangwa izawe, bituma agira icyizere ko umukunda kandi bigutera ishema, ukaba udashobora no kumuca inyuma.

25. Ntukigere na rimwe umubeshya kabone n’iyo waba ubona bigoye kumubwiza ukuri ku kintu runaka, kuko iyo amenye ko umubeshye n’iyo kaba ari akantu gato, arababara kandi akagutakariza icyizere.

26. Ntukamuce inyuma kuko bariya bandi nta kintu na kimwe bamurusha, iyaba byari ibyo ntiyari kuba ari we wahisemo

27. Jya umujyana ahantu hose yifuza kujya, nawe arakuzi azi n’ubushobozi bwawe humura ntazakugora, ariko rero nawe jya ugerageza kumushimisha.

28. Jya umwandikira ubutumwa bugufi, unamuhamagare buri gitondo umubaza uko yaramutse n’uko ijoro rye ryari rimeze, kandi buri gihe jya umubwira utujambo twiza. Mwaba muri kumwe cyangwa mutari kumwe, ugerageze kumenya gahunda ze zose; niba yariye, niba yabashije kuruhuka, ese amasomo/ akazi biragenda, n’ibindi…

29. Jya uhamubera igihe cyose agukeneye, ndetse n’igihe atagukeneye, ibyo bizatuma abona ko igihe icyo ari cyo cyose ashobora kukwizera no kukugirira icyizere.

30. Jya umufata mu maboko yawe cyane igihe afite ubwoba cyangwa akonje, bimuha umutuzo cyane.

31. Nimuba muri mwenyine jya umwereka ko ushaka kumufata mu maboko yawe, umusome, umurebe mu maso nibura nk’umunota umwe cyangwa myinshi, umwereke ko nta wundi usa nawe

32. Niba muri kumwe, musome mu gahanga (ibi bizamwereka ko wifuza kumusoma urebe niba nawe ari uko.)

33. Niba mwicaye murimo kurebana agafilimi keza k’urukundo cyangwa akandi kose akunda, mushyire ukuboko ku rutugu, nawe azahita akwegamishaho umutwe bityo murebane filimi mu buryo buri romantiki.(romantique)

34. Niyo waba urakaye ute, ntugakinishe na rimwe kumubwira ngo nahite agenda, kabone n’iyo waba wikiniraga, kuko ushobora kujya kubona ukabona agiye agiye da! Niba arakaye jya umuba hafi, umufashe; niba akubabaje ntumwereke ko urakaye cyane ariko umubwire ko bitagushimishije, n’agusaba imbabazi umwumve kandi ntugakunde impaka no kubigira birebire.

Ibi byose, ubutaha nimuba muri kumwe ntuzabyibagirwe, kuko bibazanira umunezero mwembi kandi mu byukuri nta kigoye kirimo

35. Niba abantu barimo kumuvuga nabi no kumunegura, ujye uhamubera, ubabwire ko urukundo umufitiye ruruta byose kandi ko uko byaba bimeze kose ntacyakubuza kumukunda no kuhamubera

36. Nujya kumubwira ko umukunda, jya ubimubwira umureba mu maso kandi umubwira ibyo wiyumvamo!

37. Rimwe na rimwe jya umujyana hanze, nko muri jardin, ari nijoro hari ukwezi hasa neza, umuryamishe mu gituza cyawe yiyumvire uko umutima wawe utera uterera mu we, ushyire intoki zawe mu ze, ariko urimo kumwongorera utujambo tw’urukundo mu matwi nawe ahumirije amaso ye arimo kwiyumvira rya jwi akunda kandi yishimira kuruta ayandi yose!

38. Niba murimo kugendana, mufate mu ntoki kandi bigutere ishema ryo kuba yitwa uwawe

39. Niba muhuye mutari muherukanye, mwereke urukumbuzi wari umufiitiye, umuhobere mu gihe kirekire gishoboka

40. Buri joro jya umuhamagara umwifurize ijoro ryiza, n’indoto nziza

41. Jya umuhumuriza niba akuririye, kandi jya ujyana umubabaro yari afite kure ye

42. Jya umusaba ko mwatemberana mu ijoro, mufate igihe kinini mwigendagendera, mwiganirira, mwisekera, musa n’abakina,…

43. Buri gihe jya umwibutsa uburyo umukunda

Uburyo bwo Gutuma Umukobwa w'Inshuti Yawe Agukunda Cyane

2011-05-05T06:18:00.000-07:00

Ikintu cya mbere ku mugabo ufite umugore, ku musore ufite umukunzi cyangwa se wifuza kumugira ni ukumenya neza uko abagore muri rusange bateye.

Nk’uko umuhanga mu by’urukundo Yahya Messi mu gitabo cye, ‘Leurs Top Secrets’ abisobanura, ngo ikintu cya mbere ku bagabo ni ukumenya kwigira ku bagore.

Erega nibyo, nonese niba muri rusange, utajya wumva imiterere y’abagore, ni gute uzumva umukobwa wawe? Uzumva ute se umugore washatse, umukunzi wawe cyangwa mushiki wawe, n’inshuti yawe isanzwe y’umukobwa?

Abagore muri rusange, ni abantu bakunda umuntu ubitaho, bakunda gufata neza ibintu no kubiha agaciro mu buryo butandukanye n’ubw’abagabo. Ibi niba ushaka kubyumva neza uzabisuzume, cyangwa se wifashishe igitabo: Les hommes viennent de Mars et les femmes viennent de Venus, igitabo ushobora no kubona films documentaires zikivugaho. Iki gitabo kigaragaza neza kinifashishije ingero zifatika uburyo abagore batandukanye kure n’abagabo, uburyo hari ibintu byinshi abagabo badasobanukiwe ku bagore.

Hari aho abanditse iki gitabo batanga urugero rw’ukuntu umugabo iyo umuhamagaye umubwira ko urwaye umutwe cyane, ahita akubaza aho uri kugira ngo agushakirre ibinini abikuzanire, mu gihe umugore we abanza kukubaza ibibazo byinshi birimo aho uri, icyaba cyaguteye kunanirwa no kugira stress, agaytangira no kukubwira ibindi birimo no kuba yakwibutsa ko yari yarakubujije kunywa inzoga, … Muri rusange, ngo abagore iyo ubabwiye ko urwaye umutwe batangira kureba impamvu zaguteye kurwara umutwe, kurusha gushaka umuti w’icyo kibazo cyawe mu gihe umugabo we ngo yihutira kujya gushaka imiti gusa.

Ntabwo ari bibi pe, kuko ibi byerekana uburyo umugore muri rusange yita ku bintu kandi akabiha agaciro cyane, akantu ako ariko kose gashobora kumubabaza mu gihe ku mugabo we ibintu yitaho cyangwa bimutwarira umwanya ari bike cyane.
Uratekereza ko ikosa ari irya nde?

Yaba umugabo cyangwa umugore nta n’umwe ufite ikosa kuko Imana niyo yaturemye mu buryo butandukanye, nabyo kandi nsanga atari bibi kuko bidufasha kuzuzanya.

Nibyo koko imiterere y’abantu iratandukanye cyane, ari nayo mpamvu uzabona umugore afata umwanya we kugira ngo agutekere ibiryo ukunda, akaba azi mutwe itariki yawe y’amavuko kandi wenda wowe waranayibagirwa, akaba azi n’andi matariki akomeye mu buzima bwawe. Ibi byose abagore babikoreshwa n’urukundo baba bafitiye abagabo.

Jya wibuka kandi ko mu nkuru zose, mu migani myinshi ivuga ku bakobwa, irangira ibagaragaza nk’abamikazi, ikarangira igaragaza ko mu mpera buri mukobwa ahura n’igikomangoma (prince) cye kandi kiteguye kumuha urukundo mu buryo bwose.

Muri iyi nkuru turashaka kukwereka bimwe mu bintu abagabo batazi ku bagore kandi nyamara ari ingenzi mu mubano n’urukundo rwabo. N’ubwo bwose bidashoboka ko umukobwa/umugore abona uwo yifuza (l’homme parfait, perfect man) ariko nibura wowe musore/mugaboo gerageza kumwumvisha ko witeguye guhinduka.

Aha rero turagufasha kumenya ibyo wakora bikamushimisha bityo akarushaho kukwibonamo kurushaho kandi nawe ubwawe bitagusabye ko uhindura uko uteye cyane dore ko n’akenshi bigorana.

Dore rero ibintu usanga akenshi abagabo benshi badasobanukiwe ku bagore, kandi nyamara ari ibintu bishobora kububakira cyane:

- Abagore bakunda umuntu ubabwira ko ari beza: Kubwira umukunzi wawe kenshi gashoboka ko ari mwiza ni ikintu cy’ingenzi cyane. Aha kandi ugerageze no kumuha compliments (kumushimagiza) ku bintu bikomeye yagezeho, ku manota yabonye (niba ari umunyenshuri), kuri promotion yabonye ku kazi (umubwire ko yari abikwiye), ku mpano ze, n’ibindi.

- Kumwereka ko wiyizeye: Jya wereka umugore/umukobwa ko kuba ari inshuti yawe bigushimisha cyane, kandi ko uko bwije n’uko bukeye urushaho kumukunda. Kenshi bisa n’ibiteye isoni kuba wamusomera mu ruhame rwa benshi, ariko nibura niba muri mukugendana jya umufata ukuboko, abone nawe ko gukundana bikunezeza no kubyereka bose. Bishyire kuri bose babireba daaaa!!!

- Si byiza kumubeshya: kimwe n’abandi bantu bose burya iyo umuntu akubeshye akantu n’aho kaba ari gato, ukakamenya, birakubabaza kandi ugahita umutakariza icyizere.

- Irinde guteza intonganya mu ruhame no kuburana cyane : Ibi nabyo biri mu bintu abagore badakunda na gato, bituma basa n’aho bamwaye, bikabatera isoni,…ntibibashimisha muri rusange.

- Kumwitaho kandi wenyine: Hari abagabo benshi batekereza ko kuba muri kumwe n’abandi ari byiza kwita ku bandi bakobwa muri kumwe, niba murimo kubyina bose ukabitaho (ukababyinisha, ukabazanira ibyo kunywa,…) ariko burya wa mukobwa mukundana cyangwa wa mugore wawe rimwe na rimwe icyo witaga kuba ‘gentleman’ abifata nk’aho ari ukurengera kandi ko noneho muramuttse muttari kumwe warengera ukaba wakora n’ibindi. Rimwe na rimwe rero abibona nk’aho wamuca inyuma mu buryo bukoroheye cyane. Byirinde bitagusenyera.

- Irinde gusohokana inshuti ze utabimbwiye: Ni byiza ko umenyana n’inshuti ze, ariko burya iyo ugeze aho kujya uzisohokana utabanje kubimubwira cyangwa mutari kumwe ntibimushimisha, habe na mba. Ahubwo atangira kwibaza ko ahari harimo uwo usigaye ukunda, udashaka ko amenya; agatangira kutakwizera nabo atabasize.

-Ntuzigere ugiramo n’umwe mufitanye umubano wihariye kabone n’iyo nta kindi cyaba kibyihishe inyuma. Ikindi kandi ntukagire uwo wandikira ubutumwa bugufi muri kumwe mwese, ahita yibuka uburyo namwe byatangiye bisa no kwikinira akabona ko namwe ariho murimo kuganisha. Ni byiza kandi kumwereka ko wishimira kuba uri kumwe nawe wenyine, kurusha iyo muri kumwe mwese.

- Komeza kwiyitaho: Niba ari uwawe ntibivuze ko wafatishije bihagije ku buryo nta handi yajya. Reka da! Komeza umwereke ko uri umusore/umugabo mwiza w’igikundiro, umwereke ko rwose umukwiye kandi ko no hanze aha babona ko afite umugabo mwiza.

- Kumwitaho bihagije: Niba muri kumwe n’inshuti zawe witerura ibiganiro mu nshuti zawe ngo umere nk’aho adahari. Mwereke ko umwitayeho, mu kugenda umwiyegereze mbega umubere ingabo imukingira, umubere ukwezi kumumurikira, … Erega jya wishyira mu mwanya we, byagushimisha se niba iyo ari kumwe n’inshuti ze agufata nk’aho udahari??

- Kugaragaza isura nziza ku babyeyi be, no ku muryango we: N’iyo waba utabakunda ariko burya ni byiza kwibuka uruhare runini bafite ku mukobwa wabo, bityo ubibubahire kandi ukore ku buryo rwose urukundo rwanyu baruha umugisha.

- Gutekereza no kureba kure: Urukundo nta murongo runaka uhamye rugira wo kugenderaho. Jya rero uhora utekereza utuntu twose twamushimisha, ntugume mu bintu bimwe gusa kuko bigera aho bikamurambira, umuzanire indabyo nziza, umutegurire icyayi, niba ari ku kazi cyangwa ku ishuri umutungure ugire akantu umushyira yo mutari mwabivuganye, n’ibindi byose bishobora kumushimisha. Rimwe na rimwe umugurire impano nta kindi cyabaye,umuzanire filimi nziza muyirebane. Burya abakobwa ntabwo bakunda ibintu bihenze, baba bashaka gusa ibyo ubakorera bikuvuye ku mutima.

- Kwibuka amatariki akomeye mu buzima bwe : Iki ni ikintu wenda ahari utari uzi ariko gikomeye cyane ku bagore. Nuhora uzirikana itariki z’amavuko, ubukwe, itariki mwakundaniyeho, itariki imwibutsa ibintu bikomeye mu buzima bwe,… ntushobora kumva ukuntu azashimishwa cyane no kubona ukuntu umwitaho.

- Kwibuka ibyo akunda n’ibyo yanga: Umukobwa biramushimisha cyane kumva uzi ubwoko bw’indabyo akunda, ubwoko bwa filimi zimushimisha, ibara akunda, umunsi yanga cyangwa ibintu yanga kurusha ibindi. Ibi nabyo abibonamo urukundo rwinshi no kumwitaho cyane.

- Kumwandikira: Abagore muri rusange bakunda cyane umuntu ubitaho, biramushimisha gutaha agasanga akandiko wamusigiye ku musego, ako wamushyiriye mu isakoshi atabizi; biramushimisha cyane ko umubwira ko wagize amahirwe atabonwa na bake kuba ari uwawe. Si ngombwa ko ako kandiko kaba karekare cyangwa ari umuvugo wamuhimbiye, n’iyo kaba ari akajambo kamwe, kamugwa ku mutima.

- Kumuha umwanya: Buri mugore nk’uko twabibonye ko akunda umuntu umwitaho, jya umusaba umunsi yaguha atazaba ahuze, mwirirwane muri babiri gusa, murebane filimi, umukorere massage, umuririmbire; nta n’ikindi kinini ukoze ibyo byonyine azabigukundira pe.

- Kumwumva no kumusangiza ubuzima bwawe: Mubwire gahunda ufite, ibyo wakoze, ibyo wagezeho n’ibyakunaniye; umwumve nakugira inama, umutege amatwi yewe kabone n’aho waba utemeranywa nawe kubyo murimo kuvuganaho.

Mu bintu abagore binubira kenshi ni uko abagabo badakunda kubatega amatwi iyo barimo kubabwira inkuru. Jya umutega amatwi umwumve, umwereke ko witeguye kumwumva igihe cyose. Niba hari ikosa yakoze, yaba ari wowe yarikoreye cyangwa undi, nabikubwira ntugahite umukankamira, ahubwo jya ubanza umwumve, umugire inama, umukosore kandi byose ubikorane umutima mwiza bityo icyizere yari agufitiye kiziyongera.

- Kuba mu ruhande rwe: Buri gihe jya uba mu ruhande rwe, uko byaba bimeze kose, n’iyo yaba ariwe uri mu makosa, ugerageze kumuhana ariko kandi umwumvishe ko igihe cyose uhamubereye

- Mwereke ko nawe ashoboye: Niba mwasohokanye akakubwira ko yifuza kuba ariwe wishyura uwo munsi, jya umureka yishyure, umwereke ko nawe afite ubushobozi ko kandi umwubaha.

- Kumwitondesha: Niba mwarashakanye, si ngombwa ko buri gihe uko muryamye mukorana imibonano mpuzabitsina. Niba ubona atabishaka cyangwa se wenda atanabyiteguye, mwihorere, umuhe umwanya, umureke agire uruhare rufatika mu kwishimisha no kugushimisha.

- Kwirinda inshuti zawe za kera: si byiza kugarura abakobwa mwigeze gukundana (ex-girlfriends) , si byiza kandi ko uvuga ibyiza bari bafite bamurusha kuko ahita yumva nawe ari umwe mu bakobwa benshi mwakundanye, agatekereza ko urimo kubashyira mu gatebo kamwe; bityo cya yizere yari agufitiye kigatangira kugenda gishira, ndetse utaniyibagije ko byanatuma afuha.

Ibi byose nubikurikiza, azaguhora hafi kandi mubane mu munezero. Kenshi abantu bashobora gutandukana kandi nta n’ikintu gifatika bapfuye, gusa bigaterwa n’uko batabashije kumenyana bihagije.

Uburyo bwo Gutuma Umugabo Aguha Ibyo Wifuza

2011-05-05T06:16:00.000-07:00

Abagore benshi kimwe n’abakobwa ntabwo bazi amagambo bakoresha kugira ngo umugabo agubwe neza maze abakorere ibyo bifuza. Aha hari uburyo butanu wakoresha:

1. Mubwire uti: “ndagukunda mukundwa” cyangwa se umwite akandi kazina kuje rukundo

Si ngombwa ko ukoresha iyi nteruro gusa, ushobora no gushaka akandi keza kamushimisha cyangwa se ugahina izina rye mu buryo buryoshye . Ibi ngo biramushimisha cyane kuko niba utajya ubwira umugabo wawe cyangwa se umuhungu mukundana ko umukunda ngo uba urimo kwishyiriraho inzitizi z’uko atazapfa kukugirira impuhwe no gutuma hajyamo ikintu gisa naho kibatandukanya. Ibi kandi bituma akujya kure mu mutima no mu byiyumvo bizatuma atazagukorera ibyo wifuza.

2 . Niba wakoze ikosa geregeza guca bugufi usabe imbabazi

Bwira umugabo wawe uti ‘mbabarira’ mu gihe wumva umutima wawe ugushinja ikosa kuko atari byiza kwihagararaho kandi wakosheje. Ibi nubikora uzatangira kubona uburakari bugenda bumushiramo bityo nawe uramutse ugize icyo umusaba yahita akiguha vuba na bwangu kuko mu mutima we haba hera.

3. Jya ubwira umugabo wawe ko ari mwiza

Birashoboka ko umugabo wawe atari mwiza ku isura cyangwa se ari na mwiza kandi nawe abizi. Niba atari mwiza ku isura ibyo ari byo byose afite izindi ngingo nziza; jya umubwira uti “nshuti yanjye ufite ibirenge byiza cyangwa se ureba neza” niba koko areba neza. Ibyo bizamushimisha cyane abone ko umubona ukishima.

Niba ari mwiza kandi akaba anabizi si ngombwa ko abandi bazajya bakubwira ko ufite umugabo mwiza cyangwa bakanabimwibwirira nyamara wowe utajya ubyatura ngo ube wabivuga. Mubwire ko ari mwiza bizatuma agubwa neza muri we yumve ko ujya ugira igihe cyo kumumamaho akajisho.

4. Niba mwirirwanye mu rugo mubaze uti “ urifuza kurya iki ngo nkigutunganyirize”

Ibi ngo bigereranwa n’indiririmbo nziza umugabo akunda kumva. Burya ngo abagabo ntibavuna, ibintu bito bito birabanyura , Burya abagabo baba bifuza ko abagore babo cyangwa abakobwa b’inshuti zabo babategurira ifunguro mu gihe birirwanye mu rugo kandi bashonje; niyo mpamvu uzumva abantu bavuga ngo umugabo yumva bitewe n’ikiri mu nda ye. Numara rero kumutunganyiriza ifunguro ukanamugaburira nta kintu uzamusaba ngo akikwime.

5. Jya umubwira ko ariwe mugabo uzi gukunda mubo mwamenyanye bose

Buri mugabo wese ngo akunda kumva ko ari umuntu udasanzwe kandi ko yihariye; niyo mpamvu nawe ugomba kujya umubwira ko ari umuntu udasanzwe mu buzima bwawe. Ibi bizatuma yumva ko ashoboye kandi ko agushimisha; maze ahite agukorera icyo wari waramusabye mu rwego rwo gukomeza kukongerera umunezero.

Uburyo bwo Gusaba Umukunzi Imbabazi Wamukoshereje

2011-05-05T06:11:00.000-07:00

Gukosa si ikintu kidasanzwe, si n’ibintu bitangaje yewe kuko burya nk’uko bivugwa mu Kinyarwanda nta zibana zidakomanya amahembe. Umuhanga Yahya Messi mu gitabo yise ‘Leurs top secrets’ yemeza ko bidashoboka ko umuntu abona uwamubera umuziranenge (parfait) kuko bigoranye cyane kubona umuntu wakubera ‘parfait’ muri ‘imperfection’ [ukutaba umuzirange] nawe ubwawe uba wisanganiwe. Ibi bisobanuye ko mu buzima bwacu bwa buri munsi tugwa mu byaha cyangwa mu makosa kenshi.

Hari amakosa mu rukundo asa n’akomeye cyane ku buryo iyo wacitswe ukayagwamo rwose , rimwe na rimwe ushobora no kubura aho uhera umusaba imbabazi. Ariko se, umuti ni ugatererayo ukamwihorera pe, ntugire icyo wirirwa ubikoraho?

Ushobora kuba wumva ibyo wakoze bikomeye ku buryo bidashoboka ko mwanasubirana, ariko se nibura mwanatandukanye neza mukubaha uburyo mwabanye, ibihe byiza mwagiranye, yewe mutibagiwe n’ibigeragezo mwaciyemo? Nibura se ntimwakwishimira kujya munahura na nyuma y’aho mukanasuhuzanya?!

Dore uburyo bwiza wakwitwaramo mu gihe wakoshereje umukunzi wawe ukaba wifuza kumusaba imbabazi.

- Banza umuhe umwanya wo kubitekerezaho no gusubiza ubwenge ku gihe, kuko kenshi bitewe n’uburemere bw’ikosa wakoreye umukunzi wawe, hari n’igihe atifuza ko mubiganiraho. Urugero: niba umukunzi wawe akwiciye gahunda mwari mufitanye ushobora kubabara, ariko se wageza aho wababara umusanganye n’undi muntu baryamanye badahuje igitsina batanagira yewe n’icyo bapfana? Amakosa aratandandukanye, ni nayo mpamvu n’uburyo ubyitwaramo iyo wakoshereje umukunzi wawe bigomba gutandukana!

- Mwereke rwose ko ubabajwe cyane n’ibyabaye, gusa wirinde kuburana no kwisobanura cyane igihe murimo kubivugaho: Abantu benshi bagwa mu makosa, birasanzwe kandi bibaho pe; Ariko burya iyo uburanye cyane cyangwa ukamwereka ko ari ibintu bisanzwe niko birushaho kumubabaza.

- Niba ubona atarashaka kugutega amatwi no kuguha umwanya ngo umusobanurire, byaba byiza ushatse umuntu uzi asanzwe yisanzuraho kandi agirira icyizere; (ashobora kuba ari umuvandimwe cyangwa inshuti ye magara) umubwire uko byakugendekeye, umusabe ko yamuganiriza, akamugusabira ko yaguha umwanya. Ibi ni ukugira ngo utazamwegera akibabaye agahutiraho akaba yahita anafata imyanzuro atabanje gutekerezaho neza.

- Si byiza ko ukomeza guhatiriza, ushaka kumuvugisha mu gihe atarabikwemerera, bitware gahoro.

- Niba akubabariye, mwemerere kandi ubikuye ku mutima ko iryo kosa utazongera na rimwe kurigwamo; ikindi kandi koko nawe umwereke ko wahindutse kandi ko ukimukunda ndetse kurushaho!

- Rimwe na rimwe rero hari igihe bishoboka ko byanga burundu. Niba ubona byanze burundu akaba akubwira ko adashobora kukubabarira, ntuzakore na rimwe ikosa ryo guhita umureka burundu, ngo uhite umwereka ko ukomeje ubuzima, musabe ko yakubera nibura inshuti isanzwe, umuhamagare, umutumire nta kindi ugamije, umenye amakuru ye, n’aba yageze ku kintu kiza ubyishimire, niba kandi yagize ibyago umutabare, umube hafi, nawe bizatinda abone ko koko umukunda uruzira agahararo nta kabuza azakugarukira.

2011-03-07T01:36:00.000-08:00

Mbese Urukundo Rw'Ukuri Ruracyabaho

2011-03-03T05:21:00.000-08:00

Mbese urukundo rw'ukuri ruracyabaha? Ibyo nsigaye mbona mu nsi y'ijuru biteye ubwoba, abantu turimo turatakaza ubumuntu ku muvuduko mwinshi cyane. Iyo ntekereje ku urukundo bwo nibaza niba urukundo rw'ukuri rukibaho.
Abasore n'abakobwa basigaye bajya gukundana bakabanza bagashyiraho conditions, nubwo atazikubwira mu magambo ariko aba azifite mu mutima. Niyo mpamvu uzasanga abasore beza bitonda batabona abafasha (nta cash baba bafite), n'inkumi zaraguye ku ziko (nta cash cyangwa umuryango ukize). Ibintu byose byabaye business, n'urukundo rwabaye business, abantu basigaye bajya gutangira urukundo bakabanza bagafata ikaramu bakabara inyungu n'igihombo!!
Nyamara kandi bashaka bakurikije irari ryabo bagasanga nabyo nta rukundo rurimo nyuma y'igihe gito bakabona ko bibeshye

Imivugo

2011-01-25T15:25:00.000-08:00

Video Gushyingiranwa kw'Abahuje Ibitsina

2010-08-17T12:37:00.000-07:00

igituba

Imivugo

2009-10-27T14:19:00.001-07:00

Ubukwe bwa Kinyarwanda

2009-10-27T14:16:00.001-07:00

Ubwiru

2009-10-27T14:13:00.000-07:00

Umurage w'Abakurambere

2009-10-27T14:12:00.000-07:00

Ubucurabwenge

2009-10-27T14:11:00.000-07:00

Ibisigo Nyabami

2009-10-27T14:04:00.000-07:00

Umwambaro w'Abakobwa-Byose ku Gukuna

2009-06-04T06:39:00.001-07:00

par Latoute

Ikintu cyose kirimbishijwe kigaragara neza ko gifite ubwiza, niyo mpamvu

umukobwa agomba gutegura ejo hazaza. Ibyo bigaragarira mu isuku iranga aho

aba, uko ari, n’uko ateye.

Isuku mu rugo: Ni ngombwa ko tugira amagara mazima niba dushaka ubuzima

burambye: ibyo ni ihame. Ingo nyinshi zisenyuka kubera ko n’umugore aba

yagaragaje intege nke mu kugira isuku. Iyo byatangiye gucumbagira hirya iyo

mu cyumba, akenshi umugore acika intege n’ibyo yakoraga ugasanga atangiye

kubiha agaciro gacye cyangwa se ka ntako. Ibijyanye n’iki gice bidatinzweho,

umukobwa cyangwa umugore azi inshingano ze kugira ngo urugo rwe rugere

ahashimisha buri wese kuburyo bw’intangarugero.

Isuku ku mubiri: umubiri w’umuntu ukenera isuku ya ngombwa kugirango

biwufashe byaba kuwambika, gukaraba, kwiyuhagira, n’ibindi. Mu gihe cyo

gukaraba ni ngombwa kwita no gutinda cyane ahashobora kubangamira abandi mu

gihe hatasukuwe neza: amenyo, mu maha, igitsina….

Isuku y’igitsina: iyi suku irakenewe kuko ni intangiriro yo kugira umunezero

mu gihe cy’imibonano mpuzabitsina, ntacyo byaba bimaze urya neza, ukaryama

aheza, ukambara ukaberwa ariko watambuka ukagira ngo haboreye imbeba! Hari

amasabune yifashishwa ushobora no kubaza farmacien, atangiza mu gitsina, mu

gihe ukaraba rero ni ngombwa kuhatinda ukahasukura kugirango wikorere isuku

kandi witegure na we ubwawe mu kwakira imibonano mpuzabitsina (ku

bashakanye), kuko umurimo uhakorerwa ni ingenzi mu kubaka ingo zigakomera,

ntabwo ugomba gupfobywa cyangwa ngo usuzugurwe !

Gukuna: Ni umuhango wa gikobwa ugamije kumutegura kuba umugore ubereye umugabo,

hari n’ababishyira mu rwenya ngo :”nyiranaka yaryoshya inzoga”, utangira

umukobwa ari umwangavu w’imyaka 13-18 kuko umubiri uba utarakomera atarajya

mu mihango ya gikobwa. Ariko! Uko amajyambere yihutana n’imirire myiza usanga

hari abana bajya mu mihango bafite imyaka 9-10, byaba byiza ba nyina wabo na

ba nyirasenge, bakuru babo ndetse na (ba nyina); mvuze ndetse naba nyina kuko

imiryango myinshi usanga ba nyina b’abakobwa batinya kubibaganiriza ,

bagahitamo kubateza abo bavuzwe hejuru, ubwo uwo bishobokeye nyine na nyina

yabimuganiriza!

Mu gihe cyo ha mbere uwo muhango wakundaga kubera mu gasozi nko mu gashyamba

abakobwa bitwaje kujya guca imyeyo” nkeka ko ari naho havuye iyo mvugo”, ko

uwakunnye byitwa ko yaciye imyeyo, bakitwaza kujya guca ubwatsi, gutashya

inkwi, kujya mu rubohero, n’ibindi….

Amajyambere arihuta cyane ku buryo bitakiri ngombwa kwikora muri équipe ngo

mugiye guca imyeyo; na cyane ko hateye iya ruzungu, ngo ugiye gutashya, kandi

mukoresha cuisinnière, upfa kuba ufite ibikunisho byawe, wanabikorera mu rugo

mu cyumba uraramo cyangwa n’ahandi uba warateguriye icyo gikorwa.

Ni umuhango ugomba kubahwa ukanubahirizwa; si byiza ko buri wese amenya icyo

uhugiyeho, icya ngombwa ni uko uba witegurira ibyishimo n’umunezero birambye.

Ibikunisho:

* intobo z’ibitoborwa
* amavuta y’inka (niyo yaba adakuze)
* akatsi bita gutwi kumwe
* agati bita umukonora (utubabi twako),…..

SOMA INKURU YOSE HANO

Privacy Policy

2009-04-18T10:48:00.000-07:00

We umuco-nyarwanda.blogspot.com take your privacy seriously. This privacy policy describes what personal information we collect and how we use it.

Routine Information Collection

All web servers track basic information about their visitors. This information includes, but is not limited to, IP addresses, browser details, timestamps and referring pages. None of this information can personally identify specific visitors to this site. The information is tracked for routine administration and maintenance purposes, and lets me know what pages and information are useful and helpful to visitors.

Cookies and Web Beacons

Where necessary, this site uses cookies to store information about a visitor's preferences and history in order to better serve the visitor and/or present the visitor with customized content.

Advertising partners and other third parties may also use cookies, scripts and/or web beacons to track visitors to our site in order to display advertisements and other useful information. Such tracking is done directly by the third parties through their own servers and is subject to their own privacy policies.

Controlling Your Privacy

Note that you can change your browser settings to disable cookies if you have privacy concerns. Disabling cookies for all sites is not recommended as it may interfere with your use of some sites. The best option is to disable or enable cookies on a per-site basis. Consult your browser documentation for instructions on how to block cookies and other tracking mechanisms.

Special Note About Google Advertising

Any advertisements served by Google, Inc., and affiliated companies may be controlled using cookies. These cookies allow Google to display ads based on your visits to this site and other sites that use Google advertising services. Learn how to opt out of Google's cookie usage. As mentioned above, any tracking done by Google through cookies and other mechanisms is subject to Google's own privacy policies.

About Google advertising: What is the DoubleClick DART cookie? The DoubleClick DART cookie is used by Google in the ads served on publisher websites displaying AdSense for content ads. When users visit an AdSense publisher’s website and either view or click on an ad, a cookie may be dropped on that end user’s browser. The data gathered from these cookies will be used to help AdSense publishers better serve and manage the ads on their site(s) and across the web. Users may opt out of the use of the DART cookie by visiting the Google ad and content network privacy policy.

Some third-party advertisers used by Google may use a different cookie. You may opt out of most third-party advertising cookies by following this link and visiting the Network Advertising Initiative opt-out page, or by visiting this Consumers page to opt out of all advertising cookies.

Contact Information

Concerns or questions about this privacy policy can be directed to us via our comment form on any post for further clarification.

UMWARI UTAGIRA INENGE

2009-03-14T10:45:00.001-07:00

UMWARI UTAGIRA INENGE

Umuvugo wagenewe abakobwa b'u

Rwanda

Ndate umwari utagira inenge
Reka murate utagira uko asa
Nsange zuba ryo ku museso
Ngende nsure museke weya.

Naramubonye Nyiramukesha
Inyenyeri nziza yo mu gitondo
Iburira ijoro kudatinda
Igaha ikaze umunsi mwiza.

Ka muririmbire nyakuratwa
Reba umusatsi ni umusana
Reba amaso ni inyenyeri
Kandi amabere ni amahembe.

Reke murate uwo Nyampinga
Atuye atatse amasaro hose
Afite ubwiza bumena amaso
Acanira ijoro nk’ukwezi

Reka murate uwo Ikibasumba
Sugi nziza itatse isura
Si ku mubyimba gusa murata
No muri roho ni umuringa

Mutima utuje utemba ineza
Reka ngusange ntambe ineza
Dore ugusanze ntasuherwa
Inseko yawe ni umuseso

Ngwino ngwino rurabo-roza
Ukwize hose umubavu wawe
Ni wowe bwiza bw’ubusitani
Inzuki zose ziragusannga

Umwari mwiza yanga umwanda
Agahora yitwa Muhorakeye
N’umubonye ati”isuku igira isoko”
Ni ko karande k’abamubyara.

Ni wowe ubitse umuco nyarwanda
Ko umwari mwiza umugayo awanga
Agahora yicaye mu ruhimbi
Ahimbawe atereka ibisabo.

Umwari mwiza ntasamara
Atega yombi abamubyaye
Agatura atuje bitamugoye
Akazarenga urwa Bayanga.

Hari abagukunda uko wariboye
Ntibakubanire uko bikwiye
Ntibature isura yawe
Ntubasureho nagatoya.

Naramubonye uwo basuye
Yarasanzwe atemba itoto
None asigaye atemba itutu
Hano mu rwobo rwa Bayanga.

Maze ababyeyi b’uwo mwari
Ikibunda cyinshi kirabasanga
Ijuru ryose rirabagwira
Bavuma rwose inda yamubyaye.

Niba werekeje iy’inyanja
Ntutetereze musare
Murobe menshi kandi meza
Maze ababyeyi babahe impundu.

Heka heka shema ry’u Rwanda
Shyira imugongo ga urabikwiye
Ni ubyara Rwanda rwejo
Maze tukwite Rugorirwera.

Kuva mu bwangavu ntiwazuyaje
Gutega yombi abakubyaye
Ni na yo mpamvu mu gihe nk’iki
Tukubonyemo umuteguro.

BANGAMBIKI,15/02/2001

Umugore n'Icupa

2009-01-10T05:21:00.000-08:00

Ushobora kunywa inzoga ukwezi kose

Nta kindi utanga ngo ubone inzoga usibye kuyigura(umugore ubanza kumugurira inzoga)

Icupa riba rigutegereza aho warisize ukarihasanga

Icupa ntirigira ishyari iyo uguze irindi

Izina ry'inzoga urishishuraho ntiryange

Urasinda ugasinduka

Ushobora gusangira icupa n'undi muntu

Ushobora kumenya niba uri uwa mbere usomye kuri iryo cupa

Icupa rihora ritose

Icupa ntirisaba uburinganire

Ushobora gufata icupa ku mugaragaro

Icupa rikonje ni ryo rigera ku nyota naho umugore ushyushye niwe ugera ku nyota

Uko Abagore Batekereza

2009-01-01T05:04:00.000-08:00

Uko Abagore Batekereza

NTA KIBAZO:Iri ni ijambo abagore bakunze gukoresha iyo bashaka kurangiza intonganya bazi ko ari bo bafite ukuri ariko bakaba bashaka ko birangira.

IMINOTA ITANU=Bisobanura iminota 30

NTACYO= Ibi bivuga ko "gihari". Iyo umugore umubajije uti "uratekereza iki" ati "ntacyo" burya aba akwibazaho byinshi ashaka kugucurika no kugucurukura, ashaka kukubaza impigi n'akayiziritseho.

BIKORE NIBA UBISHAKA= Ariko umenye ko bizakugaruka kandi ntuzavuge ngo sinakubwiye

URAKOZE CYANE= Urakoze kumpemukira, ninkwishyura ntuzarire.

Uburyo bwo Kubenga Umukobwa mu Kinyabupfura

2008-12-30T04:54:00.001-08:00

1.Ndatekereza ko uri nka mushiki wanjye( igisobanuro-ntunshimishije)

2.Ndacyari umwana(igisobanuro-urangana na mama)

3.Singukunda muri ubwo buryo(igisobanuro-uri igikobwa kibi-kitagira agasura, nagira isoni turi kumwe)

4.Nta gahunda ndafata(igisobanuro-mfite inshuti nyinshi z'abakobwa)

5.Mfite indi nshuti y'umukobwa(igisobanuro-byaruta kwibana nakenera umukobwa nkikinisha aho kugira ngo umbere inshuti)

6.Sinjya nganira n'abakobwa aho nkorera/niga(igisobanuro-singushaka)

7.Amakosa si ayawe ni ayanjye(igisobanuro-amakosa ni ayawe)

8.Ndacyakomeye ku kazi kanjye/amashuri yanjye(igisobanuro-nubwo ibindi ndimo bitanshimishije, birakuruta)

9. Ntabwo nzashaka(igisobanuro-ntabwo nashakana n'umukobwa nkawe)

10.Tube inshuti gusa(igisobanuro-niba witeguye kujya ku murongo wa nyuma!)

Uburyo bwo Kubenga Umukobwa mu Kinyabupfura

2008-12-30T04:54:00.000-08:00

Uburyo 10 Bwo Kubenga Umusore Mu Kinyabupfura

2008-12-26T04:59:00.001-08:00

Uburyo 10 Bwo Kubenga Umusore Mu Kinyabupfura

1.Ndatekereza ko uri nka musaza wanjye( igisobanuro-ntunshimishije)

2.Ndacyari umwana(igisobanuro-urangana na data)

3.Singukunda muri ubwo buryo(igisobanuro-uri igihungu kibi-kitagira agasura, nagira isoni turi kumwe)

4.Nta gahunda ndafata(igisobanuro-mfite inshuti nyinshi z'abahungu)

5.Mfite indi nshuti y'umuhungu(igisobanuro-byaruta kwibana nakenera umusore nkikinisha aho kugira ngo umbere inshuti)

6.Sinjya nganira n'abahungu aho nkorera/niga(igisobanuro-singushaka)

7.Amakosa si ayawe ni ayanjye(igisobanuro-amakosa ni ayawe)

8.Ndacyakomeye ku kazi kanjye/amashuri yanjye(igisobanuro-nubwo ibindi ndimo bitanshimishije, birakuruta)

9. Ntabwo nzashaka(igisobanuro-ntabwo nashakana n'umusore nkawe)

10.Tube inshuti gusa(igisobanuro-niba witeguye kujya ku murongo wa nyuma!)

Uburyo 10 Bwo Kubenga Umusore Mu Kinyabupfura

2008-12-26T04:59:00.000-08:00

Sobanukirwa n'Imvugo y'Abagabo

2008-12-20T04:48:00.001-08:00

Sobanukirwa n'Imvugo y'Abagabo

ndashonje=ndashonje
ndumva nshaka kuryama=ndashaka kuryama
ndarushye=ndarushye
mbese urashaka ko tujya muri cinema?=ariko ukaza kumpa
mbese dusohokane tujye gutembera?=urampera yo
mbese nshobora kujya nguhamagara?=ndifuza ko wazampa
wambaye neza=icyampa ukampa
urasa n'ufite ibibazo=iri joro ahari ntumpa
ndumva naniwe=nta bushake bwo guswera iri joro
ndagukunda=mpa igituba nonaha
wakoze umusatsi wawe neza=uko umusatsi wawe wari umeze mbere ni byo byari byiza
tuganire=ndi umuntu wiyubashye washobora guhuza igitsina na we
mbese urumva tuzashakana?=nta wundi ugomba kujya uha usibye jye
(mu iduka)njye mpisemo kiriya=gura ibyo ubonye dutahe urimo kunkereza

Ndagukunda mu Ndimi Zinyuranye

2008-12-15T04:45:00.001-08:00

Afrikaans - Ek is lief vir jou

Albanian - te dua

Arabic - Ana Ahebak / Ana Bahibak

Armenian - yes kez shat em siroom

Assyr- Az tha hijthmekem

Alentejano(Portugal) - Gosto De Ti, Porra!

Bahasa Malayu - (Malaysia) Saya cinta mu

Basque - Maite Zaitut

Bengali - Ami Tomake Bahlobashi

Bavarian - I mog di

Bisaya - Nahigugma ko nimo

Bosnian - Ja te volim (formally) or volim-te

Bulgarian - Obicham te

Bulgarian - Obicham te

Burmese- chit pa de

Cantonese - Ngo Oi Nei

Chinese - gnoy oy na
Goi Oi Lei (Hongkong)
Wa Ai Li (Taiwan)

Cambodian - Bon sro lanh oon

Catalan - T'estim (mallorcan)

Croatian - LJUBim te

Czech - miluji te

Danish- Jeg elsker dig

Dutch - Ik hou van jou

English - I love you

Esperanto - Mi amas vim

Estonian - Ma armastan sind / Mina armastan sind (formal)

Farsi - Tora dust midaram

Filipino - Mahal ka ta

Finnish - Minä rakastan sinua

French - Je t'aime

Gaelic - Tá mé i ngrá leat

German - Ich liebe Dich

Greek - S'agapw

Greenlandic - Asavakit

Gujrati - Hoon tane pyar karoochhoon

Hawaiian - Aloha wau ia 'oe

Hebrew - Ani ohevet ota

Hindi - Main tumsey pyaar karta hoon / Maine Pyar Kiya

Hmong - Kuv Hlub Koj

Hungarian - Szeretlek

Hokkien - Wa ai lu

Hopi - Nu' umi unangwa'ta

Icelandic - Eg elska thig

Indonesian - Saya cinta padamu

Italian - ti amo

Indian - Mai tumase pyar karata hun (male to female) Mai tumase pyar karati hun (female to male)

Irish - taim i' ngra leat

Japanese - Aishiteru

Javanese - Kulo tresno marang panjenengan (formal)
aku terno kowe (informal)

Kapangpangan - Kaluguran daka.

Kinyarwanda- Ndagukunda

Kirundi-Ndagukunda

Korean - SA LANG HAE / Na No Sa Lan Hei

Kurdish - Khoshtm Auyt

Laos - Chanrackkun

Latin - Ego te amo

Latvian - Es mîlu Tevi

Lithuanian - As Myliu Tave

Lebanese - Bahibak

Lingala - Nalingi yo

Lojban - mi do prami

Luo - Aheri

Macedonian - Te sakam

Mandarin - Wo Ai Ni

Malteese - Inhobbok hafna

Malay - Saya cintakan mu / Saya cinta mu

Norwegian - Jeg elsker deg

Persian - Tora Doost Darem

Pig Latin - I-yea Ove-lea Ou-yea

Polish - Kocham Cie

Portuguese - Eu te amo (Brazilian)
Eu amo-te (continental)

Punjabi - me tumse pyar ker ta hu'

Romanian - Te iubesc

Russian - Ya tebya liubliu

Serbo-Croatian - Volim te

Xangana- Nakurandza

Sign language -
__ ( )
( ) |__|
|__| __ __| |
| |( )( )|__| __
|__||__||__|| | / )
| (__)(__) | / /
| |/ /
| / /
\ /

Slovenian - ljubim te

Swedish - Jag älskar dig

Swiss German - Ch-ha di gärn

Spanish - Te quiero / te amo / yo amor tu

Swahili - Nakupenda

Tagalog - Mahal Kita / Iniibig kita

Tamil - Naan Unnai Khadalikkeren

Telugu - Nenu Ninnu Premisthunnanu

Thai - Khao Raak Thoe / chun raak ter

Turkish - seni seviyorum

Ukranian - Yalleh blutebeh / ya tebe kohayu

Urdu - Mea tum se pyaar karta hu ( when a guy says it)
Mea tum se pyar karti hu (when a gal says it)

Vietnamese - Toi yeu em

Vulcan - Wani ra yana ro aisha

Yugoslavian - Ya te volim

Zazi - Ezhele hezdege

Zulu - Mena Tanda Wen

UTURANGO TW'UBWIZA TW'UMUGORE

2008-12-08T00:18:00.001-08:00

UTURANGO TW'UBWIZA TW'UMUGORE
par Bangambiki

Biragoye gusobanura ubwiza. Kuko biterwa n'amaso n'umutima by'ureba. Uwo ubona ko ari mwiza nshobora kubona atanshimishije ariko muri rusange icyiza kiba kigaragara kandi abantu benshi bakacyumvikanaho ko ari cyiza. Ubwiza bukunze kuvugwa ku bagore cyane kuko ari zo mbaraga zabo.

IJWI:

"Imvugo ye ni umurebe w’impundu"-Rugamba

"Ni impundu z’umurangi
Zikiranya n’insengo
Zasobetse n’urugunda."-Rugamba

Ijwi ni akarango k'ubwiza k'umugore. Umugore ufite akajwi keza k'abagore gasobanutse kamwongerera gukundwa kurusha ufite ijwi nk'iry'abagabo.

AMABERE

"Naho igituza cy’umutabonda
Kirimo urwogere rw’imitari."-Rugamba

"Kandi amabere ni amahembe"-bangambiki

Ibice by'umubiri w'umugore byo konsa umwana bikaba n' akarango k'ubwiza.

IJOSI

"Naho ubwo rya josi ry' umutarati,
Uko yariteretse ngo andangamire,
Agasa na ya nkuba ya Rusine
Ikoreye ishaka kuvuna sambwe."-Rugamba

UMUSATSI:

-"Reba umusatsi ni umusana"- Bangambiki

"Umusatsi uyumbuje nk' umusereko
Uva mu ruhanga uhunda ibitugu"-Rugamba

"Umusatsi wose ni umusana,
Ni urugege ruzira ingingo
Ni urugeregere rw’uburanga,
Ni igisingizo cy’umudasumbwa."-Rugamba

Umusatsi mwinshi muremure ni ishema ry'abagore n'abakobwa. Naho umusatsi mubi w'injwiri ni igisebo gikomeye.

AMARIBORI:

"Inyange yariboye umusubizo
Mu rukenyero imbibi ziraka
Kandi ingondo zimugonyeye ho
Zamurangije mu ngingo"

Ni utuntu tumeze nk'ubusharure dukunze kuboneka mu ntege, ku nda,ibibero by'umukobwa cyangwa umugore. Ni akarango k'ubwiza,abagore barabikunda n'abagabo bakabishima.

INTEGE

Ni akarango k'ubwiza k'umugore. Abagore benshi bakunze kuzerekana. Kandi abafite intege nziza barabigendera. Mu ntege banahita "mu bikari"

UMUKONDO

Inkovu y'aho umwana aba afataniye na nyina akiri mu nda. Iyo hatakebwe neza inkovu ntimera neza ahubwo haza iromba.

Gukora ku mukondo:Guhuza igitsina
Urugero:Ndifuza kugukora ku mukondo.
Umukondo ni akarango k'ubwiza bw'abagore. Abagore cyangwa abakobwa biyubashye bakunze guhisha umukondo wabo mu gihe abakunda kurata ubwiza bwabo bawushyira ahagaragara. Mu guhuza igitsina umukondo ufite akamaro cyane kuko ari ipfundo ry'imyakura ngengagitsina. Gukorakora umugore ku mukondo bituma yumva uburyohe bwinshi.

AMASO

"Reba amaso ni inyenyeri"-Bangambiki

"Nsanga amaso ateretse inkesha,
Akina ibinyonga by' urunyenyeri."-Rugamba

"Amaso ni urubera rw’inkesha,
Kandi yuzuyemo ibinyonga
Akarusha ay’inyana urunyenyeri."-Rugamba

Gutereka Amaso:uburyo abakobwa n'abagore barebamo bareshya abagabo.

URUHANGA

"Agira uruhanga rw’uruhebuza,
Nturuhanga ngo urushye uhumbya
N’iyo uhungiwe n’amahindu
Ahubwo uremera akaguhonda."-Rugamba

INGOHE

"Ingohe ze ni irangamutuzo,
Ni uruterero rw’abatoya."-Rugamba

IZURU

"Izuru ni imbuga y’urutonde,"-Rugamba

AMATAMA

"Amatama yose itoto riragwa."-Rugamba

IMISAYA

"Naho urusizi rw’umususuruko
Rusesuye imisaya yose."-Rugamba

AMENYO

"Amenyo ni inono izira inenge
Ni amasimbi y’urubugurizo"-Rugamba

INDORO

"Indoro ye ni uruhogozambyeyi,"-Rugamba

INGENDO

"Ingendo ni urugororangingo,"-Rugamba

INDESHYO

"Indeshyo ni ijuru ry’umurere,"-Rugamba

UMUBIRI

"Umubiri wose ni ndebunyurwe."-Rugamba

AMABOKO

"Amaboko yose ni imibanga
Agira ibizigira by’ubukombe,"-Rugamba

URUTOKI

"Urutoki rwose ni urutunda"-Rugamba

IMBAVU

"Imbavu ze ni imbandagihumbi,
Ni imitende itatse indinda."-Rugamba

INDA

"Mu nda ni urutembanshyushyu
Ni umurere warezwe n’inka
Hose yitwa umwogabyano."-Rugamba

INSEKO

"Inseko ikeye umusanganya
Ubonye ukwezi kubanduye."-Rugamba

"Inseko yawe ni umuseso"-Rugamba

IZINDI NKURU

Igituba,Umugore n'Ubwiza

Mbese Inzobe nibwo bwiza?

rugamba,inseko,ukwezi,amenyo,ubwiza,umugore,umukobwa,amaso,umukondo,intege,umusatsi,amabere

Umuntu Yamenya Ate Ko Umukobwa Amukunda

2008-12-08T00:16:00.001-08:00

Umuntu Yamenya Ate Ko Umukobwa Amukunda

Iki kibazo twakibajijwe n'umusomyi kuri blog Igituba witwa Sangwa. Tutagiye kure rero burya ijisho rigutuka inkumi cyangwa inkuba nturiyoberwa!. Kugira ngo umenye ko umukobwa agukunda hari ibimenyetso akora byerekana ko agukunda

-akubaha uko uri:arashima,agushima uko akubona.Ushobora kuba hari aho ufite intege nke ariko akagukunda abizi

-ntagusaba ibyo udafite: bisigaye byarateye ko abakobwa bamara gukundana n'abahungu bagatangira kubagerekaho imtwaro. Umukobwa ugukunda ubona ntacyo agutegerejeho usibye urukundo umukunda

-ntagira ishyari: umukobwa ugukunda urukundo rw'ukuri ntaguterera induru ngo akubuze amahoro ngo uganira n'abandi bakobwa, ubona akwizeye kandi yiteguye kuguha uburenganzira bwawe.

-igitangaje ni uko umukobwa ugukunda ashobora kukwemerera mugakora byose b'urukundo ariko agatinya ko mwahuza igitsina( aba yanga ko urukundo rwanyu rwakwicwa no gupfundura agaseke hakiri kare harimo nuko ushobora kumutera inda mukiri bato urukundo n'imibereho bikangirika.)

Urukundo gusa ni amayobera byose bisaba gushishoza umusore n'inkumi bakirinda guhubuka, turabizi ko amaraso aba ashyushye kandi urubyiruko rumeze nk'impumyi ku bibazo birwugarije.

Isomo ry'Urukundo

2008-12-07T04:36:00.001-08:00

Nuramuka ukundanye n'umuntu ukavumbura ko nta rukundo agufitiye, uzihangane mu mutima wawe. Nta kibazo ufite si nawe uba utumye atagukunda, nuko urukundo ruba rutarahisemo gutura mu mutima we.

Nuramuka ubonye kanaka agukunze cyane, ariko ukumva nta rukundo umufitiye uzashimishwe nuko wubashywe n'urukundo rwaje rukomanga ku muryango wawe ariko ukananirwa kurwitaba. Ntuzafate nk'ikigoryi uwo ushatse kukwereka urukundo, kandi ntukamubabaze.

Uburyo ubanamo n'urukundo ni nk'uburyo wibanamo ubwawe, kandi imitima yacu buyra igira imibabaro n'ibiyishimo bingana nubwo twese dutandukanye.

Nuramuka ukundanye n'umuntu na we akagukunda, noneho umunsi umwe urukundo muri umwe rugahitamo kwigendera, uzarureke rugende, kandi ntuzagira uwo ugerekaho icyaha. Ubwo haba hari impamvu biba bibaye. Uko iminsi izagenda ishira uzabimenya.

Ugomba kumenya ko udahitamo urukundo ahubwo ari urukundo ruguhitamo. Ugomba gusa kurwemera nk'amayobera mu buzima bwawe. Nubona rwagusabye, ujye ugabanyiriza ho abandi.

Kandi jya urwishyura uwaruguhaye.

Jya ukwiza urukundo ku abataruzi, ndetse urukwize isi yose.

Hari aho abakunzi bibeshya. Iyo hashize igihe kinini nta rukundo biyumvamo, batekereza ko bakeneye urukundo. Babona imitima yabo nk'ibyibo birimo ubusa bitegereje kuzuzwa n'urukundo, bagatangira gutekereza urukundo nk'ikintu kiza kibasanga kuruta ikintu gishobora kubavamo bagiha abandi.

Urukundo rushya ruba rushyushye kandi rusabagira ku buryo rugera ku bandi, iyo rumaze guhora umuntu atagishaka ku rutanga yifuza ko barumuha. Barekeraho kuba abatanga urukundo bakaba abarukeneye. Urukundo, uko urutanga niko rukuzuramo, uko urwimana niko rugushiramo.

Urukundo ni impano, rushobora gukura gusa iyo rutanzwe.

Ibuka ibi buri gihe. Urukundo rugira ibihe byarwo, rukagira impamvu zarwo zo kwinjira n'impamvu zo gusohoka. Ntabwo waruha ruswa ngo rwinjire, ntiwanarugurira ngo ntirugucike, ntiwanarubwira amagambo y'ubwenge ngo ruyasobanukirwe.

Ushobora gusa kwakira urukundo igihe rwinjiye kandi ukarusangira n'abandi ariko iyo ruhisemo kugusohoka mu mutima cyangwa mutima w'umukunzi wawe ntaco ushobora gukora nta n'icyo ugomba gukora.

Urukundo rwahoze kandi ruzahora ari amayobera. Ishime rero niba rwarahisemo gutura mu mutima wawe nubwo kaba ari akanya gato mu buzima bwawe.

UMUGORE GITO-URAKOZE NGAHO MBISA

2008-12-07T01:44:00.000-08:00

URAKOZE NGAHO MBISA
par Bangambiki

Mu bihugu byinshi cyane cyane mu rwego rw'abantu bafite amafaranga, abagore bageze kubuce abgabo. Babona cash imaze kugwira umugabo yungikanya inshoreke hejuru y'izindi, umugore agasezerera umugabo ati "nuko warakoze ngaho igendere ntitwakwanga". Akamwohereza ikuzimu Nyamuzinda. Nguko uko uzabona abadamu batagira aabagabo bavugurura za Mercedes z'ibikoko mu mavenues ya za capital nka Nairobi,Lagos,Kigali n'ahandi Mugabo rero nubona cash imaze kugwira ntuzazamure amabya ngo uhemukire mutima w'urugo utazatuma na we satani imwinjira akakuganbanira. Agapfa kaburiwe ni impongo

UMWANA MU MURYANGO

2008-12-07T01:40:00.000-08:00

UMWANA MU MURYANGO
par Bangambiki

Umuryango twawugereranya nk'igiti. Umwana rero mu muryango twamugereranya n'urubuto. Imbuto nziza zera ku biti byiza. Abana beza bakavuka mu miryango myiza. Igiti giteye ahantu habi, kitafumbiwe, ngo giterwe imiti, ntikigire amazi ahagije, kigira imbuto mbi cyangwa zaboze cyangwa zidafite akamaro. No ku bana mu muryango ni uko. Nta kuntu urugo rw'amahane,rw'amatiku, rw'abasinzi rushobora kubyirura abana beza. Ngira ngo twese tuzi uko abana b'ibinyendaro bakunze kwitwara, abana bakuze ari bonyine kuko se na nyina batandukanye bakiri bato n'ibindi. Niba wifuza kugira abana bazaguhesha ishema ubaka umuryango uzaguhesha ishema.

Kurera umwana

1.Ntugatinye guhana umwana.

Umwana si uguterera iyo. Igiti kigororwa kikiri gito. Aha ababyeyi benshi babyumva nabi, bakumva ko guhana ari ugukubitira kwica. Hari ababyeyi bahanana umujinya utabaho. Akenshi bumujinya mwinshi uterwa n'umubyeyi kumva ari umunyantege nke k'umugabo we cyangwa umugore we noneho agashaka kumarira umujinya mu mwana.Hari abana nzi bakubiswe baravunwa, abandi bagendana inkovu. Hari abazirika abana ku nkingi bakabakorera ibya mfura mbi, hari abarazwa hanze cyangwa bakimwa amafunguro iminsi. Guhana si uko. Guhana ni urukundo. Uhana umwana kuko umukunda. Akanyafu karinganiye, urushyi ku itama biherekejwe no gusobanura impamvu umwana ahanwe birahagije. Guhana umwana ukarenza urugero bituma umwana yibagirwa amakosa ye agasigara yibuka uburyo uwamuhannye ari umugome. Umwana wahanwe birenze urugero arahahamuka kandi ntazabyibagirwe mu buzima bwe. "Ndibuka data kera nkiri umwana yatashye yasinze antera umugeri nk'uwutera umupira ngenda nibarangura ngwa nk'iriya mu rutoki. N'uyu munsi sindabyibagirwa kandi mfite imyaka 36. Hari byinshi byiza yankoreye ariko icyo kibi sindakibagirwa."Umugabo umwe ni ko yabwiye blog Igituba

2.Ntukabeshye umwana.

Ababyeyi benshi babeshya abana. Hari ubwo umubyeyi abwira umwana ati"Dore ngiye kuba nirambarariye ku buriri ni hagira uza anshaka umubwire ko ntahari" hagira ukomanga umwana ati "bambwiye ko badahari." Ubundi umwana akakubaza aho abana baturuka uti "ni mu mukondo!" Yakora ku kaboro ke uti"sigaho wakigoryi we." Ibi byose bituma umwana afata umuco w'ikinyoma hakiri kare maze nawe akiga kukubeshya. Yakubita murumuna we wamubaza ati "Arambeshyera" kandi azi neza ibyo yakoze.

3.Igisha abana gukunda imyuga.

Bucya bwitwa ejo. Uyu munsi ushobora kuba ushoboye gutunga urugo rwawe ariko ntawe umenya aho bwira ageze. Igisha umwana wawe uturimo akiri muto kugira ngo umunsi yageze mu bikomeye udahari azirwaneho. Hari abakobwa b'inkumi baba mu miryango myiza batazi guteka kuko bafite ababoyi. Ni iyihe garanti se bafite ko umugabo wabo azagira umuboyi?

4.Menya ibyo umwana wawe abamo.

Kurikirana uko yiga. Menya niba akora imyitozo bamuhaye. Musobanurire ibyo atumva niba ubishoboye niba utabishoboye ushake ubishboye. Menya imikino akina n'abo bayikinana. menya abo akunda gukina na bo ni uko yitwara. Bizagufasha kumenya ibigenda n'ibitagenda neza hakiri kare.

5.Umutekano w'abana.

Abana bakunze guhura n'impanuka nyinshi mu rugo bitewe n'uburangare bw'ababyeyi. Hari umwana nzi wakuyemo undi ijisho n'umushyo! Shyira kure y'abana imiti n'ibindi bishobora kubagirira nabi babikozeho. Shyira kure ibinini,imishyo n'imihoro,ibibiriti,ntugacanire imbabura mu nzu ngo ukingeho cyangwa ngo wibagirwe kuyizimya, ntugacanire agatara hafi y'amarido,n'ibindi.

UMUGORE MU MURYANGO

2008-12-07T01:39:00.000-08:00

UMUGORE MU MURYANGO
par Bangambiki

Umuryango ni nk'igiti. Igiti kigizwe n'imizi itagaragara, igihimba amashami ndetse n'ibibabi. Imizi ni yo igaburira igiti noneho igiti kigakunda kikera imbuto.

Umugore mu muryango ameze nk'igihimba,amashami n'ibibabi. Umugore akenshi ni we ukunze kugaragara mu rugo, ni we umenya ibintu byinshi byo mu rugo, abwirwa byinshi akumva byinshi byerekeranye n'urugo rwe. Nk'uko imizi y'igiti ariyo ikigaburira ni nako umugabo ari we mizi y'urugo. Akenshi usanga umugabo atirirwa mu rugo yasohotse yagiye ku kazi kaba aka leta, gucuruza, n'ibindi. Iyo rero urugo ruhahirwa neza usanga umugore atoshye ameze neza. Abantu bakavuga bati "umugore wa kanaka ni igitego"Ni uko uwo mugore aba afite imizi myiza imutunga. Mu kinyarwanda bavuga "gutunga umugore".

Umugore rero

1.Arera abana
2.Yakira kandi akabyaza umusaruro umutungo w'umugabo
3.Agomba kumenya kubaha umugabo
4.Agomba kumenya ko ari Cyuzuzo
5.Kugira umugabo inama mu byemezo afata by'umuryango
6.Ntagomba guhimana n'umugabo-umugore agomba gucisha make akirinda guhimana n'umugabo kuko bisenya. Hari abagore usanga bavuga bati "ubwo anywa nanjye ni ukunywa, ubwo asambana nanjye ni ugusambana." Byakabaye byiza utiganye ingeso mbi z'umugabo ahubwo mu bugwaneza bwawe ukagerageza kumukosora.
7.Umugore agomba gutuma urugo rugendwa. Umugore mwiza ni nk'igicucu cy'igiti. Abagenzi baramusanga bakugama izuba akabazimanira agatuma uwo muryango ukundwa. Ariko habaho n'abagore gica barya abagendereye urugo bakarucamo inshuti abantu bakavuma uwo muryango.
8.Akazi k'umugore ni ukurera umugabo. Ntabwo ubundi umugore aba yaraje kurera abana. Kuko iyo umugore asanze umugabo asanga nta bana bafite, aba agomba kumurera rero akamuvanamo umugabo umukwiriye. Bijya bitangaza rero iyo umugore azamuye urwitwazo ngo impamvu adafura imyenda y'umugabo ni uko aba yabanje gufura iy'abana. Hari n'abanga guhindukira ngo barimo baronsa. Mu by'ukuri ibyo bigaragaza ko umugore aba atazi icyamuzanye.

UMUGABO MU MURYANGO

2008-12-07T01:38:00.001-08:00

UMUGABO MU MURYANGO
par Bangambiki

Umugabo ni imyugariro. Ni ingabo ikingira urugo. Umugabo ni umutwe w'urugo. Umugabo ni nyiri umutwe munini nta mijugujugu imurenga. Ibibazo byose bibaye mu rugo biza bimureba yewe nibatamureba bwite. Iyo umwana abaye ikirara izina rye rivugwamo, iyo umugore ananiranye izina rye rivugwamo, iyo ubukene buje, inzara iteye bamushyira mu majwi! Iyo bigenze arashimwa kabone n'ubwo umugisha waba ukomotse ku mugore cyangwa ku mwana. Umugabo ni imizi ivomera urugo. Iyo bimugendekeye neza urugo ruratoha, byamunanira rukuma. Umugabo yirirwa ashushanya uko urugo ruzaba rumeze ejo.Kubera guhangayika kw'abagabo bareba icyatunga urugo, ubushakashatsi bwasanze ku isi yose abagabo aribo basaza mbere y'abagore kandi kugeza ubu abapfakazi b'abagore ni benshi kuruta ab'abagabo

UBURYO 5 BWO GUTUMA UMUGABO AKOMEZA KUGUKUNDA

2008-12-07T01:36:00.000-08:00

UBURYO 5 BWO GUTUMA UMUGABO AKOMEZA KUGUKUNDA
par Bangambiki

Iby'urukundo ntibyoroshye wa mugani wa wa muririmbyi. Ntawe uyobewe umuriro w'urukundo mu minsi ya mbere. Ni iminsi idahoraho, iminsi y'ibisigo,iminsi y'urukumbuzi, iminsi yo kurebana akana ko mu jisho.

Ariko igihe kijya kigera, amazi agatuza, serwakira igacaho, inyanja igatuza, amaso akabona,amatwi akumva, ukabona burya ko uwo ukunda atari umumarayika wavuye mu ijuru, ahubwo ari umuntu w'inyama n'amaraso muhuje ibibaza kandi mukeneye bimwe. Nibwo umenya ko burya arya, akeneye amafaranga, arwara, arakara, ndetse, ndetse...ashobora kureba hirya akabona yo umukobwa ukurusha uburanga!

Aha ndagira ngo nkomoze ku bintu utagomba kwirengagiza niba wifuza ko ikibatsi cy'urukundo gihora cyaka, nubwo yareba hirya ntahabone ibyiza bikuruta!

1.Muhe Icyubahiro:mwereke ko umwubashye. Mwereke ko ari umwami mu buzima bwawe. Ko avuga rikijyana. Ibyo avuze byose jya ubyemera n'ikimenyetso cy'umutwe. Jya umutera imbaraga igihe yacitse intege isi itamwumva. Ntukigaragaze nk'ushaka kumugira inama y'ibyo akora cyangwa ngo umuhinyuze mu bitekerezo bye.Jya umwemerera ko amafuti y'umugabo ari bwo buryo bwe.Mureke avuge uko ashaka utamuciye mu ijambo.Jya umubwira ko ari igitangaza, ko afite imbaraga kandi ko ibyo agambira azabigeraho. Niba afite ibibazo muterere agaparu aseke. Ibi ni byo burya buri mugabo wese yifuza kandi iyo aguhunga ajya mu ndayi ni byo aba ashaka yo, nubwo bwose nta byo abonayo. Iyo ushoboye kumvisha umugabo ko uri umugore wubaha kandi umwumva ntacyo yakugurana.

2.Iyiteho:Abagore benshi bamara gutaha mu nzu bati "uwo nari ndwaje ndamuhuhuye!" Hehe n'agasabune, hehe n'igisokozo, hehe n'akabuye ko kwica amaga-wa mugani wa Christophe Matata. Igihe uri mu rugo imbere y'umugabo wawe, jya witondera ibi:Itunganye wiyiteho ku mubiri. Wambare imyenda igezweho kandi migufi. Umugabo aba ashaka kureba intege, umukondo n'ahandi.Ushobora kwitesha akantu ukagatora, akareba uko wariboye!Ushobora kumufata mu kiganza, cyangwa ukamwegama mu gatuza. Menya ka parfum kawe.Abagabo bakunda umugore uhumura neza. Umugore ni ururabo.

3. Irinde Incyuro. Irinde guhora ucyurira umugabo amakosa n'ubuhemu yakugiriye kera. Ibi bituma yifuza kuguhunga ngo agire amahoro

4.Itegure Imibonano Mpuzagitsina

Guhuza igitsina ni igihe cyo kwinezeza no kuruhuka. Ni ibintu umugore akwiye kwitegura no guha agaciro kugira ngo birusheho gushimisha. Si byiza ko umugaboagusoma ngo asange unuka mu kanwa, cyangwa ngo nubumbura amaguru asange hanuka. Hari abagore badategura igituba ku buryo kinuka.
Umugore bashoboraga kumusenda kubera kutiyitaho.

5.Ntukiremereze:Hari abagore biremereza, wamukoraho ntaze vuba, akabanza kwiraza i Nyanza agira ngo winginge. Ntukuke umugabo inabi ngo "mvaho ndiruhiye" cyangwa ngo "ntabyo nshaka." Icyo gihe courage y'umugabo ihita ibura. Nubwo yaba yari yashyutswe yiteguye guswera imboro ihita igwa. Ubwo rero nubwo noneho wahindukira imboro ye ukayitera inkingi ntiyahagarara!Aba yazinutswe. Nta kintu kibi nk'umugabo wazinutswe! Ibitekerezo byinshi bimuzenguruka mu mutwe kandi nta wamenya icyo bybyara. Abagabo burya bazi ubwenge si ibigoryi nk'uko abagore bamwe bakeka. K'umugabo washyutswe kwikinisha no gusohora biba hafi, gusuzugura umugabo bishobora kumusunikira mu kwikinisha ku buryo yumva biryoshye kurusha igituba cyawe.

MBESE USHOBORA KUMENYA IMICO Y'UMUKOBWA CYANGWA UMUSORE URAMBAGIZA

2008-12-07T01:32:00.000-08:00

MBESE USHOBORA KUMENYA IMICO Y'UMUKOBWA CYANGWA UMUSORE URAMBAGIZA?
par Bangambiki

Iyo umusore n'umukobwa benda kurambagizana icya mbere usanga bakunda gushakisha kumenya ni imico. Usanga umuhungu yiyiba rimwe na rimwe agacunga umukobwa akeneye kumenya imico ye. N'umukobwa agerageza kwiga imico y'umuhungu ngo arebe ko yazaba amukwiriye nk'umugabo. Umukobwa nahisemo yaje kumbwira ko impamvu yampisemo mu bandi bahungu ari uko ngo nitondaga nubwo nzi ko ndi vu rihoze! Ngo yancaga ko ntari umusinzi nka bagenzi banjye bamaraga gusinda bagakuramo amashati bagakubita ibiti n'inyoni. Yatangajwe n'amahane n'ubukare nagize tumaze gutangira kurwubaka. Nanjye namukundiye ubwitonzi n'imico myiza hamwe no kutiyandarika ariko tumaze kurushinga nasanze atakitwara uko namuteretaga ameze. Nawe nasanze atari miseke igoroye nk'uko namurambagizaga ameze.

KUKI BIGOYE KUVUMBURA IMICO MU IRAMBAGIZA?

Negereye umukambwe duturanye w'inararibonye mubaza niba mu by'ukuri umuntu ashobora kumenya imico y'uwo arambagiza. Yarampakaniye agira ati "Ni nde wakubwiye ko ushobora kumenya imico y'umukobwa urambagiza? Umukobwa arakwihisha pe, inenge zose akazorosa. Akakwereka ibyo azi ko umusore ashima mu mukobwa. Niba ushaka kumenya imico y'umukobwa uzarebe imyitwarire ya nyina umubyara. Nusanga nyina wamwemera ngo akubere umugore, uzamenye ko umukobwa we hari icyo azakumarira".

BLOG BIFITANYE ISANO

INZARATSI ZO GUTWARA UMUGABO W'ABANDI

2008-12-07T01:20:00.000-08:00

INZARATSI ZO GUTWARA UMUGABO W'ABANDI
par Bangambiki

Kureshya umugabo ntibyoroshye nk'uko benshi batekereza. Abagabo benshi ntibakunda abagore cyane cyangwa igituba nk'uko bikunze kuvugwa. Hari abagabo baba bihagazeho bakomeye ku migambi yabo. Kureshya umugabo ni ugushobora gutuma yibagirwa icyubahiro cye, akibagirwa kuba inyangamugayo, umugore we, ndetse rimwe na rimwe n'ubuzima bwe ngo agushimishe.

Nubwo akenshi ubwiza bw'umugore cyangwa umukobwa bufite uruhare mu kureshya umugabo, akenshi abashobora kureshya abagabo babifashwamo n'ubuhanga bafite mu kumenya igishobora kugusha umugabo mu buryo bworoshye.

1.Abagabo Bakunda Icyubahiro

Mwereke ko umwubashye. Mwereke ko ari umwami mu buzima bwawe. Ko avuga rikijyana.Ibyo avuze byose jya ubyemera n'ikimenyetso cy'umutwe. Jya umutera imbaraga igihe yacitse intege isi itamwumva. Ntukigaragaze nk'ushaka kumugira inama y'ibyo akora cyangwa ngo umuhinyuze mu bitekerezo bye.Jya umwemerera ko amafuti y'umugabo ari bwo buryo bwe.Mureke avuge uko ashaka utamuciye mu ijambo.Jya umubwira ko ari igitangaza, ko afite imbaraga kandi ko ibyo agambira azabigeraho. Niba afite ibibazo muterere agaparu aseke. Ibi byose ubikoze yabigukundira kuko abagabo benshi babayeho nabi:ntibubahwa n'abagore babo, bahozwa ku nkeke ku buryo bumva ntacyo bamaze. Iyo ushoboye kumvisha umugabo ko uri umugore wubaha kandi umwumva ntacyo yakugurana. Nguko uko abagore batwara abagabo b'abandi, noneho nyirantabwa ati ni amarozi.

2.Abagabo Bakunda Umugore Ufite Isura Nziza

Niba ufite gahunda yo kureshya umugabo runaka itunganye wiyiteho ku mubiri. Wambare imyenda igezweho kandi migufi. Umugabo aba ashaka kureba intege, umukondo n'ahandi. Ariko ntugomba kwambara ubusa burundu yatekereza ko uri indayi kandi wabonywe na benshi. Nta mugabo ukunda ibyo. Ushobora kwitesha akantu ukagatora, akareba uko wariboye!Ushobora kumufata mu kiganza, cyangwa ukamwegama mu gatuza. Bituma yumva amashanyarazi amwirutsemo. Ariko ntugomba guhita ubikora ako kanya ntagihe muramarana. Buri gihe ugomba kwirinda ko akubona nk'indayi cyangwa ko umukeneye cyane. Iyo umugabo amenye ko umukeneye cyane arushaho kwiburisha. Menya ka parfum kawe.Abagabo bakunda umugore uhumura neza. Umugore ni ururabo.

3.Mutere amatsiko

Mushobora guhana gahunda y'aho muzahurira ukiyica kugira ngo akwifuze cyane. Ariko waboneka nyuma yaho ugasaba imbabazi ubikuye ku mutima. Abagabo barabikunda.

4.Gira itandukaniro n'abandi Bagore

Niba ushaka kureshya umugabo ugomba kwigaragaza ko utandukanye n'abandi bagore. Irinde kugira icyo umusaba ahubwo wihatire kumwereka ko uri aho kugira ngo umugushe neza kandi agire amahoro yaburiye ahandi. Gerageza kumwereka ko ushobora kumubera ubuhungiro. Ni cyo umugabo aba ashaka mu mugore.

Amareshyamugeni si yo amutunga. Kureshya umugabo ni ukumwumvisha ko ari wowe mugore wenyine umukwiriye kandi wamurangiriza ibibazo, akagutekereza cyane kandi akumva akwifuje muri aka kanya. Nyamara ariko kugira ngo uru rukundo rw'akanya gato rurambe bisaba ko uhora ushyira mu bikorwa izi ngingo mu gihe cyose muri kumwe.

INKURU BISA

Uko Umugore Areshya Umugabo

Inkingi Zo Kubaka Urugo Ruhire I

Inkingi Zo Kubaka Urugo Ruhire II

Uko Abagore Batekereza

2008-12-07T01:18:00.000-08:00

Uburyo 10 Bwo Kubenga Umusore Mu Kinyabupfura

2008-12-07T01:16:00.000-08:00

SOBANUKIRWA N'IMVUGO Y'ABAGORE

2008-12-07T01:15:00.000-08:00

yego=oya
oya=yego
mvaho=njyaho
uri umusazi=ndagukunda
ahari=oya
mbabarira=ni wowe uzansaba imbabazi
dukeneye=nkeneye
ni wowe ugomba gufata ikimezo=nakwemereye kare ahubwo watinze
kora ibyo ushaka=ariko uzabyicuza
dukeneye kuganira=ndashaka kuzamura itiku
nta kibazo=kirahari
ntabwo ndakaye=ndarakaye ahubwo ntubibona wa kigoryi we
ndabona iri joro urimo kunyumva=urashakako nza kuguha
iki gikoni ni kibi=dushake indi nzu
nkeneye amarido mashya=n'amashuka, n'intebe,n'amasafuriya
numvise urusaku nijoro=usinzira nk'uwapfuye
mbese urankunda=hari icyo nenda kukwisabira
mbese urankunda cyane=nakoze ibara
mu minota itanu=nushaka ufungure TV ube ureba turava hano mu minota 30
mbese mfite ikibuno kinini=mbwira ko ndi mwiza
jya umenya kuganira=emera ibyo mvuga
ntabwo ndimo gusakuza=ndimo gusakuza kandi ni wowe wabiteye

IBITEKEREZO BY'URUKUNDO

2008-12-07T01:13:00.000-08:00

IBITEKEREZO BY'URUKUNDO

Urukundo niruguhamagara uzitabe
Nubwo inzira zarwo ari amazamuka kandi zigoye
Amababa yarwo nakuzenguruka ntuzange
Nubwo amacumu ahishe muri ayo mababa azakujomba
Nirukubwira akajambo keza uzakemere
Nubwo ijwi ryarwo ryagusenyera inzozi nziza nka serwakira
Kuko nubwo urukundo ruzakwambika ikamba ku mutwe
Ni nako ruzakubamba ku musaraba
Nubwo rukureka ugasugira ugasagamba
Iyo rugutemaho amashami rudashaka birababaza-Kahlil Gibran, traduit de l'anglais par Bangambiki

Urukundo ni cyo kintu ushobora kuvuniraho abantu benshi ntigishire mu biganza byawe!-Anne Morrow Lindbergh, traduit de l'anglais par Bangambiki

Umutima ukunda uhorana itoto-Uknown, traduit de l'anglais par Bangambiki

Sinigeze menya uko basenga mbere y'uko mvumbura uko bakunda-Henry Ward Beecher, traduit de l'anglais par Bangambiki

Nta mirimo y'igitangaza twashobora gukora kuri ino si, uretse gukora uturimo duto n'urukundo rwinshi-Mother Teresa, traduit de l'anglais par Bangambiki

Hari ibibazo bine by'ingenzi mu buzima njya nibaza:
-Ni ikihe kintu cyera/gitagatifu kurusha ibindi?
-Mbese roho ikoze mu ki?
-Ni iyihe mpamvu yatuma nkomeza kuba ndiho?
Ni iyihe mpamvu yatuma mpara amagara yanjye?
Igisubizo kuri ibyo bibazo byose nasanze ari kimwe:URUKUNDO-Johnny Depp, traduit de l'anglais par Bangambiki

Kimwe mu bintu bigoye mu buzima ni ukugira amagambo mu mutima wawe udashobora kwatuza akanwa!-James Earl Jones, traduit de l'anglais par Bangambiki

Umunsi imbaraga z'urukundo zaruse urukundo rw'imbaraga, isi izagira amahoro-Jimi Hendrix traduit par Bangambiki

Bimaze iki kubaho niba wumva utariho,-Uknown traduit de l'anglais par Bangambiki

Urwango ntirurangizwa n'urundi. Urwango rurangizwa n'urukundo. Iri ni itegeko rya kamere-Guatama Buddha, traduit de l'anglais par Bangambiki

Urukundo ni ubwiza bwa roho-Saint Augustine of Hippo traduit de l'anglais par Bangambiki

Ntabwo dukunda umuntu kuko twasanze ari intungane, ahubwo twiga kubona mu ishusho nziza umuntu utari intungane-Sam Keen, traduit de l'anglais par Bangambiki

Abagabo baba abakunze beza iyo barimo guhemukira abagore babo-Marilyn Monroe, traduit de l'anglais par Bangambiki

Urukundo ngukunda ni rurerure cyane ntaho ruhuriye n'amacentimetro make nkwinjiramo-Uknown, traduit de l'anglais par Bangambiki

IMPAMVU 5 UMUGABO WAWE ATAGUKUNDA

2008-12-07T01:10:00.000-08:00

IMPAMVU 5 UMUGABO WAWE ATAGUKUNDA par Bangambiki

Abagore benshi bakunze kwibaza impamvu umugabo wabo adakunze kubiyegereza, bakanatangazwa n'ukuntu umugabo wabo asa n'ushimishwa cyangwa agakunda kwiganirira n'abagore bafite ubwiza buke ugereranije n'umugore bafite.

Impamvu umugabo atakwiyegereza ni nyinshi ariko ndashaka kuvuga ku mpamvu ziguturukaho wowe nk'umugore. Nturebere kure umwanzi wawe ni wowe ubwawe.

1.Abagore benshi bibwira ko umugabo ari imashini y'igitsina

Bumva ko umugabo akunda igituba cyane ku buryo nubwo wakimanika ku giti yacyenda!Bumva ko umugabo ahora ashyutswe ari runagana aba ashaka aho yajomba imboro! Icyo ni ikinyoma cyambaye ubusa. Umugabo ni umuntu ufite uko atekereza. Kugira ngo ngo akwegere nk'umugore we ugomba kumwereka ibimenyetso ko umukeneye (nko kumwegera, kumumwenyurira, kumukubita agashyi,kumwereka ikibero-ni byo n'aho yaba ari umugabo wawe ugomba kumukuruza izo techniques)

2.Si ngombwa ko nirushya niyegereza umugabo wanjye.

Ni akazi ke nk'umugabo kunsanga no kumbaza. Abagore benshi bibera aho mu rugo ntihagire ikintu na kimwe bakora mu rugo kerekana ko bashaka ko umugabo abegera. Bagera mu buriri ntiberekere umugabo bakihera umwana ibere ubundi bakigonera nk'aho nta mugabo bagira. Akenshi usanga n'umugabo nta mbaraga afite zo guhatira umugore ibintu asa n'udashaka.

3.Umugabo wanjye nta handi yakura igituba usibye kuri jye, bityo amaherezo ni jye azareba nabishaka.

Hari abagore biremereza, wamukoraho ntaze vuba, akabanza kwiraza i Nyanza agira ngo winginge. Hari n'ukuka inabi ngo "mvaho ndiruhiye" cyangwa ngo "ntabyo nshaka." Icyo gihe courage y'umugabo ihita ibura. Nubwo yaba yari yashyutswe yiteguye guswera imboro ihita igwa. Ngira ngo uyu mugani urawuzi "Ijambo ribi rivana imboro mu gituba." Ubwo rero nubwo noneho wahindukira imboro ye ukayitera inkingi ntiyahagarara mba nkwambuye! Aba yazinutswe. Nta kintu kibi nk'umugabo wazinutswe! Ibitekerezo byinshi bimuzenguruka mu mutwe kandi nta wamenya icyo byabyara. Abagabo burya bazi ubwenge si ibigoryi nk'uko abagore bamwe bakeka. K'umugabo washyutswe kwikinisha no gusohora biba hafi, gusuzugura umugabo bishobora kumusunikira mu kwikinisha ku buryo yumva biryoshye kurusha igituba cyawe-byamurambira akagihigira hanze y'urugo!

4.Incyuro

Abagore benshi bafite akamenyero ko guhoza abagabo ku nkeke kubera amakosa ya kera bakoze (cyane cyane ubusambanyi). Nubwo umugabo yaba yarasabye imbabazi kandi agacika ku ngeso, hari abagore batemera ko umugabo yaretse izo ngeso maze mu mibanire agahora amwibutsa"Yozefina". "Wasanze Yozefina,ntuzi iyo ari!" Ibi na byo byica umutima n'Urukundo afitiye umugore.

5.Gusugura Umugabo.

Hari umugabo wambwiye ko hari igihe umugore afata imboro ye mu ntoki akamugaya agira ati "iyi mboro ni nto, uku si ko nkuzi" umugabo agatangira kwisobanura avuga iby'iminaniro n'amasukari n'ibindi. Kugaya ubugabo bw'umugabo ni ikosa rya rutura rishobora gutuma imibanire yanyu yangirika. Hari n'ukundi usanga muri rusange umugore agaya umugabo mu byo akoze byose, kwaba kugura ikintu,kubaka urugo, gucuruza, kwiga n'ibindi, ugasanga umugore nta na rimwe yifuza kuba hari icyo yashimaho umugabo. Ibi bituma umugabo yumva afite agaciro gake, bityo agatinya umugore kuko aba yumva ubugabo bwe bugabanyutse.

6.Kutitegura Imibonano Mpuzagitsina

Guhuza igitsina ni igihe cyo kwinezeza no kuruhuka. Ni ibintu umugore akwiye kwitegura no guha agaciro kugira ngo birusheho gushimisha. Si byiza umugaboagusoma ngo usange unuka mu kanwa, cyangwa ngo nubumbura amaguru asange hanuka. Hari abagore badategura igituba ku buryo kinuka.
Umugore bashoboraga kumusenda kubera kutiyitaho nk'uko hari n'abasurira umugabo umugabo cyangwa bakamwitumaho! Nagira ngo ngire inama abagore

-icya mbere ugomba kumenya ibyo urya bigutera kugira imyuka myinshi mu nda no gusura bidahagarara. Urugero ugomba kwirinda kunywa amata menshi icyarimwe cyane cyane ikivuguto, ibishyimbo, amamininwa y'ibishyimbo, ibitunguru byinshi, ibirungo, amashu,hari nabo babuza umugati.Muri make buri wese akwiye kumenya ibitajyana n'igifu cye.

-icya kabiri, nta na rimwe ugomba kuryamana n'umugabo utabanje kujya kwituma, byaba ngombwa ukiyina(ukoresheje agapira kabigenewe) kugira ngo umwanda wose ushiremo.

-icya gatatu iyo utameze neza mu nda cg se ufite kiriya kibazo hari position ukwiye kwirinda gukora zituma ushatse gusura cg ushatse kwituma udashobora kwifata, navuga nk'iyo kuryama ugaramye umugabo akajya hejuru, byaba byiza ariko ugiye kureba muganga akakugira inama akaba yaguha n'umuti ukwiye kuko hari ubwo nyine aba ari ikibazo cy'igifu.

8.Kutiyitaho

Abagore benshi bamara gutaha mu nzu bati "uwo nari ndwaje ndamuhuhuye!" Hehe n'agasabune, hehe n'igisokozo, hehe n'akabuye ko kwica amaga-wa mugani wa Christophe Matata. Igihe uri mu rugo imbere y'umugabo wawe, jya witondera ibi:Itunganye wiyiteho ku mubiri. Wambare imyenda igezweho kandi migufi. Umugabo aba ashaka kureba intege, umukondo n'ahandi.Ushobora kwitesha akantu ukagatora, akareba uko wariboye!Ushobora kumufata mu kiganza, cyangwa ukamwegama mu gatuza. Menya ka parfum kawe.Abagabo bakunda umugore uhumura neza. Umugore ni ururabo.

BLOG BIFITANYE ISANO

Uko Umugore Areshya Umugabo

Inkingi Zo Kubaka Urugo Ruhire I

Inkingi Zo Kubaka Urugo Ruhire II

umugabo,umugore,isuku,ururabo,

AMABANGA Y'ABAGORE N'ABAGABO

2008-12-07T00:25:00.001-08:00

AMABANGA Y'ABAGORE

Abagore bakunze guca abagabo inyuma. Ibi ni bimwe mu bikunze kubabaho iyo bagerageza guca abagabo inyuma

-abagore bakunze kubika sms z'urukundo ngo bazongere bazisome
-bitondera buri kantu ni yo mpamvu badakunze gufatwa
-bamenya kwicunga no kutagaragaza ko hari icyo bahuriyeho n'uwo bakundana
-bumva ko niba batahuje igitsina nta guhemuka kurimo
-bakunda vuba ariko birabagora kubangikanya abagabo
-iyo hari uwo bakunze bakora uko bashoboye bakamugusha kandi ntibapfa kurekura
-umugore yihitiramo uwo bazakundana hanze y'urugo atabifashijwemo n'inshuti
-abagore iyo barimo guhuza igitsina n'uwo bashaknye bamenya guhisha cyane ko baba barimo gutekereza ku wundi mugabo
-abagore bakunze gusambana n'abagabo b'inshuti z'urugo
-birabagora kwemera ko baciye umugabo inyuma
-biraborohera kubabarira iyo baciwe inyuma

tags-gusambana,kubaka urugo,urugo ruhire,igitsina,igituba

AMABANGA Y'BAGABO

Abagabo bakunze guca abagore inyuma. Ibi ni bimwe mu bikunze kubabaho iyo bagerageza guca abagore inyuma

-abagabo bazi gutandukanya urukundo n'igitsina
-iyo havutse ibibazo bahitamo kubirangiza vuba aho kubitindaho
-bafite uburyo bwinshi bwo guca abagore inyuma-club z'abagore bambaye ubusa,porono,etc
-bakorera mu matsinda, umugabo ashobora kurangira undi
-ntibatinda ku masentiments
-baganira n'abandi bagabo ibidakomeye
-ntibazi kureshya
-ntibakunda abagore babategeka
-ntibazi kubeshya
-bashaka abakunzi kure y'urugo
-bemera vuba iyo bavumbuwe
-ntibamenya kubabarira

AMABANGA Y'ABAGORE N'ABAGABO

2008-12-07T00:25:00.000-08:00

AMABANGA Y'ABAGORE:KUKI ABAGORE BACA ABAGABO INYUMA

2008-12-07T00:24:00.001-08:00

AMABANGA Y'ABAGORE:KUKI ABAGORE BACA ABAGABO INYUMA

Umushakashatsi w'umunyamerika David Buss avuga ko muri kamere yabo, abagore baremanywe ubushobozi bwo guca inyuma abagabo. Abagabo ngo impamvu baca inyuma abagore ni ukugira ngo babyare abandi bana ahandi, mu gihe abagore baca abagabo inyuma kubera impamvu zitandukanye:abagore baca abagabo inyuma kubera ikibazo cy'umutekano: umugore aba ashaka amugabo umukunda akanabimwereka,umugabo umuha agaciro, umwifuza ku mubiri, kandi akamwumva. Abagore benshi baca inyuma abagabo kubera ko hari byinshi baba babuze mu rugo. Ubushakashatsi kandi bwerekana ko hagati ya 30-60% by'abagabo na 20-50% by'abagore mu buzima bw'abo baca inyuma y'abo bashakanye.

Umuco n'imiterere y'abagabo bibemerera guca abagore inyuma. Amazu abakobwa babyiniramo bambaye ubusa ni ayabo, utubare twa nijoro ni utwabo. Iyo barambiwe n'ubuzima bwo mu rugo bigira hanze kwishimisha mu gihe abagore baguma mu rugo ntibagire aho bahungira akamenyero mu mibanire yo mu rugo.

tags-gusambana,kubaka urugo,urugo ruhire,igitsina

AMABANGA Y'ABAGORE:KUKI ABAGORE BACA ABAGABO INYUMA

2008-12-07T00:24:00.000-08:00

KWIHANGANIRA GUHEMUKIRANA KW'ABASHAKANYE

2008-12-07T00:22:00.001-08:00

KWIHANGANIRA GUHEMUKIRANA KW'ABASHAKANYE

Abagabo bafite ubushobozi bwo "kugabanya umutwe wabo mo ibice bibiri."Umugabo ashobora kumenya gutandukanya urukundo n'igitsina. Umugabo aba azi icyo ashaka. Ni yo mpamvu iyo umugabo asambanye hanze y'urugo bitaba bivuze ko yifuza kurusenya.

Ku bagore ho n'ibindi bibazo, ntibamenya gutandukanya ibya roho n'iby'umubiri! Byose baravanga, umugore umwe yaravuze ati "sinumva ukuntu naryamana n'undi mugabo ndi muzima ntasinze, ntamukunda cyangwa nta gahunda ndende dufitanye yo kuzakomeza gukundana. Nabikora gusa nzi neza ko nta ejo habyo hazabaho, ni ukuvuga turamutse duhuye gitungura tutaziranye, tukabikora, nkahita mubura nkuko yaje sinzongere kumubona."

Umugore iyo akunze umugabo, amwimariramo uruhu n'uruhande, niyo mpamvu bigora abagore kugira inkundo zirenze rumwe. Umushakashatsi mu mibanire y'abashakanye wo mu gihugu cya Portugal witwa Jose Gameiro avuga ko "Umugore watangiye guca umugabo inyuma aba ateye ubwoba, kuko amahirwe y'uko azakomeza kubana n'umugabo we aba ari make."

Abagore birabagora gukunda abagabo barenze umwe icyarimwe ni nko gusatura umutwe mo ibice bibiri. Bishobokera abagabo ariko ku bagore biragoye. Muganga Claudia Morais agira ati "si ngombwa ko umugore afatwa yaciye umugabo inyuma kugira ngo habeho ibibazo. Abarwayi banjye benshi ntawabafashe ahubwo barizanye bamaze kurembywa no kunanirwa no kubaho ubuzima bubiri."

MBESE WICUZA KUBA WARASHATSE

2008-12-07T00:21:00.001-08:00

MBESE WICUZA KUBA WARASHATSE

Ibibazo by'abashakanye ni byinshi. Hari abavuga ngo "inshakira muruho ntibaza amoko". Hari igihe umuntu apima nabi agashakana n'umuntu badafite byinshi bahuriyeho. Ikibatsi cy'urukundo kigatuma bihutira kurushinga, nyuma y'iminsi mike gusa, ibibatandukanya bikaba byinshi kuruta ibibahuza. Bagatangira gushakira amahoro n'umutuzo hanze y'urugo. Umva uko uno mugore yicuza kuba yarashatse umugabo "Ndumva nifuza bya bihe ntari 'nyina wa' cyangwa 'muka naka' muri iyo minsi naritwaraga nkigarura. Ubu ngubu hari igihe nsohokana n'inshuti zanjye ariko umugabo ntabyemere. Umunsi umwe narasohotse ntinda gutaha, ngeze mu rugo nsanga yafunze umuryango n'ingufuri. Nahise niga isomo, nsohoka gusa iyo ari mu rugendo, kandi sinshobora kubimubwira."

AMABANGA Y'ABAGORE-IBYO UMUGORE WAWE AGUHISHA III

2008-12-07T00:19:00.001-08:00

AMABANGA Y'ABAGORE-IBYO UMUGORE WAWE AGUHISHA III

IBYO MARTHA ATABWIRA UMUGABO WE

Martha w'imyaka 34 akora muri sosiyete ya Publicite, hashize imyaka 8 ashakanye na Michel w'imyaka 35. Martha avuga ko akeneye umwanya w'utubanga twe.

"Sinjya mbwira Michel iby'inshuti zanjye z'abagabo. Nta nubwo azi amafaranga mpembwa. Hari ibintu bibiri n'ababyeyi banjye batazi usibye na Michel:ikarita yanjye ya banque, na compte yanjye. Nta nubwo nigeze mbwira Michel ko nakinnye akazungu. Nta mafaranga natakaje nta n'ayo nungutse ariko ntabyo namubwiye. Iyo nza kubimubwira byari kuzana amatiku gusa. " Martha na Michel bafitanye umuwana umwe, kandi bafite inzu yabo. Babayeho neza mu buryo bugaragara bwo hanze.

"Imibanire yacu y'igitsina imeze neza ariko gusa nuko rimwe na rimwe nuko iyo turimo guhuza igitsina mba nitekerereza ku bandi bagabo dukorana ku kazi!"
Mu myaka umunani Martha amaranye n'umugabo ni nako afite umukunzi ku ruhande, Alphonse na we wubatse, bamaranye imyaka 6 bakundana! Alphonse yageze aho atandukana n'umugore we, nyuma arongera arashaka ariko Martha avuga ko nta shyari yagize."Nanjye mfite umugabo. Ariko ndumva amaherezo yanje ari Alphonse"

Nyuma yaho Martha yaje gukundana na Richard bahuriye kuri internet, nyuma Richard amubwiye aho atuye asanga ari hafi bahura bigashoboka "ariko natekereje ko ndamutse ngiye tutaba tugiye kuvuga gusa, ahubwo ko twaryamana, natekereje ko nshobora kuba ntari umugore wa mbere yaba ahuye na we, ntekereza kuri Michel n'umwana wacu numva ko mbikoze naba ndushenye. Nyamara ariko buri gihe iyo ndimo guhuza igitsina na Michel mba nirebera Richard mu maso!"

MARTHA VS MICHEL

Ibyo umugabo abona

-umugore mwiza umukunda
-nyina w'abana

Ibyo umugabo adashobora gutekereza ko byabaho

-ko amukundiraho undi mugabo hashize imyaka 6
-ko yahuye n'umugabo mu biganiro bya internet
-ko atamuhisha umushahara we

AMABANGA Y'ABAGORE-IBYO UMUGORE WAWE AGUHISHA III

2008-12-07T00:19:00.000-08:00

AMABANGA Y'ABAGORE-IBYO UMUGORE WAWE AGUHISHA I

2008-12-07T00:18:00.001-08:00

AMABANGA Y'ABAGORE-IBYO UMUGORE WAWE AGUHISHA I

IBYO MARIYA ATABWIRA UMUGABO WE

Ana afite imyaka 37, umunsi umwe yarimo aganira n'umugabo we wari wamusohokanye muri hoteli nziza. Ikiganiro cyabo cyari gishyushye kandi cyuzuye urugwiro. Ariko ntibari babiri gusa ahubwo bari batatu. Uwa gatatu ntiyabonekaga. Pierre yakomezaga kwandikira Ana za SMS muri telefone ye Nokia, nawe Ana agasoma amwenyura umugabo we akagira ngo ni urugwiro! Ubwo umukunzi wa Ana yamwandikiraga za message amutegerereje hafi y'ikibuga cy'indege aho yamubwiraga ati "Wibuke ka Kajipo kagufi, nta mugore mwiza ndabona nkawe!" Ubwo Ana yasomaga izo message agahita azisiba mu gihe nyamugabo, umwarimu wo muri Universite w'imyaka 40 yari yiyegamiye mu ntebe yisomera ku kirahuri ke atuje.

Ana kugira ngo asubize umukunzi yarahagurutse ajya muri toilette yandika sms asubiza umukunzi. Umugabo ntiyigeze arabukwa uwo mukino."Iyo umugabo aza kuvumbura iyo mikino sinzi aho nari gukwirwa!"

Ana amaranye imyaka 9 n'umugabo we Louis kandi bafitanye abana babiri umwe w'imyaka 5 undi w'imyaka 7. Ana yivugira ko atumva akunze cyane Louis mu rwego rwo guhuza igitsina kuko iyo barimo guhuza igitsina aba arimo kwitekerereza ko ari Pierre barimo kubikorana. Ibi abashakashatsi bakaba bavuga ko ari ibisanzwe ku bagore benshi. Mu bushakashatsi bwakozwe n'ikinyamakuru cyo muri Amerika cyitwa Woman's Day, ngo 76% by'abagore bitekerereza ku bandi bagabo iyo baryamanye n'uwo bashakanye! Abagore kandi ibyo babihisha abagabo.

Ana avuga ko n'ubwo akundana na Pierre batarahuza igitsina ariko avugako yifuza ko nibura uwamuha ubushobozi yakwifungirana na we mu cyumba cy'ihoteli akamukorera ibyo ashaka."Icyampa akandongora anyegetse ku rukuta!"

Ana akunda kwandikirana message n'umukunzi we "Umunsi umwe nari nicaye muri salon ari ku mugoroba twenda kujya kuryama, mbanza kwandikira message Pierre, mpita nsizirira ko nyuma nicuriye mu kirere ntekereza ko umugabo wanjye yaba yasomye izo message, by'amahirwe nasanze nari nabanje kuzisiba! Ariko iyo aza kuzisangamo byari kuba birangiye!"

Nyamara umugabo ntacyo akeka ni n'inshuti ya Pierre, ntatekereza ko hari affaire Pierre yaba afitanye n'umugore we."Bijya bintangaza iyo mbabonye bari kumwe basabana, umugabo wanjye atazi icyo ntekereza kuri Pierre."

Umushakashatsi w'umunyamerika mu mibanire y'abashakanye Shirley Glass avuga ko abagabo benshi cyane 80% by'abagabo badatekereza ko umugore ashobora kubaca inyuma .Mu gihe 90% y'abagore bakeka ko umugabo ashobora kuba afite "affaire" kandi akenshi akaba ari byo.

ANA NA LOUIS

Ibyo umugabo abona

-umugore mwiza ukunda umugabo
-umugore usohokana n'umugabo akamenya kuganira

Ibyo umugabo adakeka ko byashoboka

-ko umugore yandikirana n'umukunzi we sms z'urukundo akenshi imbere ye basohokanye!

tags-gusambana,kubaka urugo,urugo ruhire,igitsina,igituba

AMABANGA Y'ABAGORE-IBYO UMUGORE WAWE AGUHISHA I

2008-12-07T00:18:00.000-08:00

AMABANGA Y'ABAGORE-IBYO UMUGORE WAWE AGUHISHA II

2008-12-07T00:16:00.001-08:00

AMABANGA Y'ABAGORE-IBYO UMUGORE WAWE AGUHISHA II

IBYO CLAUDIA ATABWIRA UMUGABO WE

Claudia,afite imyaka 40 ni umukangurambaga, hashize imyaka 3 ashakanye na Charles w'imyaka 25. Bahuriye muri bar umunsi umwe baraganira,barakundana, nyuma barabana.
"Njya kumushaka yarambeshye, yambwiye ko afite imyaka 29 nyamara yari afite 22! Nyuma y'ukwezi kumwe tubana navumbuye ukuri. Ntiyigeze aterwa ubwoba nuko murusha imyaka. Yumvaga ari inyungu kuba abonye umugore ukuze uzi ubuzima kandi utakijya mu by'abato. Nyamara ntakamenye ko mu buzima bwanjye nari narishwe n'ibiyobyabwenge, nkaza kubivaho mfashijwe n'abaganga. Nta byo nigeze mubwira, narikumubwira iby'iki?"
"Ubu tubanye neza, ariko iyo ngiye gutembera mu mujyi hari igihe ndarayo ndi kumwe n'inshuti zanjye za kera, nkamubeshya ko naraye mu rugo rw'undi mudamu w'inshuti yanjye, ko nta kibazo. Yarabimenyereye!"

"Njye na Charles ntidukunda ibintu bimwe. Njye nkunda kwitemberera muri za Bibliotheques, hari nubwo mba nifuza ko twaganira ibintu byinshi, ariko agatima kakambwira ko afite imyaka 25. Icyatumye mushaka ni uko nari mfite imyaka 37 ntarashaka kandi ndambiwe no kuba njyenyine. Nashatse Charles kuko natekerezaga ko atazantesha umutwe, ko atazivanga mu buzima bwanjye. Ikindi ntiyari azi amateka yanjye. Ariko simbona ko imibanire yacu hari icyo izageraho. Umusore w'imyaka 25 n'umugore w'imyaka 40, ntibikunze kuramba!"

CLAUDIA NA CHARLES

Ibyo umugabo abona

-umugore ukuze uzi ubwenge. Ushobora gutembera akararayo bitewe n'impamvu zinyuranye, ariko yabibwiye umugabo kandi akarara ku nshuti ye y'umugore.

Ibyo umugabo adatekereza ko byabaho

-ko uyu mugore yari yarishwe n'ibiyobyabwenge agakizwa n'abaganga,
-ko uyu mugore amusambaniraho kenshi,
-ko uyu mugore amubona nk'umwana utazi ubwenge.

AMABANGA Y'ABAGORE-IBYO UMUGORE WAWE AGUHISHA II

2008-12-07T00:16:00.000-08:00

AMABANGA Y'ABAGORE-IBYO UMUGORE WAWE AGUHISHA IV

2008-12-07T00:14:00.001-08:00

AMABANGA Y'ABAGORE-IBYO UMUGORE WAWE AGUHISHA IV

IBYO AGNES ATABWIRA UMUGABO WE

"Nitwa Agnes, mfite imyaka 30, mfite abana 2 maranye n'umugabo imyaka 5. Umunsi umwe nagiye gusura inshuti yanjye y'umugore maze anyereka izindi nshuti, twagiye ahantu mu kabari kure yo mu rugo turanywa tugeza saa cyenda za nijoro. Nyuma maze gusinda umwe mu bagabo ntazi twarimo gusangira tunaganira aranyegera amfata ukuboko anjyana ahagana ku rubaraza ahantu hatari abantu, aransoma cyane arangije anshyira mu modoka ye sinamwangira anjyana iwe, twaraye duhuza igitsina kugeza turushye. Icyo nibuka nuko nakangutse saa mbiri ndi mu gitanda ntazi, mu nzu ntazi. Nahise mbyuka nditunganya, ngiye gusohoka arampagara ambwira ko niba mbishaka ko twakomeza kujya duhura namubwira, nafashe inomero ze za telephone, ndataha. Ngeze mu rugo nicara mu ntebe ntazi icyo nzabwira umugabo. Nagize imana ntiyagira icyo ambaza, kuko twari dusanzwe twumvikana kandi dukunze gusohokana n'inshuti tugataha bwije, ariko numvise nigaye. Kuva ubwo nahisemo gukora uko nshoboye nkajya nshimisha umugabo wanjye muri byose. Sinigeze nongera guhura n'umugabo twararanye muri iryo joro, sinifuza no guhura na we!

AGNES VS UMUGABO WE

Ibyo umugabo Abona

-umugore mwiza ukundaumugabo
-nyina w'abana ubitayeho
-urugo rw'abantu bumvikana aho umugabo n'umugore bubahana, ku buryo umugore ashobora gukererwa gutaha umugabo ntakeke ikibi

Ibyo Umugabo adatekereza ko byabaho

-ko umugore we yaryamanye n'umugabo atazi yagiye kunywa mu kabari
-ko icyo gikorwa cyatumye umugore yigaya bigatuma arushaho kwita ku mugabo

AMABANGA Y'ABAGORE-IBYO UMUGORE WAWE AGUHISHA IV

2008-12-07T00:14:00.000-08:00

Inkundo Eshatu

2008-11-30T04:34:00.001-08:00

Mbere na mbere uzahura n'umuntu ukunda cyane maze umenye uko gukunda bimera. Numara kumenya uko urukundo rumera, uzamenya ugukunda cyane kurusha abandi kuko ubizi. Numara gukunda no gukundwa uzamenya icyo ukeneye mu rukundo, maze uhitemo uwo uzakunda ubuziraherezo.

Ikibabaje ni uko mu buzima burya uwo ukunda cyane, ugukunda cyane, n'uwo muzabana ubuziraherezo bakunze kuba ari abantu batandukanye. Hari ubwo uwo wumva ukunze cyane aba atagukunda, ugukunda cyane ntube ari we ukunda cyane kandi ugasanga hari ubwo uwo muzabana ubuzima bwose atari we ugukunda cyane naw e utamukunda cyane. Gusa akaba yarashoboye kuboneka mu gihe wari ukeneye gukora ibyo wifuzaga gukora.

Mbese ufite ruhare ki mu buzima bw'abandi bantu? Iyo umuntu agukunda aba agukunda, iyo kandi arekeyeho kugukunda, aba arekeye aho kugukunda. Iyo umuntu agukunda biragora guhisha ko agukunda. Niba umuntu agukunda ariko byageraho urukundo yari agufitiye rugashira mu gihe urwawe rwari rugikomeye, mwifurize ibyiza n'amahirwe mu mibanire ye n'uwo akunda kukurusha. Niba umubujije guhaguruka ngo yisangire urukundo rukuruta bigaragaza ko utamukunda kandi nta n'uburenganzira ufite bwo kumuhagarika.

Gukunda si ugutwara, niba ukunda ukwezi ntibivuga ko uzakumanura ngo ukubike ku ntara yawe ahubwo urareka imirasire yako ikakugeraho. Niba ukunda umuntu si ukuvuga ko wamuguze ugomba kumureka akabaho mu mahoro n'umudendezo. Uburyo bwiza kumugumana ni ukutamwibagirwa mu bitekerezo byawe, ukamuzirika ku nkingi z'umutima wawe.

Niba ukunda umuntu umukundira ibyiza bye n'ibibi bye. Umukunda uko ari. Nta wakwifuza ko ahinduka ngo abe uko wifuza kuko umukunda kuko iyo binaniranye ko ahinduka, kumukunda birakugora.

Iyo ukunda umuntu ntushobora gutanga impamvu umukunda, umukundira icyo ari cyo kandi ukifuza ko buri gihe yaguhora iruhande.

Urukundo nyarukundo ni urunyura mu muriro w'ibibazo n'amagorwa rugasohokamo rwemye.

Mbese kuki abakundana basabana kurahira? Ni uko baba batizeranye. Iri rahira ntacyo rimaze. "Kugeza ijuru riguye, kugeza inyanja ikamye, sinzaguhemukira". Ahubwo se ibyo byazaba mukiriho. Ntukajye usezeranya umukunzi ibyo uzi ko utazashobora.

Inama k'Umusore Ugiye Kurambagiza Umukobwa III

2008-11-20T04:29:00.001-08:00

Imico n'Imyitwarire

1.Menya gufata umugore nk'umugore: Birumvikana muri iki gihe abgore n'abagabo bafite uburenganzira bungana, ariko ntibibuza ko wafata umugore nk'uko mu muco mwiza w'abarezwe umugabo afata umugore. Mutwaze utuntu,kumuherekeza ukamugeza mu rugo n'ibindi.

2.Ubaha Abagore: Ntugatuke abagore cyangwa ngo ubasebye akumva- cyangwa atkumva(ni bibi). Navuga jya wumva, uvuge ari uko arangije kuvuga. Bizatuma akubonamo umusore warezwe.

3. Jya Umureba:Navuga jya umureba, biratangaje kubona umukobwa ashobora kuvuga mu gihe wirangariye wikebukiye ikindi cyana kinyuzeho! Ariko na none ntukamuhange amaso, cyane niba ari bwo mugihura. Ashobora gutekereza ko uri umuhungu utarezwe udahwema kumukanurira.

4.Wikwigira umusinzi imbere ye: Umusore unywa ntasinde abishimirwa n'abandi basore, ariko ibyo ntibikora ku mukobwa urambagiza. Abakobwa banga umusore w'umusinzi.

5. Irinde Kumukorakora. Abakobwa bifuza ko umusore yabakoraho ari uko bamaze kumenyerana, niba mutaramenyerana irinde kumukoraho na ho ubundi yatekereza ko nta bucuti ushaka ahubwo wirebera igitsina.

Inama k'Umusore Ugiye Kurambagiza Umukobwa III

2008-11-20T04:29:00.000-08:00

Icyo Indabo Za Roza Zisobanura

2008-11-15T04:31:00.001-08:00

1 Rosa:urukundo rwihariye nkunda wowe gusa
2 Rosa:dukundana urukundo rukomeye
3 Rosa:ndagukunda
6 Rosa:ndashaka kuba uwawe
9 Rosa:tuzakundana iteka ryose
11 Rosa:ni wowe nkunda kurusha abandi mu buzima bwanjye
12 Rosa:urukundo ruzira ikizinga
13 Rosa:narakubengutswe
24 Rosa:nkutekereza masaha 24/24
33 Rosa:ngukunda urukundo rurerure
36 Rosa:iyo unyegereye urukundo ruransaba
44 Rosa:sinzaguhemukira
50 Rosa:sinibeshye
56 Rosa:rukundo rwanjye
66 Rosa:urkundo rwacu rwaratunganye
99 Rosa:kuba twumvikana mu rukundo byatumye urukundo rwacu ruba urw'iteka
100 Rosa:tumaranye imyaka 100 dukundana none tubaye abakambwe tudahemukiranye
101 Rosa:nta rundi rukundo usibye wowe
108 Rosa:ndakwinginze ngwino turwubakane
111 Rosa:urukundo rw'iteka
123 Rosa:urukundo rw'ubuntu
144 Rosa:nzagukunda ijoro n'umunsi iteka ryose
365 Rosa:ngukunda buri munsi
999 Rosa:urukundo ruhoraho
1001 Rosa:urukundo rudahemuka, iteka ryose

Inama k'Umusore Ugiye Kurambagiza Umukobwa II

2008-11-08T04:23:00.001-08:00

1.Iyogoshe:abakobwa bakunda umuhungu usa neza wogoshe ubwanwa. Kuba usa neza ukeye bituma umukobwa atekereza ko wiyubashye kandi nawe umwubaha ku buryo wiyitaho mugiye guhura

2.Jya Wiyuhagira Kenshi: Abagabo bakunze kubira ibyuya cyane kubera imirimo na siporo bakora. Umukobwa aba ashaka umuhungu uhumura neza

3.Itere ka Parfum k'abagabo

4.Menya Kumwenyura: Kumwenyura bimara ubwoba no kwitinya. Umuntu agaragara neza kurushaho iyo amwenyura. Ugomba guhora umwenyura buri gihe kuko ntiwamenya ushobora kukubenguka kubera inseko yawe.

5.Hagarara Wemye. Gira nk'uko mama wawe ahora akubwira. Hagarara wemye, wumve wifitiye ikizere kandi wiyemeye.

Inama k'Umusore Ugiye Kurambagiza Umukobwa II

2008-11-08T04:23:00.000-08:00

MA MERE WAWE YAPFUYE

2008-11-07T07:20:00.000-08:00

MA MERE WAWE YAPFUYE
par Gaternelson

Bakundwa, ndababwiye ngo yambu!!!Umusore yabwiye cherie we ati " umbabarire ko ma mère wawe yapfuye sinze muri enterainement ati rwose none uzambabarire, nugira anniversaire nzagukorera entreprise!!!"

ndlr-burya kutiga biragatsindwa!

Soma inkuru za Gaternelson hano

Uburyo bwo Gutuma Umukobwa Aseka

2008-11-07T05:01:00.001-08:00

Mubwire ko ari mwiza

Mufate ukuboko

Musome mu ruhanga

Jya umubwira ko umukunda buri munsi

Niba afite agahinda jya umubwira uburyo agufitiye agaciro

Jya umushimira udukorwa duto agukorera(nitwo dusobanura byinshi)

Muririmbire akaririmbo nubwo ntajwi ryiza waba ufite

Mwandikire utubarwa

Muratire inshuti n'umuryango uvuga ko umukunda

Mukore mu musatsi

Muterure, mukine ibyo gukirana

Musohokane, mwicarane mu busitani muganire

Muterere igiparu n'inzenya zisekeje

Mureke asinzirire mu maboko yawe

Sobanukirwa n'Imvugo y'Abagore

2008-11-07T04:50:00.000-08:00